شم النسيم

[نجم الإبداع]

ماضاق صدري من اهل الفكر يوم النزال=ولاتوانيت في الملقى على كل ضيم
اجاري اهل القوافي بالليال الطوال = واليا اعتذر صاحب الميقاف فالله كريم
احب من يمشي الطرقه ويهوى الطوال=والي في الدرب غرز قلت ربك رحيم
ماني من اهل التردد والقوافي الهزال=على الدروب الصعيبه ماوقف لي خصيم
اقدر الي يقابلني على كل حال =وامشي معه مثل نجم اسهيل والا السديم
احب سبر البحور الكايده والجمال =والجزل لاطالت الشطه بحرفي يهيم
اسوق الامثال والناظر يجيه امتثال=واجامل الي يجاملني وكني حكيم
احلم على الناس واعرف من يخون الوصال=والاحظ الشيخ واعرف مايريد الفطيم
الشعر له في خفوقي قدر عالي المجال=وسبر الاغوار عادة هاجسي من قديم
يحسبني اهل الهوى هاوي لبعض الخصال=وانا بوضح النقى ماشي وحوله مقيم
اجاري اهل القوافي من حريم ورجال = عندي مساواه للي جاب حرفن سليم
يمكن يضن العرب بي ضن عند المقال=لكن من ظن بي يحلف بربٍ عظيم
بالواجهه جيت ماخفيّت رسم الخيال = ولا تخيرت في خلف الكواليس ريم
قولو لمن ينتقدني لايزيد الجدال = يحضْر شهوده وانا مكشوف والله عليم
في النور واضح ولا لي قصد يابن الحلال=الا مجاراة شعار العرب ياحليم
هذا كلام الصحيح الي له القلب مال = في ليل مبهم حكى به بالخفايا غريم
يالله طلبتك تجنبنا الخطل والظلال = واحفظ لنا الدين والعفه وشم النسيم

[شجون القصيد]

الشعر له في خفوقي قدر عالـي المجـال
وسبر الاغوار عادة هاجسي مـن قديـم
يحسبني اهل الهوى هاوي لبعض الخصال
وانا بوضح النقى ماشي وحولـه مقيـم
اجاري اهل القوافي من حريـم ورجـال
عندي مساواه للي جـاب حرفـن سليـم

.............................. ....

الله الله عليك

استاذ الشعر فلاح بن منشار

ابيات في الصميم ... مبين عليها فررررش

شامخه رااااااااااائعه صح لسانك مليارات

راااقت لي


تشرفت بمروري من هنا

تحياتي

[عذب القوافي]

جزل ياجزل لله درك أبامحمد ثم لنا درك

صح لسانك عدد نجزم المجرّه

مودتي ,,,,,,,,,,,,,,

[الطائر المهاجر]

صح لسانك وقلبك
ولا هنت
جزل ومبدع
تحياتي

[الـزلـزال]

في النور واضح ولا لي قصد يابن الحـلال=الا مجـاراة شعـار الـعـرب ياحلـيـم
هذا كلام الصحيح الـي لـه القلـب مـال=في ليل مبهم حكـى بـه بالخفايـا غريـم

فلاح بن منشار
قصيدة رائعه ومتقنه وفي الصميم
هدف بها شاعرها شي ما ...........
مبدع أنت فلاحنا وأنت فوق كل مايقال
سر ولا لك هم بما مايقال فأنت رائع وجزل ومتمكن
دمت من أبداع الى أبداع
صح لسانك ملايين ملايين
ولك فائق تحياتي وتقديري

[داعي الشوق]

الله الله يا فلاح

صح لسانك مليووووووون

وافي يا بو محمد وافي

شاعر كبير و لاعليك قصور

قصيدة كايفة و جزله بالحيييييل

كما أنت دائما

صح لسانك مدد

لك تقديري والاحترام

[عايد ربيع الحويطي]

والله يابن منشار
انها جزله بكل معنى

يعطيك الف عافيه

[عبدالله راشد الثويني]

استاذي الغالي / فلاح بن منشار
صح لسانك مليون ولا يكفون
كفو والله .. ومن يعرفك زين مايلحقه فيك أدنى شك
وافـي كعادتك الله يعطيك العافيه
تسلم يمناك على ماخطت طامعين بجديدك دائماً
تقبـّل وُدي

[عبدالله الشويمان]

صح السانك يا ابو محمد..وانت كفو وقدها وقدود

شاعر جزل ومتمكن الى مالا نهايه..وعلمك غانم واللي يتهمك بالردى ما يعرفك زين.ولا عنده سالفه

دمت بخير ولا هنت

[منيع]

ابيات اكثرمن رائعه
بارك الله فيكم
تحياتي وتقديري