جنّة الحوووور

[نجم الإبداع]

يالله يالي من ترجاه عانه=اطلبك يارحمن في جنة الحور
واطلبك يارزاق عالي المكانه=عندك من الفردوس في بال مسرور
واطلبك سامحني على قاف عانه=كنه ورود وساع باروده يثور
يثور باهل الزور واهل اللعانه=واحيان لاهل الحب ينفع مع الغور
احب جزله واحترس من لعانه=وابنيه بالترياق من عقد بلور
الشعر حنكه في ذرا المجد شانه=لامن بني للي جرى جالة الطور
او في نصيحه زان عندي سمانه =او ذكر ربي والنبي زهر منثور
او في جمال الكون يقوى كيانه=والا القمر والليل والفجر والنور
اشوف بعض الناس يطلق لسانه=وانا لو اني بالتفت له غدى بور
عندي دوى المجنون واخرج جنانه=والي يبي باكحل له عيونه العور
الشعر فتل ونقض ياليلدانه =مسحوب والا شيله ابطْرق مجرور
ماهمني ليّلال يالخيزرانه= هذا البيان لكل ناقد ودكتور
نظم القوافي راق قلبي بيانه=بعد الكتاب وسنة احمد على الدور
صلو على اللي مايخون الامانه=خير الانام الهاشمي ياهل الدور

[الطائر المهاجر]

طيبة وجزلة من راس جزل
صح لسانك ولا هنت
تحياتي الطيبة

[ترانيم المطر]

صح لسانك يا ابو محمد

جزله من رأس جزل

استمتعت بقرائتها

دمت بود

[حمود السكراني]

صح لسااااااانك جزلة


من جزل سلمت يالغلا

[عبدالله مذكر العقيلي]

جزله من شاعر جزل

بيض الله وجهك

وصح لسانك


تحيتي

[عمر ال شيبي]

طيبه يا طيب
صح لسانك لا هنت

[مبروك بن ماضي]

شاعرنا القدير/ نجم الإبداع

صح لسانك وعلا شانك يابو محمد

قصيده عانقت السحاب بروعتها . .

دمت بهذا الحضور وهذه الشاعريه.

تقبل فائق التقدير والاحترام

[عذب القوافي]

صح لسانك اخي أبومحمد دائما ً مبدع لله درك يالغالي

تقديري ,,,,,

[داعي الشوق]

الله الله يا بو محمد

شاعر كفو ما يحتاج

و صح لسانك مدد

و لاهنت
،،،،،،،،،،،،،،،،

[الـزلـزال]

فلاح بن منشار
قصيده رائعه ومتقنه ومميزه
من نجم لامع في سماء الشعر بمعانيه وجزالته
مبدع فلا حنا والمبدع نصفق له بحراره
ويسعدنا معانقه حروف قوافيه
صح لسانك ملايين ملايين
ولك فائق تحياتي وتقديري