العيد جانا وكل عامٍ بنقصان

[الطائر المهاجر]

العيد جانا وكل عامٍ بنقصان= الضعف واضح في ذواب الهويه
والغرب متسلط علينا بحقران= كل يوم والثاني نشوف الأذيه
جونا بخطه اسمها حرق قرآن = من بعد ما سبوا رسول البريّه
خلو بطلها قس مشبوه بجنان = يمكن يبي تكريم مثل البقيه
يوم كرموا الرسام في دار الالمان= واعطوه نيشانٍ بفعل الدنيه
ويمكن يبي شهره وذا فيه قولان= فيمكن موجه من عقولٍ غبيه
تبي تجس النبض بديار الايمان = وتبي تسمسر كود تقبض هديه
امن الشيوخ اللي لهم بالأمر شان= ولهم كنوز راهياتٍ عليه
ويوم قبضوا قالوا نقايض بميزان= تلغون مسجد قد نويتوا بنيّه
حول مركز التفجير تعلون الاركان= وانتم ورا التفجير ياليعربيه
وكل الوثائق تثبت بغير بهتان= انهم هل التفجير واهل الرديه
شهادة من بعضهم خير برهان = بالصوت والصوره ولا به مريه
فمن قالوا انه يحمل اسماء عربان= لازال حي وجاهلٍ بالسويه
ومادام حنا بضعف في كل ميدان= تلصق بنا التهمه على ادنى قضيه
ياواثق بالذيب يقرب من الضان= لو هو تبسم فيه خبث الطويه
عدو جدك مانسى كسر صلبان= وتحطيم فارس والجيوش العتيه
وبسط النفوذ بشرقها لين تطوان= والأندلس معها بدوله قويه
بنت حضاره كلها عدل وايمان= وساد الأمان ربوعها والبريه
ومنها خذوا علمٍ بلا اية اثمان= لين وصلوا للمجد في سوء نيه
ثم انكروها يوم ضعفت بجحدان= واستقصدوها بالتهم والأذيه
ما اشره عليهم دام حنا بنقصان= اشره على اللي يرتجيهم رجيه

[منيع]

ابيات تحاكي واقعنا المؤلم
كل الشكر والتقدير لكم

[حرف وشعر]

كل عام وانت بأتم صحه

يالغالي يابوعبدالله

وصح الله السانك مليااار

[هترل]

جونا بخطه اسمها حرق قـرآن
من بعد ما سبوا رسـول البريّـه




ياسلااااااام عليك يابو عبدالله
صح لسانك ولا هنت
دوم تمتعنا بابياتك الهادفه


تحياتي العطره

[داعي الشوق]

صح لسااااااااااانك مليووووووون يا بو عبدالله

قصيدة طيبه و جزلة بالحيل

شاعر مبدع في كل الاحوال

صح لسانك مدد

ولاهنت

عيدك مبارك

**************

[عبدالعزيز العمار]

الله الله يابوعبدالله

صدقت في كل ماقلت

شاعر يلامس ويعايش الواقع الذي نعيشه

صح لسانك وفكرك وكل عام وانت بخير

تحياتي وتقديري

[احمد الكثيري]

ماشاء الله تبارك الله تبارك الله
نص راائع وجميل بارك الله فيك
كل عام وانت بخير

[عمر ال شيبي]

ياواثق بالذيب يقرب من الضـان

لو هو تبسم فيه خبـث الطويـه

صدقت وبارك الله بك جزله من حاكم الجزاله

صح لسانك لا هنت ابد

[سلطان العطاوي]

الله الله
صح لسانك مدد مهوب عدد
وافيه من وافي
لاعدم
وكل عام وانتم بخير :

[أم ريما]

العيد جانا وكـل عـامٍ بنقصـان

الضعف واضح في ذواب الهويـه

صح لسانك

حسبي الله عليهم

قصيده معبره

يعطيك العافيه