ماهي نويِّر بس زول نويِّر

[ماجد الزيد]

صوتية / لرغبة اخوي الفاضل عبد العزيز البليهد
مع حبي وتقديري للجميع

صرت احتري زولك لامر مسيّر=كني معك معزوم كل عصرية
من شفت عينك والخفوق مطيّر=طيره يحوم ولا نوى لي جيّه
كنّي بسبايب نظرتك يا نويّر=مقلوع عن خيله نهار الهيّه
الجيب حنّ ولا قدرت اغيّر= رمشك تقل طاعنّي بشبرية
لبى الخديد المستدير النير=كن القمر ذايب بخدّ بنية
شمحوطة ٍ عنقا دقاق نحيّر=وعلى بعضها مربربة ممليّة
عكس الهواء تمشي وفزّ دويّر=كنّه خديد الطفلة الشّامية
نهد ٍ لهو ظالم ولاهو صغيّر=مغرور لكن واضح الحنيّة
وردوفها ياهي لعينة خيِّر =تمشي مثل تشنيفة الكدرية
لبّى الخصر , لاوالله إلا خصيّر=تقفل عليه السّاعة اليديّة
لاني سفيه ولا انا بغريّر=يوم اتحرّى جيَّة العفريّة
مْسيّر ٍ غصب ٍ منا المتخيِّر=تسوقني غصبن علي رجليه
في حيِّهم ماكني إلأ سيّر=و ادعي متى تظهر هكا لعبيه
اليا ظهرت كني بوسط سعيّر=ارمي شماغي واقرط الطاقيه
سلّمت وردّت من سحيق زويِّر=لبّى سلام ٍ خارج بْعفويّه
باين على زولك لطيف وسيِّر=حيّاك وحيّا الزّول حيّه حيّه
يا بنت مشوارك مهوب قْصير=ونا احبّ افزع اذا لك نيّه
قالت تعرْف البيت .قلت آسيّر ؟=ضحكت ولبّاها تقل قمريّة
قالت هذاااك البيت . بيت نويّر=ونا اجيها وارجع العصريّة
قلت اوّل اتحرّاك كلّ عْصيّر=الحين ابا رابط من الظهريّة
كلمتها قالت قسم متغيِّر=خابرتك تْئذن لنا الفجريّة
يلعن ابو الاحراج , له يا سويّر=كذا صفقتيني بكوب الميّه
مار اسمعي بالله قول نْهيّر=لا تطلعين البيت يالحوريّة
كل البلى زولك لامرّ مسيِّر=يفتن امام المسجد و خآويّه
تعرفني وآنا بعلمها متحيِّر=وسمّيتها في ( فتنة الألفيّة )

[حي الضمير]

ياسلام يابوحمد
عوااااااايدك التميز
ولاجديد عندما تطربنا شعر يانجم
ومليااااااااار صح لساااااانك

[علي سعود العازمي]

صح السانك ياماجد

جزله من جزل

تقبل مروري المتواضع مع أرق التحايا

[مبروك بن ماضي]

الأخ الفاضل الشاعر / ماجد الزيد
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخير حال
أخوك / بن ماضي

[داعي الشوق]

صح لسااانك يا بو حمد

الابداع يتجدد معك دائما

شاعر مبدع و مميز

و القصيدة جزلة بالحيل

صح لسانك مدد

مع التحية والتقدير

***********

[عبير الورد]

صرت احتري زولك لامر مسيّر=كني معك معزوم كل عصرية
من شفت عينك والخفوق مطيّر=طيره يحوم ولا نوى لي جيّه
كنّي بسبايب نظرتك يا نويّر=مقلوع عن خيله نهار الهيّه
الجيب حنّ ولا قدرت اغيّر= رمشك تقل طاعنّي بشبرية
لبى الخديد المستدير النير=كن القمر ذايب بخدّ بنية
شمحوطة ٍ عنقا دقاق نحيّر=وعلى بعضها مربربة ممليّة
عكس الهواء تمشي وفزّ دويّر=كنّه خديد الطفلة الشّامية
نهد ٍ لهو ظالم ولاهو صغيّر=مغرور لكن واضح الحنيّة
وردوفها ياهي لعينة خيِّر=تمشي مثل تشنيفة الكدرية
لبّى الخصر , لاوالله إلا خصيّر=تقفل عليه السّاعة اليديّة
لاني سفيه ولا انا بغريّر=يوم اتحرّى جيَّة العفريّة
مْسيّر ٍ غصب ٍ منا بمْخير=تسوقني غصبن علي رجليه
في حيِّهم ماكني إلأ سيّر=و ادعي متى تظهر هكا لعبيه
اليا ظهرت كني بوسط سعيّر=ارمي شماغي واقرط الطاقيه
سلّمت وردّت من سحيق زويِّر=لبّى سلام ٍ خارج بْعفويّه
باين على زولك لطيف وسيِّر=حيّاك وحيّا الزّول حيّه حيّه
يا بنت مشوارك مهوب قْصير=ونا احبّ افزع اذا لك نيّه
قالت تعرْف البيت .قلت آسيّر ؟=ضحكت ولبّاها تقل قمريّة
قالت هذاااك البيت . بيت نويّر=ونا اجيها وارجع العصريّة
قلت اوّل اتحرّاك كلّ عْصيّر=الحين ابا رابط من الظهريّة
كلمتها قالت قسم متغيِّر=خابرتك تْئذن لنا الفجريّة
يلعن ابو الاحراج , له يا سويّر=كذا صفقتيني بكوب الميّه
مار اسمعي بالله قول نْهيّر=لا تطلعين البيت يالحوريّة
كل البلى زولك لامرّ مسيِّر=يفتن امام المسجد و خآويّه
تعرفني وآنا بعلمها متحيِّر=وسمّيتها في ( فتنة الألفيّة )

صـح لســااانك مليــااااااراااات
لاجــديد سوى انك البسـت الابــداع حلة جديده
سلمت ولاهنت ولاهان منطوقك الجزل

[عبدالعزيز البليهد]

الله عليـــــــــــــك ياماجد

عذوبه تأسر الألباب اخذتنا معك ،، ونوير اسم له ماله من الجاذبيه

رغم الوصف الواضح الا ان جمالها وجزالتها تشفع وتمنيت اسمعها بصوتك

صح لسانك ولاهنت

[الـزلـزال]

ماجد الزيد
بوح في قمة الجمال والروعه والتمكن
من شاعر عندما نعانق بوحه نسعد به ونستلذ بكل مايحويه
ليس بغريب عليك ماتقدمه من أبداع وتمكن
وليس بغريبه عليك الجزاله في بوحك
صح لسانك ملايين ملايين
ولك فائق تحياتي وتقديري

[الراقي]

صح لساااااااااانك


فلسفه شعريه مميزه

دمت للابداع

[احمد الفارس]

عظيم أيها الهرم الإبداعي ....

رفقا بنــا ورفقا بالقوارير ...

تحية لعظمة إبداعك الشعري ...