من الشات الكتابي صباح السبت 4/5/2013م

[الطامي]

الطائر :-
لاصار مالك في هوى البيض حاجه= فانته مثل ديكٍ بليا دجاجه//ماعاد بك غير الحكي واللجاجه=واكتب ياداعي عودكم صار مربوش

الطامي:-
وان كنت عود ولاعيون تراعيك / الصيد قفى منك ماعاد يبغيك / ولافيك حيل تلقفه لين ياتيك / عزي لحالك لاخراب ولا خوش

طائر :-
خلك مثل طامي اذا البحر طامي=يغطس به اللي جاهلٍ به وعامي//ولامن غرق ماتنفعه بالملامي= يلقفه تحت البحر حيتان وقروش
ولاصار مالك في الحياه اي داعي= اطلع وطمبح من عوالي الرفاعي//حتى ولو يقنعك بالهرج داعي= خله يولي لاحلالٍ ولا قروش
يشوف نفسه ضمن بعض الجياعي= لاشاف ظبي مر فوقه قناعي//ييعيش قصة حب فيها الضياعي=وانا اشهد انه يعشق السود وحبوش

طامي:-
ماهو كذا ياعود خل المدايح / نبغيك تقدم ونتعشى ذابيح / والا على ماقيل بلا فضايح / مسيار يادكتور وزيارتك نوش
لاتحسبن العربان مثلك وشرواك / عود تقافى والغنادير بحذاك / لاعاد مابك ثورة كون مناك / خلك تمشى ياقي العمر بالحوش
لاعاد بك حيل ولا فيك حيله / ماغير ترزم والردى بالفتيله / ياعود ياعود الشقا للحليله / الصيد في هالوقت ماكول معروش

طاير :-
اما انت يالطامي تخاف المدامي=تكتم ولا تبين قليل الغرامي//ولا من نشدك انسان تفتي حرامي= وانته تدور لحم وارد مع طروش

طامي
كلن على ماقيل ينظر بطبعه / عينه من اللي فيه ماهي بشبعه / ماعاد يقوى الحيل الا بصبعه / الله يخارج من مصايبه والطوش

شويمان:-
سلام يا الطاير يا عودٍ عصامي=وسلام يا الطامي محب النظامي...الكل منكم مستحق الوسامي=وسام ساده مابه الوان ونقوش
واحد على سطحه يدور حمامي=وواحد على السكه يدور حرامي=وانا اراقب ما يسجل امامي=واشوف شين يمكن يسبب الهوش

الطامي:-
يابو بدر خلك مع السيد الايمن / لاتقرب اللعبه ترى الحكم ديمن / عندي الولد وابغي العشى واتهيمن / ماعاد تلقى من المطازيز لو موش
خلك بعيد ان كان تبغي السلامه / ياعود مثله فوق راسك غمامه / لاعاد لاشده ولابك زهامه / اقفيت مثله كل موسك غدا بوش

الطائر :-
ياعود جنٍ ابتداء في كلامه= وعلى المهاجر صب اقصى ملامه//لاهوب لاصقر ولاهو حمامه=ماغير عود دايم الدوم مهروش

[داعي الشوق]

صحة السنتكم يا فطاحله

ولاهنتوا

[بنت النور]

يعطيكم العافيه
وصحت السنتكم
لاهنتو

تحياتي لكم

[الطامي]

داعي
صح بدنك
وشكرال مرورك
لاهنت

[الطامي]

بنت النور
صح بدنك
وشكرال مرورك
لاهنتي

[هترل]

الله الله
صح السنتكم ياشعار نا لاهنتو

[الطامي]

هتررل
صح بدنك
وشكرال مرورك
لاهنت

[عصام عبد الحميد]

كلمـات امتازت بالصدق والعفويـه
كلمـات ازدانت بالعذوبـه والجمال

شكرا لكم

[الطامي]

عصام
صح بدنك
وشكرا لمرورك
لاهنت

[عبدالله السويلم]

ههههههههههصحت الالسن


تحياتي للجميع