ودي اساير وقتي اليوم وازريت(بالصوت)

[الطائر المهاجر]

ودّي اساير وقتي اليوم وازريت = وودّي يطاوعني ولكن هيهات
كلما بغيت اكتب عن الهم لي بيت= هاجت بحور الشعر بامواج ضيقات
مما اشوفه من زمانٍ به الميت = اسعد من اللي ضامره حيّ ما مات
ليه يا زمن وش بك علينا تجنّيت = نمشي نباري الساس في ذل وسكات
مهما نحاول بين علاّ ويا ليت = فاليد قصيره لو نشوف المجرّات
نرجي عدوٍّ منوته هدّت البيت = وتغيير في القرآن نصٍّ وآيات
خوفه يعيد الوقت نفسه بتوقيت = ونحيي زمان كان للعرْب رآيات
حنّا شرينا الذل مع طفرة الزيت = وهو عطانا مايبي قشر وفتات
ما كن لنا تاريخ يروي بتثبت= فعل الجدود ومجدهم ماضيٍ فات
يوم الرجال رجال نارٍ وكبريت = على عدو الله في كل هيّات
ما همهم دنيا ولا همهم صيت = كلٍ يبي يرضي اله السماوات
حتى حكموا وانهوا عصور الطواغيت = بعدل وسلامٍ ما عرف للمحاباة

[صعبة المنال]

صح لساااانك

جزلة

صعوووب

[نفحات حساسة]

يعطيك العافيه..وصح الله لسانك
ولاعدمت..

[الطائر المهاجر]

شكرا صعبه
على كريم المرور
تحياتي
هذه من القصائد التي كانت في قسم قصائد لم تنشر

[بنت النور]

صح لسانك عددبلامدد
لاهنت
تقديري لسموك

[الطامي]

صح السانك
كلام سليم
لاهنت

[منيع]

اجدت وابدعت
شكرا لك
تحياتي لكم

[عبدالله الشويمان]

صح لسانك يا ابوعبدالله واعتلا شانك.

والله يقوم بالعون.

[علي القرني]

كلمـا بغيـت اكتـب عـن الهـم لـي بـيـتهاجـت بحـور الشـعـر بـامـواج ضيـقـات

الله الله ابداع يالامير

ابعد الله عنا وعنك والمسلمين الهم والضيق آمين

تقبل صادق الاحترام

[الطائر المهاجر]

قصيدة منيع الأخيره ذكرتني بهذه القصيده

شكرا نفحات
على كرم المتابعه
لاهنتي
مع اطيب التحيه