يقولون لي وش ديرتك قلت فوق طويق

[الطائر المهاجر]

يقولون لي وش ديرتك قلت فوق طويق = بنجد العذيّه نجمةٍ تهدي الساري
لها في جبين الدهر بصمه من التوثيق = بمجد انكتب في صفحته غصب واجباري
والى من طلب مني اسمها قلت بالتدقيق= تراها الحرّيق منبع رجالٍ احراري
فتاريخها المشهود ما احتاج للتلفيق = حروفه ذهب مطبوعه بكل الاثاري
سلوم الشهامه والكرم لونها تعتيق = وفي العمق نبع المرجله يسقي الجاري
بها رجال هم ربعي وعضدي بلا تفريق = فكلٍ مثل درعي على هول الاقداري
وانا سيفها البتّار وقت الرخاء والضيق = فهي من عطتني المرجله رمز وشعاري
تبينا نصون العهد والوعد بالتصديق = على حبها بالفعل في عزم واصراري
تبي مجدها السالف بغصن الزمن توريق= بدرب المعزه ترتكي ورد واصداري
وتنتج شياهينٍ لهم في الفخر تسبيق=ولا يرتضوا بالقاع او تحت الاشجاري
رجالٍ عن اللي فات من سالف التضييق = ترفّع بعقل ولو شكت ضيمة الجاري
وتبني عرينٍ ساسه الحب والتشويق = يسود القلوب الظاميه طول الاعماري
ترانا جسد واحد اذا نشْف منّه الريق = تداعت له الاطراف في سقم وامراري
فتكفون يا ربعي ترى داركم في ضيق = فردوا جمايلها ولو عشر معشاري
نشوف المزارع والمباني لها تطويق = ونشوف المدارس والمعاهد للاطياري
تعود الصقور لدارها من بعد تحليق= وتبني قصور تفرح قلوب الاخياري

[الطوير]

جهد رائع تشكر عليه
تحياتي

[بليهان]

شكراً لما امتعتنا به
تحياتي

[السريع]

احسنت
ولاهنت
تحياتي

[سالي]

احسنت
ولاهنت
تحياتي

[مرعي]

شكراً لك
تحياتي

[البتال]

مشكور
على المعلومه الجيده
تحياتي

[البديعي]

لك الشكر
على ما فاض به قلمك
تحياتي

[طويق]

بارك الله فيك
على ما تقوم به
احترامي

[الهامس]

جزاك الله خيراً
على ما افدتنا به
ودي واحترامي