العنيده

[احمد الكثيري]

السلام عليكم
اخواني واخواتي الاعزاء لكم هذه القصيده المتواضعه
وهي اول مصافحه وان شاء الله تنال اعجابكم واستحسانكم

تـقول انا لازلت يا احمدعنيده =بعيش عـمري شامـخه ما ترجاك
انا تراني بالمزايـا الـعديـده =كسبت دلوع الهوى وانت عفناك
آي والله اني عن عيونك بعيده =واعـاهـدك ما عاديـوم اتمــناك
انا الجميله وبـين خلقه فريده =وش لون منسى بصحبة الغير ذكراك
قلت اعشقي شخصٍ فؤادك يريده =انتـي تعلمتي الخـيانه ود سـناك
من قريتك وابهاو جده الجديده =كلٍ عرف يابنــت وش هي مزاياك
مسكين منهو يا(بوتركي) تـصيده=يشيـب راسـه منها واتحــداك
مغرورةٍ بالحيل صارت قصيده=لامـرها الطر قي قالت عـشـقناك
من كثرة العشـاق وش مستفيده =عفت الهوى وا بشـرك قد نسيناك
ياما نويتـي لي العنا والمكيده =نسيتي كم مره (بـجده) خــدمناك؟
ليته يكون اسمـك تغير وجـيده=يامن تعلمتي الخـيانه قطـــعناك
في دفتري كنتي لي(اغلى قصيده=ومن دفتري (خمسين) مره مسحناك

[مبارك أبوظهير]

الله الله



أحمد الكثيري ..



قصيده رائعه .. جدا جدا جدا



والخاين .. بتلقى غيره وافين .. لاتهتم وانا اخوك .



ألف صح قلبك وفكرك ..



تحياتي وإعجابي .. وغلاااااااااااااااااااي




مبارك . ن

الغالي احمد الكثيري

صح لسانك

مصافحة رائعة

لاهنت على زين القصيد



مودتي وتقديري

[الطائر المهاجر]

اخاف يا احمد ما كشفتَ البديده = لابد نسمعها مثلما سمعناك
وان كانها بالوصف مثل القصيده= ماهيب كفوك لو على الوصف لمناك

صح لسانك وبيض الله وجهك
مصافحة ولا اقوى ولا اجزل من شاعر فذ
اعجابي وتقديري
ولي عودة تليق بها
مع أطيب تحياتي

[الخنساء]

من كثـرة العشـاق وش مستفيـده
عفت الهوى وا بشرك قـد نسينـاك
ياما نويتـي لـي العنـا والمكيـده
نسيتي كم مره (بجـده) خدمنـاك؟
ليته يكـون اسمـك تغيـر وجيـده
يامـن تعلمتـي الخيانـه قطعنـاك
صح لسانك شاعرنا احمد
قصيدة من قلب طيب الي انسانه
لاتستحق الا النسيان والطيب يلقي
الطيب
لاهنت قصيدة تترجم جروح الخيانه
لمحب صادق
سلمت وسلم شعرك وحرفك
اجمل تحيه

ياسلام


على


ياسلام


قلت اعشقي شخصٍ فـؤادك يريـده

،،،،،،،،،،،،،،،،،،،،،،،،،،،،،، ،،انتي تعلمتـي الخيانـه ود سنـاك


مصافحة تبيض الوجه يأبيض الوجه


لاعدمتك أبوحميد


وألف صح لسانك

ولاهان رأسك ولاغاليك يالغالي


أخوكــــــــــــــــــــــــــ

صح لسانك يالكثيري
على هذه القصيدة الرائعة

[أم ريما]

صح لسااااااااااااانك

قصيده جميله جدا يعطييييييييك العافيه


تحياتي لك

[ابو زياد]

صح لسانك يالكثيري
على هالجزلة الفريدة
ودمت بخير

[احمد الكثيري]

السلام عليكم
الشاعر مبارك ابو ظهير شكرا لمرورك
الرائع الذي اسعدني لك مني كل الود