محاوره فكاهيه وتحدي القافيه

[الطائر المهاجر]

فيما يلي سنبدأ مساجلة الأبيات الضاحكة من شعر شعراء الفطاحلة ، والمطلوب أن تأتي ببيتين او مجموعة من الأبيات الضاحكة أو الساخرة ، بحيث تبتدأ اما بآخر حرف من ابيات من سبقك أو بإثنين ، او ثلاثة ،طبقا لطلبه ، مالم يندر الإتيان بهذه الأحرف ، فيمكنك اخذ الكلمة بكاملها وتبتدا بها :

ترى الزواج من العجايز فيه فود= من جربه عاف البني القاصرات
تلقى العماير والذهب قبل النقود= وتلقى حنانٍ من عيونٍ خاثرات
ماهي من اللي همها كثر الرقود= طول النهار وليلها مابه مبات
ما تعرف الجوال او رقص الهنود = ولا خكارى الأغنيه شبه البنات

[ثار التميميه]

استاذنا معليش مافهمت الفكره

ياليت توضحها شوي

[الــذاهبه]

اكيد الزواج من العجايز كله فود هههههههههه
لي عوده استاذي للمشاركه والموضوع واضح لاهنت

[الطائر المهاجر]

ما رديتن يالبنات .. انا عارف ما يعجبكن مدح العجايز
لكن فيه من يبي يجي ويرد

[ثار التميميه]

دخيل عينك يالمهاجر لاتزود = العجايز ماتقارن بالبنات

ان شاء الله اكون فهمت الفكره

[ابو زياد]

العجايز زينهن فاق الحدود=صكن البيبان عن باقي البنات

[الطائر المهاجر]

سهمهن ياثار دايم في صعود= عندهن ثروه ولا عنهن غنات
وانتن الوحده تغرز في النفود= ما تعرفن ويش زول الخاطبات

[ثار التميميه]

العجوزه طبعها شين وحقود = والبنات طباعهن سكر نبات

[الطائر المهاجر]

هالزمن وقت التجاره والنقود = والشباب اليوم يبغى التاجرات
ما انتفع بالعلم لو خلف الحدود= عاطل عاله على اهله والهبات

[نسناس الهوى]

شاب شاعر ثم غدا باليوم عَود = عقب السعاده خاضها بـزين البنات
ثم يقول ان العجوز احلى وجود = لا لا ولا لا صاحبي مالك لوااات

-------

امزح ترى وكلك ملح وشباب ههههههه : )