هيفاء التميمية

[الطائر المهاجر]

شاعرة مبدعة زاملتها في بعض المواقع ، لا أعلم أين هي الآن ، وإن كانت سرت اشاعة بوفاتها ، لكن لم استطع التأكد من الخبر .
معلومات عنها كما روتها هي ، ومن يعرف عنها فأرجو أن لايبخل علينا ...

1ــ إسمك الحقيقي إن أمكن....؟

(...... هيفاء.......)...قصمنجية من رياض الخبرا

2ــ تاريخ الميلاد

(....1976م...\....1396هـ....)

3ــ الوظيفة

(كنت موظفة خدمة عملاء في بنك.)..والحين (طالبة بليدة)..

4ــ الحالة الإجتماعية

(............................. ..)
..
5ــ كيف اكتشفت شاعريتك......متى ...؟....وأين....؟

(( هو أنا شاعره بجد؟....والله اني نسيت كيف اكتشفت...لكن اول قصيده موزونه من 3 او 4 سنوات....والبدايه كانت من 10 سنوات تقريبا مجرد نثر وخواطر
أما أين... الظاهر اول قصيده ..كنت يومها بجده...

لكن من يوم اني بزر وانا احب الشعر ......))

6ــ أول قصيدة كتبتها...هل لك أن تطلعنا عليها...؟

(( ياليتها عندي مااحتفظت بالجديد احتفظ بالقديم.))

7ــ هل تكتب الشعر بإلهـــــــــام ..؟

(( غالبا أكتب بإلهام الآخرين....وأجمل قصائدي و(أقواها)هي تلك التي ترجمت بها مشاعر غيري.....))

9ــ من هو شاعرك المفضل....؟....وشاعرتك المفضلة...؟

ماأكثرهم وأكثرهن..

10ــ باعتقادك ماهي أجمل الأبيات التي قيلت في

الحب.....\.....الوفاء.......\. ....الخيان ة......\......الحزن.....

(الوفاء)...

أنا عزاي ان الوفا محتويني
............. وان خان غيري بعت عمري ولاخنت...(للمانع)

(الحب )و(الخيانة)و(الحزن)... حاليا..لاأتذكر أبيات معينة..

11ــ ماهي أقرب قصائدك إلى نفسك....؟

أكره كل قصايدي واسألوا سلة المحذوفات

12ــ وأجمل قصيدة...كتبتها......؟..وأجمل بيت....؟

من الصعب أن أحكم على قصيدة أو بيت لي...

13ــ ماهي الأجواء التي تكتب فيها قصيدتك...وهل تستسلم لطقوس معينة..أثناء الكتابة..؟

القصيدة الحزينة...طقوسها(الدمع...)...أ ما إذا بحثت عن الشعر قبل أن يبحث عني....فلابد من الهدوء...و(المبخرة)...و(القهوة )....

14ــ الشعر بالنسبة إليك.....وسيلة أم غاية...وهل تطمح في الظهور إعلاميا...؟

(مااااااااااقاااام عندي ولاقعــــــــــد مهو اكبر همي...)

15ــ هل تمنيت يوما لو لم تكن شاعرا.....؟....ولماذا...؟

(إذا اقتنعت بشاعريتي...ربما أتمنى هذه الأمنية...)

16ــ هل تفتخر بأنك شاعر...؟.....ولماذا........؟

بالعكس...مااحرص أقول اني شاعره بمجتمعي..وكثيرين يجهلون هالشيء..
مهو عيب إيـــــــه... بس مايهمني...

17ــ ماهي القصيدة التي كتبها غيرك وتمنيت أنها لك....؟

قصايد كثير... بس يمكن أكثر قصيدة هي (مرثية الدغلوب) لبدر بن عبد المحسن

18ــ باعتقادك..هل المعاناة ضرورية في حياة الشاعر....؟

لا مهو ضروري...أكثر عيال النعمه والامراء شعراء...

19ــ هل تؤيد الكتابة بإسم مستعار ولماذا..؟

للبنت...... إيه.....

للرجال......لا....

البنت أؤيد تكتب باسمها بعد الزواج بموافقة زوجها...بس

20ــ هل تسعى إلى تطوير نفسك شعريا.... أم تكتفي بما تجود به قريحتك بلا (تدقيق)...؟

غالبا...بلا تدقيق....والتطوير يرضي غروري شعريا ولكنه يشعرني بالغربة...فأمقت قصيدتي...

احسن شي بالنت ان الواحد يسوي حوار مع نفسه....

وأعتذر إن أغلب الإجابات بالعامية....

خنت الأمانـ ـه واستـــــرقت السمع من صوت الزمان
قلــــــت المسافــــــــة ليلتيــــــــن وطعنتيــــن ٍ تنجـــلـــي

أثري زرعت براحتــــــــي شوك الجفا وانبت هوان
أثري شرقـــــــت بدمعة ٍ ترتــــــــــــع معي في مدهلــــــي

واثر المواجع بي خصيبـــــــــة والأماني قحويــــان
واثــــــري هنا ولاّ هنــــــــــــــا أطـــــرد ورا قلب ٍ خلــــــي

جيت آتفيــَّــا ماهقيت ان الشجر مـــــــــاله أمــــــان
جيت انشــــــــــــــــــــد المــا واختصر جدب الغلا في منهلي

أخطيت,جل من , لا..خـَـطـَـا وافسحت لاعذاري مكان
خطاي عذري والنـــــــــــــــــــــدم طهر ٍ غدابــه مقتــــــــلي

افنيت عمري بين ِ ليت وْ لـُواْو علــَّـه وْ كـــــــــــــان !
أشقيــــــــــت عينــــــي فـــــي رجـــا شي ٍ بعيد ٍ معتلــــي

دوني ودونه ألف ليل وألف خيل وألف جـــــــــــــان
بيني وبينه مثـــْــــل ِ ما بيـــــــــن الرجــــا والمبتلـــــــــي !

ياقلب وش حدك على حِـب ٍ تمرد واستكـــــــــــــــان
يارب من جـــــــــــــور الحبـــــــــايب جيت يانعم الولـــــــــي

مالي سوى عطفك علي .سجده وترتيل وأذاااااااان
لابووووووك يادنـــيــــا الفلـَــس مابيـــــــــك لالي وْ لاعلـــي

2-
العيد بكرا وليه انا باغلال حزنـــــــي والعذاب
إلى متى والجــــــــــــرح مُوغِـــــل بين صدري والوتين

ماني على خبرك وْ لالي شف في كحل وخضاب
ماكني إلا طيـــــــــف ثكلــــــى ً هدّ ها فقـد الضنيـــــن

(............................. .................... ....)
(............................. .................... ............)

مْـن الأزل نسمــع عن الما وسر عشقه للتراب
ونسرد حكـــــــــاياهم ولـــــــــع مْـن الألف للبـاء طــين

ونندد بجور الحصـــى لامن تراكم بالهضــــاب
ونقول لــــــو انه يصـــون الــــــــــود مــــــاذب الحنـين

نحتاج فعلا ً للحجر ندفع به شـــرور الذئــــاب
بس القلوب اللـــــــــي حجـــــــر وش نفعها حتى تليــن؟

للجرح موسم؟ لا وربي ماعــــرف غير الاياب
كل الفصول آلا ربعه تزهـــــــر بي أوجــــــــاع وأنيــن

عقدين ماراحن عبث والثالث يلوّ ح غيـــــــاب
واليا بلغ عمـــــــــــــــري أشده قلت حــــــــي آلاربعين

أطرقت راسي للقضا ماللقضا عندي عتـــــاب
واللي يقدّ ره الولي غصـــــــب ٍ عن اِ عراضــــــــي يحين

يعني متى كان الجزع يجدي أو يفيد السباب
يغور مامسّـت يـِّــدَه مغانــْــــيَ الكنــــــــز الثميــــــــن

قناعة ٍ ماترفع الهمه على حدود الســـــحاب
وشلون تمطر بي رضـــــــــــا وتكــــدّس اكــــــوام اليقين

وشلون ابتزود مْن التقوى واباخذ لي زهاب
والراحله تمضـــــي وانــــــــــا ماجبــــــــــت هم ٍ للسنين!

النار ماتاوي لحد واللحـــــــد مأوى ً مايهاب
والقبر صندوق العمـــــــــــل ياوحشــــــة ا للي يستهيــن

3-
وداع يخلـِّي الدنيــــا وْهي دنيا.. تمنى الموت
..................وداع ٍ كل خلـــــــق الله تعوّذ مـِـنـْـه مرتابــــــه

وداع ٍ لا لقا بـَــعـْـدَه وْ لا حي ٍ يـــرد الصوت
.................. وداع ٍ أبعد مـْـن اللي حسبت فـ بـِعدي حســابــه

رحيلي والله ان يجعل تفاصيل العــــمر تابوت
..................هي الدنيا لها طـَعـْم ٍ بــدوني ..لا.. حشا ..مابــه

واذا كان الغِـنى عندك طموح ٍله بنيت بيوت
.................. انا كنـــت احلم بعش ٍ ظليل بجنة احبابــــــــــــه

واذا كان الوفا عندك سراب ٍ فـ الوفا لي قوت
.................. جمعته للزمن قـَـبـْـلَ الجحود يكشـِّــر انيابــــــه

تكفن باخر اسمالي (جنين ٍ) بالألم مبهـــــوت
................ وواريته مـَــعَ قلب ٍ خذاه الجرح لترابـــــــــــه

كأني جايْع ٍفقره حداه لرفقة الطاغـــــــــوت
..................يعـرْف ان لقمتـ ـه مرّه ومع هذا طرق بابــــــــه !

كأني يونـس وكن الوسيعه في عْـيوني حوت
................ وانا بين اهـلي وناسي وربي كني بغابـــــــــــه

كأني أبكم ٍ أجمل سنينه روّحت بـ سكــــوت
.................ويوم انه نطق مات الحبيب فـ عز تـــرحابـــــــه

كأني تايه ٍ دل الطريق وْ لارَحـَـمْــه الفـوت
.................... تأخر عن مواعيد الحنين وو فــَّـر عــتــْــابـه

رحيلي لا لقــا بعده ولا عقب المنية مـــوت
.................... وداع ٍ كــل خلق الله تعوّذ منــْـه مرتــــابـــــه

4-
الحسود اللي تمادى بالكلام وبالضغينه
............تحرقـــه نيران غلـّـه ويتهــاوى بالجحيـــم

ماعلي من الملام ولاشكيت من الغبينه
...........والشعر ماهوب قدري وافتهم كانك غشيم

والجهاز بكل مابه كاين ٍ ماكــان ادينه
...........يلعن النت وهشيمه ويقطع سنيــــــن الاثيم

مالهثت اجري ورى اللي بالرديه خابرينه
..........إستعذ بالله واقضب لحيتــــــك كانك حكيم

بنت ابوي ودربي اخضر والنوايا ياسمينه
..........وان حكوا مهما حكوابي مالقوا وجه ٍ دميــم

اسألك بالله قل لي هو بقى شي ٍ تهينه؟
..........واسألك بالله قل لي وش لقيت مْن الحطيم؟

قلبي اللي من عرفته ماعرف غير السكينه
..........يحتضن جـــور الليالي وان تقــــــدّاه العتيم

وان جهلت سلوم هيفا فما وطى يوم ٍ جبينه
..........وان صعر لفـــــلان خـــــدي ماتبنتنــــي تميم

باح سد القلب حتى بيّح الخــــــافي كنينه
..........ولاعلي ممــــا رماني, دام ِ لـِـي رب ٍ عليم

5- القصيدة التالية تقدم لها كما يلي
وهنا أيضا من المضحك المبكي..وأقول الحق ولو على نفسي.كنت في قمة الغباء عندما إنتحل (رجل!)شخصية شاعرة لأتوسط له في إحدى المنتديات بالتسجيل..وكانت أولى مشاركاته قصيدة بي..(يمتدحني)أضفته بالماسنجر بناءا على طلبه إعتقادا مني بأنه امرأة..ولمدة شهر وأنا أتحدث مع هذه الشاعرة المزعومة بل وأهوّن عليها أمر طلاقها من زوجها وسعدت كثيرا بعودتها إليه :face: ومن أجل طفلهما!!
حتى تلقيت رسالة من أحد المشرفين في ذلك المنتدى يخبرني بأن هذه الشاعرة ماهي إلا (يوزر)لشاعر كبير ورفض أن يخبرني من يكون!
ومنذ ذلك اليوم لم أنفك أنا بل وحتى أقرب الناس لي عن الدعاء عليه فلو كنت قد أضفته وأنا أعلم بأنه رجل لكنت أستحق..ماجرى لي..
عموما لم أخسر شيئا إستفدت كثيرا وحصلت على وصفات للطهي رائعة جدا..
من (ذكر)يجيد الخوض في تفاصيل النساء الدقيقة من (تسريحات ومكياج وطبخ)
وماخفي أعظم من أمر ذلك الدنيء..الذي كان ينسخ محادثاتي..لمن هم مثله
حسبي الله عليه (ويلقاها في خواته )

[c]



السافل اللي يدّعي بالــــــــرجوله
...................بدري علــــيه وُ لايــــــبرهن بالافعـال

يبني قصوره بالهوى ,,, والبطوله
...................ماطالها مهما تمنا1111ه ماطــــــــال

احقر من انه يفتخر في فعوله
..................ومستــــــــ ــعذب ٍ فعل الدنيه والارذال

عندي تصاعد إييييه بس فـ نزوله
..................قـــــــدر الذي عند المواثيق يحتــــــال

واشعاره اللي تنكتب في سهوله
..................من زيفها خل المطــــــــــــافيق تختال

شاعر بلــيّــا شعور لو صفقوله
..................(جلمود صخر ٍ )واصــــله اليوم تمثال

ماهيب انا اللي تنجرف او يطوله
...................شخـــص ٍ ذليل وقيمته قيمة نعـال... !

والحكمه اللي في مواطي رجوله
..................يلقى بها بارض المجانين مدهـــــال

مخشوشنه في عيشتي ومهبوله
.................ومبعثره بين النقيضين والحـــــــــال

لي بالمكارم الف صوله وجــــوله
................إسأل وتلقالي بالادنين منهــــــــــال
.
وكان الحكي هو ديدنه فاشرحوله
................الصمت حكمه بالمواعــــــظ والامثال

يا (........) خيله شكت من جفوله
................هَــــدْيـــَـ ه ْ على هدي (....)والانذال

مهما تنكـّـــر او جحد في اصوله
................عوّد لاهو إنثى ولاهوب رجّـــــــال


6-
تخيلوا وانا اجـــادل بافتقادي للأمــــــــان !
...........................واق ــــــــول بعد الله ترى محــــدٍ بقالـــــــي يؤتمــــــن

تخيلوا إنــي رُغــم ظني لقيت بهالزمــــــان
...........................رجل ٍ يخــــــاف الله ويعطـــــــــي , مايبي لغيره ثمــن

ماالومكم فوق الخيال وفوق شطحات العَــنـــان!
...........................إنك تلاقي شخص ِ يــمنـــــــــح لايـســــوم ولايـِمــِــــــن

(هاجرهم ) أنت بذمتك , هالرد عادي ؟ويستهان؟
...........................إن ماشــــكرتك اسألك بالـْـله أنا شُــكري لـِـمَـــــــــن؟

ماهمني لو كنت باسمك قِـد كتبته أو , تـِـبــَــــان
...........................لكن ْ مـــــــــــــــــدري من تكون وهل تقول إن قلتِ من؟

كبير واللي حط لك حتى فـ وسِـط اهلي كيــان
...........................إنك ثلجت صدورهم قبلــــــــي وانا حالي كمــــــــــــن

جته البراءه يوم حكم الموت يتلوه البيــــــــــان
............................يو م ان أقربهم صــــــــــــدر حكمه وبي عْـيونه عَمَــن

تلقاه عند ربي عسى أصغر نعيمك بالجــــنان
............................(ي وم المزيد)اليا لقيـــــــت الله وشفت اللي تِـــمَـــــــــن

7-
انسان قبل تكون شاعر او تكون.
ــــــــــــــــــــــــ شخص ٍ عن الباقين يـِّـفرق مساره
رجال .قول وفعـْـل ماتعرف الدون
ــــــــــــــــــــــــ تذب عنــــــــي وانت عني تــــواره
لله درك أنت ماتدري شلـــــــــون؟
ــــــــــــــــــــــــ حلـَّــقت بي ودمـــــوع عيني جهاره
إي والعزيز اللي عشـــانه يذلون
ــــــــــــــــــــــــ خلقه ورب اللي أمر بانهمـــــــاره
ماكل دمع ٍ يـِلهد القلب والنـــــون
ـــــــــــــــــــــــ لي صار يصعــــد مارضخ لا نحداره
يوم ان اقربهم تمادوا ويهجُـــون
ــــــــــــــــــــــــ يوم انهم ذمّــوا صفات الطهـــــاره
يوم انهم خلفي وحولي يحيكون
ــــــــــــــــــــــ مؤامرات السوء باســـــــم الشطاره
مدحتـني. والقلب ميّت ومطعون
ـــــــــــــــــــــــ وفـِـتني والجرح . يسدل ستـــــــاره
هاجرهم انت انسان لكن من تكون؟
ـــــــــــــــــــــ مثلك حـــري ٍ ينعرف وبجـــــــــداره

8-
ياقو باســــــــــــــه علي وياقوي صبره
ــــــــــــــــــــــــــــــ ـــــ ياقو حِمْــل ٍ تنوء بحمــــــــله متــــــوني
وش فـــــرق حالي عن اللي حافر ٍ قبره
ــــــــــــــــــــــــــــــ ــــ يوم العقــــل ماتدارك غفلة جنــــــــونـي
موسوعة الدمــــــع ياكبرك وياكثـــره
ــــــــــــــــــــــــــــــ ــــ في ذمتي ماكذبتي يااصـــــــــدق طنوني
أبستضيفك وانا الــلي محجري حجره
ــــــــــــــــــــــــــــــ ـــ تربعي في مقـــــيلك داخل جفــــــــــونـي
لوهي على الدمـــع هانت عندي العبره
ــــــــــــــــــــــــــــــ ـــ أهلــّها والبلا ســــــدّي ومكنـــــــــــــوني
الهم فاجر من اللي يدّ عـــــي طهــــره؟
ــــــــــــــــــــــــــــــ ـــ والجرح صاخب وانا اللي اعشق سكونـي
مايجهل اليوم أمسي وان جهل بكــــــره
ــــــــــــــــــــــــــــــ ــ مثل السواد الذي من عِرْ فـتي لــــــــونــي
ومثل الطريق الطويل وخوّة العثــــــره
ــــــــــــــــــــــــــــــ ـــ أشوف حظــــــي هو الـلي واقف ٍ دونــــي
الكافر اللي يخون الملح والعشـــــــره؟
ــــــــــــــــــــــــــــــ ـــ وأهل الشهاده إلى من ضقت خلونــــــــي!!
فضا المواجع رحــــــــيب وذايع ٍ ذكره
ــــــــــــــــــــــــــــــ ـــ خذ سيرتـــــي من مـــــداه ودوّن طعوني


9-
من جــرّد الأحلام ثوب الطفوله؟
من علـّـم الأحـــزان تستوطن الذات

الليل توّه والمواجع عجوله
والروح وجله والحقيقه خســـارات

إحساسْي الليله أسى مع كهوله
للجــــــــرح سكره والمنيه نهايات

واللي أبيه منين وشلون أطوله؟
بيني وبينه هم ليـــــــل ومسافات

وايديني اللي عن هناي مْغلوله
شفت المضره ماعرفت المســــرات

لو كل من هو حب شي ٍ ينوله
ماشفت حي ٍ يـِقضي العمر حسرات

هو زرعي اللي خان ولا فصوله.؟
من دمي اسقيته واداريهِ لااقتـــــات

لو انتظرت الغيث ولا هطوله
أجدبت ممن ياسي وحاكيت الاموات

أنا سعيت لشي مـ ابعد وصوله
وانا رضيت وصار عندي قنــــاعات

عز الكلام أو ودنا مانقوله؟
ولافادني قول الشعر والعبارات

10- وهذه مرثية بتقديمها
ليس من اللائق أن أقوم بطرح مثل هذه (المرثية..)أولاً : ..لفوات مناسبتها الكئيبة
وثانيا ..: حتى لا أثير ألأحزان الخامدة لدى البعض..

لفقد من نحب..أثر لاتمحوه الأيام يتجدد مع مرور الوقت..(صديقتي ) رحمها الله شهدْت موتها (وهي تتألم)قبل أن تموت..
وكان آخر ماقلته لها... سنلتقي في الجنة...بإذن الله
وردت قائلة..((هذا (المرض)الله حطه...والله يقدر ياخذه إن أخذني هو أرحم بي منكم..))
وقلت لها هناك حيث الجنة مالاعين رأت ولاأذن سمعت ستغمسين في النعيم غمسة واحدة فيقول لك ِ الله هل مر بك ِ بؤسٌ قط..فتقولين لا ياااااااااارب

ابتسمت لي وهي تقول (أحقاً..)..فقلت لها ..نعم ورب محمد..

وحتى الآن..(لم أمزق صورها..أو "أمسح" رقم (جوالها)...أشاهدها في كل زاوية ..وفي كل ذكرى أجترها أجدها معي..

مرضت وماتت بسرعة...ومات لي الكثير من الأحباب غيرها..في نفس العام
ذهبت لتأدية واجب العزاء لأهلها عشية ليلة (إختبارات النصف الأول)..واليوم وأنا أحاول أن (أفتح الكتاب) وجدتها تتصدر الصفحة الأولى...

فذهبت...لسلة المحذوفات...لأستعيد (هذا العذاااااااب)..(القصيدة)
وإن كانت كل لغات العالم.. لاتستطيع أن تصف لكم كيف تلقيت خبر رحيلها.(رحمها الله )







تِمكَّن يااخْر أوجاعي من أخمص هالقـدم للـراس
تسـاوت عنـدي الدنيـا بعـد ماماتـوا احبابـي
وش اللي لي بقى حتى أداري واكبـت آلاحسـاس
وش اللي لي مضى حتـى أهـج لنفحتـه بابـي؟
همومي يابشر ظلـي تـردد بـي مـع آلانفـاس
وقلبي مضغـةٍ يامـا تداعـت واظهـرت مابـي
تقاطيعي لـو اتجلَّـد واقـول انـي قويـة بـاس
طغى جور الدَمِعْ حتـى اشـوف الدمـع بثيابـي
وماتت شعلة الدنيـا وداااعـا يااجمـل الجـلاس
وداعا يااطهـر حـروف القصايـد داخـل كتابـي
انا مابي من الدنيـا بعـد (ماطيحـوا هالفـاس)
سوى عفو الكريم اللـي بانـوِّخ عنـده ركابـي
ألا ياحيـي وميتـي ومُتِّـي ؟ يا(بعد)هالـنـاس
بردد لـك (بعـد) مهمـا سبقتـي حـزة غيابـي
أنـا يادنيتـي وْياكـل كلـي بعلـن آلافــلاس
مدامك يااخِر احبابـي رحلتـي وباهجـر ترابـي
وداعا ياقسى ذِكر الـوداع اللـي حـداه اليـاس
كأني مت مـن قلـت الـوداع ومفرقـي شابـي
ومشهدك الاخير أقوى على نفسي من (الوسواس)
هذاك اسـج عنْـه وذا معـي مافـارق اهدابـي
ترى ماهو جـزع منـي ولكـن الوفـا نبـراس
معك قبل الممات وبعْـد ماسهـم القضـا صابـي
اذا ماينتعل هالحـزن روحـي والحشـا ينـداس
احس اني منيب " هيفا " واعيد لحزنـي حسابـي
تركتينا وكان أقصى طموحك واعـذب الهوجـاس
طفل لاِجلجل بـ"يُمَّه" سلـب مـع لبـك البابـي
وكانت غايتك ثـوب الزفـاف وبهجـة آلالمـاس
تِحـف بْـك وتمنيتـي ولكـن الأمــل ذابــي
مضى يومٍ علـى موتـك ولا فارقنـي الخنـاس
مشيتي في (دهر)دمي وْسكنتـي (معبر)اعصابـي
ورحتي ؟ من بقى للطهر ياويلي مـن آلانجـاس
سوادٍ يطمس عيون البيـاض ويمحـي (اقرابـي)
كذا أعمتني الصدمه عدا عـن مشهـد آلادنـاس
وهم في غيهم ماكِن فـي (كُـن) امرهـم خابـي
فداك اللي حَيُوُا بعدك مخاوين (الخنـا والكـاس)
نسوا من لانسـى وعـدٍ قِطَعْـه مْْقـدّر اسبابـي
فداك العين ياشوفـي أنـا مابـي بعـدك نْعـاس
فداك الخاطر اللي من ..عذابـك زِلـزِل وطابـي
صهرني موتك وقلبـي فغمـرات العنـا غطَّـاس
غريـقٍ مااحتملـه المـوج يـوم انـه تلوابـي
(ركيكه هالقصيده والكسور تعج( منها) بالقرطاس)
فقدت العقـل ياكيـف ابركـز واضبـط (الباقـي)


11-
أسوأ مافي الإنترنت ..هو أن يخدعك الغير بأيقونة وجه (بائس)..وهو يقهقه..
ويكتب الـ( آه آه آه آه آه) .. في حين ينطقها بعكس الحرفين من خلف الشاشة لتصبح (هاهاهاهاها..)
وأجمل مافيه هو أن تبكي..حقا..في الوقت الذي..تضع فيه أيقونة وجه (باسم)
بقدر ماأبغض الزيف..أتمنى أن يحوز هذا المتصفح على رضاكم..فتلك غايتي..

وإذا كانت واردات الأوجاع كبيرة..يجب أن يكون التصدير كذلك..
أوجاع بالجملة..أو( قصائد) لافرق..

والإهداء إلى أختي الكبيرة(أم ريما)..التي اقتسمت معي رغيف(الوجع)

مدخل..:




ان لقيتوا مكان ٍ للطعون اطعنوا
وبشروني الى من بي لقيتوا مكان


24\4\1424هـ
(فلسفة دمع )



هيفا..تبكي..
يوووووووه والله ياهيفا...كبيرة..

الجبل ماينحني.. والعَزِم ماينثني..
والسهـَـل غير الهضااااااب..
والهدِم..غير البني...

قلت لحظه يابعدي...الجبل...فوقه سحااااب
والسحاب...اليا بكى...الفِـقير...اضحى..غني


22\4\1424هـ



آه ..من حلم ٍ دفنْتَه في ثرى عِلْم الليالي
قبْل تَقْطَعْه الحقيقة...يِقْطَعْ بْفزة عيوني

ودي اليا نمت مـصْحى من عذابٍ قد جرالي
آه من شي ٍ حصل لي بس ماقلت ادركوني

أنتم تشوفون دمعي.. تِحْسبون انَّه صفالي !
ماتْشوفوني الى من عز تستسقي جْفوني

والله اني عام الاول يومٍ اجنح .. في خيالي
كنت اشوف الكون كله ذرةٍ من كبْر كوني

كنت اهيم بمن ؟..مدري مـاذكر ان حي ٍ طرالي
ماملى هالعين ( رَجْل ٍ ) يستحق (اقهر) ظِنوني

منزلي كان الثريا..وان هويت شوي هالي
قبْل ماهِل العباير..لينِ ماهدت ..متوني

كل شيٍ كان (أبيض)من سواداتِ ارتحالي..
والمجرة كانت اقرب ان بغوا او مابغوني

ماعرفت الطيش..(لِلَّه)مافِجَر حتى (ظْلالي)
ماترديت بشبابي لجلِ ماشيِّب..غُصوني

كنت اغرْس الطِهْر كله واجني (الطيب) بكمالي
مالقوا للعذْل دربٍ..(بالخيالات) اِعذلوني

كنت مـاشكي..جِل ..همِّي لا وَ لا َ حتى لـحالي
والله ان اللي بجنبي..مالمح..سطوة طُعوني

كم (وضيعٍ)..داس ظلي.. ماقدر يسبق مجالي
مالحق بالشوف..حتى أخمصيْ..مادام دوني

ماجهلني الا سفيهٍ من صفات العَقْل خالي
وماحشمني غير ناس بالظهر ماعذربوني


19\4\1424هـ



ليه ياأربع جهاتي
وياأنا وياكل ذاتي.....
ويابعد ناسي....وهـَـلـِـي

ليه طحت ..

من سما عيني وحياتي...
وعن ثرى قلبي

نزحت...!


22\4\1424هـ
(شوارد ..)



بسيطة من كِثِر كَمْ الضحايا لْكلمة احبك
لاانا اول بنت وْلاآخر (غبية) تنشرى وتنباع
لابو بنتٍ تبيح الذل باسم من يعشقك سبك
لابو قلبٍ هدر هامة شموخه وانحدر للقاع


24\4\1424هـ



لي خافْقٍ لاقال تصبح على خير
بْزعمك ان الخير...يصبح بِدونه..!
لا والله.. الا.. الهم ..وِرْد وْمِصادير
دنياً بلا دنياي..موتَتْكِ دونه
ولا والله اللي غاب..صبح التباشير
وتبدلت عِزتْك..ذِل ومهونه


(اليوم..)




من لا وقف في شدتي وقفة رجال..
وقت الرخا...كل الحريِّم بداله..
ومن لامسح دمع ٍ فـغيبتْه هَمَّال
لاعاد يطريني وَلا.. في خياله


12-
((مهي عوايدي أحط قصيدة وانا ماصار لي 4 ايام حاطة اللي قبلها..
بس عشان ماتقولون يوم تركت الإشراف جحدتنا..))

لا بكل صدق ..لاأدري لماذا..وجدت في نفسي الرغبة لطرح هذه المقتطفات والقصيدة

أتمنى أن تجد لديكم القبول



كانت الدنيا فـ عيوني..من خلقني الله.. صغيره..

والجديد؟..

صارت اصغر..

من كبر همي معاي...ومن كبرت..

صارت اصغـــــــر.. اصغـــر.. اصغر

ليت لي قلب ٍ حديد..
وليتني صخـْـر وجليد..
وليتني ..مره أجرب..يصبح احساسي بليد

وليتني ماكنت " هيفاء " وكانت الدنيا " كبيره "

ليتني ماعـَـرْف غيري..
وقـِـلـِّـي اكثر..من كثيري

ولاحَـدٍ يذكر جميلي..لـِـن مالي ..أي جميل

و ليت شري..ماترك..للناس..خيري

ليتني ماكنت " هيفاء " وْلا كبرت..وصارت الدنيا .." صغيره "


وبعد؟




ماضِقت من كثر العطا ..لكن الضيق..لامن جحدني.. من بذلت وعطيته.
وْلاهمني حكْي الهمج والمطافيقماهمني غير الإله ودعيته
يعني عشان اعجب رعاع المخاليقاخضع بقولٍ ينسف اللي بنيته !



وبعد ؟




ان حكوا فيني بوجهي او حكوا بي من وراي
مالقوا غير البياض اللي قهر سود الظنون
هيبتي حتى فـغيابي تحشم النفس بقفاي
والله اني مرعبتهم يزعلون ويقعدوووون
نبشوا..مامن خطيه..بس انا ..أدرى بخطاي
عيبي اني ماعرفت اساير الغير وأخون
عيبي اني ماأمن ولاأذل أحْد بعطاااااااي
وعيبهم ان الذيابه تعجز تْدك الحصون
برجي العاجي بنيته بالشرف حتى هواي
لو بحب احب لكن ماأزل وْ لاأهون
مايدير الراس مدح وْلارقصت لكل نااااي
الثقل ماهو تطبع..طبْع..والكل يشهدون
لاذكرت ابوي وامي . وعالم الجهر وخفاي
هانت الدنيا بعيني.لانعيم..ويحزنووووون
وش ابي بالكون كله؟باكر بيقرا عزاي
إما في وسط الجريدة ولا في وسط العيون
إي وربي ماشقيت بضيقتي لكن شقاي
لانزلت فـقبري اول ليلةٍ وش راح يكون

13- ادور للخبر تكذيب
ولو أجمع شقا عمري .. من دموع وسهر وجراح
كأن اللي مضى لي طيف.. مر بحـزن هالليلـه
أبو صالح..كذا يعني تروح..ووش بقـى مـاراح
كذا يالموت .. تاخـذ مـن تمنينـاك... تبديلـه
أبو صالح..تشوف الضحكه اللي وجهها ..لي شاح
تشوف الدمع.. يوم انـه عجـز يقـواه منديلـه
تشوف ردودك اللي لو أبنسى..ذكرهـا لـي لاح
وسلامك..و(العطر )يوم ٍ تكفـل لـك بتوصيلـه
تشوف الناس من بعدك؟ حشا ماكن لهـم .أرواح
ولابـه شـي يسـوى نحلـم ونسعـى لتأويلـه
يابو وجهٍ ضحوكٍ (كـان) يبـدل حزننا..لافـراح
ترى ماني بـحمل ال(كان)وثقـلٍ مالـي بشيلـه
بكيتك..ليتنـي لامـن بكيت..آسـج..او ارتـاح
وربي.. مابقى بالعيـن دمـعٍ ..ماطفـح كيلـه
رثيتك..كن مالي..قبلك.. أحبابٍ..عمدهـم طـاح
أحد موت..وأحد..فرقى..واحد..مالت بـه الميلـه
رثيتك..والشعر..ظني نسيته..ميـر سـدي بـاح
وانا اشوف الشعر..ماهو..بوقته..ولاهو ..بحيلـه
أدور للخبـر تكذيب..واتمنـى يكـون.....مـزاح
وانـا مايعلـم بحالـي سـوى ربٍ ابشكـي لـه

14-
عسى كل القصيد اللي شهد بان الوفا موجود
يموت ويتبعه كل من ينافي فعله اشعاره
تصورت الشعر منحة وقلت ابذل بليّا حدود
تميميٍ فتح صدره قبل لا تنغلق داره
أدونْه ويئن الطرس من حِر الحبر ملهود
يشح ومايجود الا بعذابٍ تِحصَد ثماره
إذا ماينحدر دمعي ومناديلي عليه شهود
فلا والله يشجيني ولاتطربني اوتاره
كتبته قبْل تدميني رْماح الغدْر والبارود
كتبته والشعر أسمى مْن التزوير واوزاره
كتبته مادريت انه غدا حتفي وْلا به فود
كتبته والمدى خيلٍ يفل السرج مضماره
رحل بي مارحم حالي وركْب الخافق المقرود
تعدتْه القوافل لين عوّد يبكي ادباره
مصيبه لاخذت لب اتزاني لحظتين شرود
وجاوزت بخيالي واقْع العقّال واسواره
وتخيلت المدىأبيض ولابه جاحد ومجحود
ولابه خاين ولابه غريبٍ عن ثرى دياره
كأن اللي خلق هيفا جعل مَعْه الحزن مولود
إلهٍ لااعتراض بْما كتبْه وهذي اقداره
انا ماقد لحقت اللي ابيه وحظي المطرود
سرابٍ لاح لاشباهي وهي تروى مْن انهاره

15-
آتأرجح كأني طفلٍ امشي واطيح
طفلٍ اقصى طموحه خطوته ولْعَبه
يبتسم مايفرّق بين قصر وضريح
وان بكى أو تباكى يستلذ تْعبه
غرٍ يجود طهره فـالزمان الشحيح
لافتقد لمسة امّه حاجته ترعبه
مااشغله هم بكرا مستريح ومريح
طفل ٍ يشوف مجده عند حد كْعَبَه
آتأرجح ولكن كل مابي يصيح
وآتمادى بحلمي لين مااستوعبه
مابقى أي منفذ كن الاوجاع ريح
هوجا ً تهب فيني حيل متشعبه

16-
ابكتب لين اشوف الصم تسمع والضرير يشوف
أو اني ارحل بْكل القصايد والزم سْكوتي
وجودي والعدم واحد وشعري بايْخ وُمألوف
عن التجديد يابِعدي والاقرب يَبْعدي موتي
تفاهه وصفصفة شيٍ يِّسمونه مجاز , حروف
هدام ٍ يرتع ببُّور ٍ عبث يستعمرِ بيوتي
أجوع لكامْلَ المعنى وُلالْقى مايسد الجوف
وانا اللي من تضورته حنيت وُلاانحنى قوتي
توسلت النبوغُ وصغت روحي في رجا المعروف
توسمت الكرم حتى تقطّع بالرجا صوتي
مْن اللي يدّ عي صدق المشاعر والنقا مكتوف
مْن اللي زعزع آمال الوضوح وُلا لَحَق فوتي
عذابي من يغيث اللي على شي ٍ جنح ملهوف
ربطته بالفكر حتى ترجّل عَنْهْ مفلوتي
لو زمام المحاجر فيَْ يِّدينه دبرة المذروف
حشا ماصار ِ لِلدمعه دليل وُ لُوُنَهَا توتي

17-
والله اني اشوف الجرح يومض وميض
وارفع ايدين باسي طيب ماهو ردى
آقف بوجه همي لين همّي يفيض
وان تباطى قطعت دروب ياسي عِدا
ضاقت آلارض وش جاب السما للحضيض
واجدب القلب مهما دوح وجدي شِدا
ماتفيد آلاطبا دام حظي مريض
ولاترد المدامع مامضى لي سِدى
أستفز القوافي بالجروح تْحَرِيض
واقبِل وكل مااقفت ولولت بي حِدا
طِيبِة ٍ مع لعانه وش جمع هالنقيض
راح عمري وانا اللي ماهقيته بدا
وين الد المحاجر؟ حد جرحي عريض
من شمال ويمين ودمعتي له صدى
كل ماجيت ابنسى هاض بي مايهيض
آتصبّر ومثلي مالـصبره جدى

18-
غاب وكأني غبت من يوم ماغابلا انا أنا ولا بيتنا ذاك الاول
بالقلب ماهو بس مرهون الاهدابوبكل ضلعٍ بالحنايا تجول
الطيِّب اللي كن خلق الله ذيابعنده ,وكن الطيب مِنْه يتسول







ياصاحْبي لاتِذْهب النَّفْس حسرات
ذنْبِك لو الله...يغفره ماغفرته
أنا بشر..مالي..رسول...وكرامات
ماعاد لك ..ياكود..شي ٍ سترته








إقطع يميني..كان ..مِدَّت ليمناكنذرٍ علي..ماصافحك..لين اهينك !
واسقيك من كاس البهاذيل هاذاكواخلي اردى الناس..يحني جبينك.







"العفْو عند المقدره". لكن وربي ماقـدرت
قد ماتمنيت العفو.. قد ما فقـدت المقـدره
ياصاحبي مايكفي اني من على عِل انحدرت
الله لايغفـر ذنوبي..كـان ذنبك..باغفـره







فيني الطهاره, مابقت فيني الـروح
دام الضمير الحي..يشغـل ذنوبـي
ياما سكت وشمت نفسي عن البوح
ومْن القهر شققت..يامـا جيوبـي
وقَّفت مدري وين عن همي اروح
هذا وانا في سكـة الجرح..دوبـي
كن الدلال الصفر في صدري تفوح
لا آلارض تاسعني..ولاالثوب ثوبي
تعودت عيني على السهد والنـوح
مثل اعتياد خطاي.. عثرة دروبـي
هو جرح واحد؟ لا..قل عالم جروح
قـد ماشقيـت بعالـمٍ مادروبـي
تصدق ان اليوم دونك تقل عام
وتصدق ان العام يوم ٍ في قربك
ماقول لِك بعضي,, انا كلي هياااام
ماقلتها لك زيف...من قلب..احبك







لو الشعر حكْرٍ على راعي الطيب
ماشفت لك نذلٍ بالاشعار يبـدع.







منيب مثلـك بالكـرم لاتغديبـيغمرتني ياضافي الـود والجيـب
والحق يامثني على النقص طيبيإنك ملكت الطيب شرق ٍ وتغريب
واني أجر اذيال حـرفٍ يخيبـيشح وقصَرماجاب عنك آلاعاجيب
وياللي تقول الطيب عنـد ال(...)الطيب منك وفيك ياوارث الطيـب






إشتكى جود الأرق شِح المنام
مابقى غير السهر زاد الطريق
مانفع دمعي ولافاد الكلام
وْلارعى عهدي عدو ولا صديق !






ماهقيت وْلادريت باخـر الـدرب وعنـاه
وْلاتخيلت المنايا غيـر روحـي تستبيـح
كنت اظن الموت واحد واثره يهون بشقـاه
عند موت اللي حضنته في عيونك لو يطيح






أشوفك كل ماعن السؤال وولول المذبوح
أشوفك كل ماحن الطريق وخانته ساقي
تهون بعيني الدنيا ولايكفي مداي النوح
صرخت وْلابلغ صوتي كتبت وملت اوراقي
انا اللي حيلتي دمعي وجمره بالخفوق تفوح
عزاي انك قرير العين وقلبي بالألم شاقي






أنا لو زارني فالٍ تعديته ولا طلته
نسيت مْن العذاب اللي سكني أجمل ايامي
وانا كم ساقني قلبي على دربٍ تخيلته
طريقٍ لو يبل الريق مات من العطش ظامي
وانا لو تسأل ضلوعي عن احساسٍ تحملته
تطيح من السما نجمه ويفنى كوكب عظامي

عادي تطيح الناس من عيني اليوم
اللي يطيح يطيح والنفس ترقا

19-
قلت يوما أثناء نقاش حاد بأنني قد أجد عذرا لمن يسرق مايأكله ليسد به رمق جوعه..ولكن من يسرق مشاعر و "شعر" الآخرين..فهو في نظري يستحق القتل

كانت هذه المقدمة من أجل هذا البيت فقط..والذي يليه




تنافسوا حتى على شهرة الشر
وصار الشِعِر والشرع..شر ٍ بلا (ع)



و





الله يسرق نور عيني ولااشوف
كاني سرقت فـيوم بيتٍ لِغيري



ولأن الشعر هم من لا هم له...قلت




اليا ..تحدانـي بالاشعـار جاهـل
لوبالنهار...اقول..تصبح على خير..
اللي غدت لهمـوم الايـام كاهـل؟
ماتلتفت للشِعْر..ومْنافـس الغيـر



قال صلى الله عليه وسلم.." أفضل الصبر التصبر "



خلْها على الله..من بقى ماجفاني
غير الحزن والجرح والضيم والآه
والله يالولا..عمر الانسان فانـي
وان القبِر في تالي الوقت مثـواه
انـي لاابيّـح مالجـا بالمحانـي
واصير انا سيره على كل الافواه
مير الصبر..طبعي على ماابتلاني
به افتخر لاافتخروا الناس بالجااااه




وأخيرا..قصيدة قلتها ليلة العيد في العام الماضي..أرجو أن تجد القبول





العيد بكرا وليه انا باغـلال حزنـي والعـذاب
إلى متى والجرح مُوغِل بين صدري والوتيـن
ماني على خبرك ولالي شف في كحل وخضاب
ماكني إلا طيف ثكلـىً هدّهـا فقـد الضنيـن
العيد بكرا يا(.......) وآآآآآه من حر الجواب
آه ٍ على يسرىً تخلّت وجحدت فضـل اليميـن
مْن الأزل نسمع عن الما وسر عشقه للتراب
ونسرد حكاياهم ولَع مْن الألف للبـاء طيـن
ونندد بجور الحصى لامـن تراكـم بالهضـاب
ونقول لو انه يصـون الـود مـاذب الحنيـن
نحتاج فعلا ً للحجر ندفع به شـرور الذئـاب
بس القلوب اللي حجر وش نفعها حتى تليـن؟
للجرح موسم؟ لا وربي ماعرف غير الإيـاب
كل الفصول آلا ربعه تزهر بي أوجاع وأنيـن
عقدين ماراحن عبث والثالث يلـوّ ح غيـاب
واليا بلغ عمري أشده قلـت حـي آلاربعيـن
أطرقت راسي للقضا ماللقضا عنـدي عتـاب
واللي يقدّ ره الولي غصب ٍ عن اعراضي يحين
يعني متى كان الجزع يجدي أو يفيد السبـاب
يغور مامسّـت يِـدَه مغانْـيَ الكنـز الثميـن
قناعةٍ ماترفع الهمه علـى حْـدود السحـاب
وشلون تمطر بي رضا وتكدِّس اكوام اليقيـن
وشلون ابتزود من التقوى واباخذ لي زهـاب
والراحله تمضي وانا ماجبـت هـمٍ للسنيـن!
النار ماتاوي لحَـد واللحْـد مـأوىً مايهـاب
والقبْر صندوق العمل ياوحشة اللي يستهيـن


20-
قصيدة قديمة حيـــل..طلبت مني عبير احطها هنا وانا مااقدر ارد لها طلب

ولو اني استحي أحط هاللون..هذا غير إن القصيدة خاصة..جدا..
وطلعت من ذمتي من يومها لذمة..من طلبت مني كتابتها...لهــا

عاد لاتشرهون علي هاوشوا عبير..




ياللي هنا بالخفوق ودمّي ترابك
قد ماشكيتك ظما ماجيت ترويني
أموووت بس لاذكرتك أرجع أحيابك
الموت يومٍ يفرّق بينك وبيني
ماقلت لك والشمس تاقف على بابك
ماقلت لك والليل لاغبت ينعيني
ماقلت لك والقلب نشوان بعتابك
إني أحبك أحبك وانت مشقيني
وان المعالم تغيب بحزّة غيابك
مدري هنا أو هناك الهم يقفيني
والناس ماتختلف إلاّ من اسبابك
ان رحت صاروا شقا وان جيت ترضيني
ياللي قصيدي توّلّع بك وغنّابك
والقاك دونه ودوني ياااامعنّيني
حرام لاجيت لك تسألني شـجابك
حرام ألقى بك الدنيا وتنفيني
حرام اشتاقلك واناااام واصحابك
وانتَ ولا انتَ هنا يااول عناويني
لاياحبيبي ولاني باقرب أحبابك
أنا لقيتك معي باعذب دواويني
وانا لبستك غلا وايّامي ثيابك
مستوطنٍ مابين قلبي وجفنيني

ماكتبت الشعر لجل ارضي به احدٍ بالبرايا
وْلاتمنيت اشتهر به ولاغدا عندي مرام
والكلام اللي تشوفونه ترى كله حكايا
والله اني ماعرفتك أو لقيتك يالغرام
والحقيقه. الحقيقه ركعتين وقول آيه
تسوى عندي هالقصايد والأغاني والهيام


21-
رغم مايكتنف هذه القصيدة من خصوصية..إلا أن شعور الأخوه الذي يجمعنا هنا
يجعلني أضع بين أيديكم مشاعري بلا مواربة..

القصيدة موجهة إلى "مشاعل"... وهي قريبة لي..بل أقرب من الروح..للروح..
قالت لي يوما... ( وش بك ؟ )...

وجاءها الرد التالي..




يامشاعل وانتِ ابخص بالخفوق اللي اشيله
تِعْبت ضلوعي وانا اللي هدني ياما جهدها
الحظيظ اللي يودّع دنيته مافاض كيله
عايشٍ مثل الهوام وحاجته لاشّر وجدها
إن لقى دربٍ تزّهب وان قعد مرتاح حيله
ماشكى وْلاقد توجّد من عنا الدنيا ونكدها
يامْشاعل يعلم الله ماغَبِط خل وخليله
أغبط اللي بالمكارم سيرته كلٍ حمدها
أغبط اللي لو يميل الوقت ماتثنيه ميله
ولارضخ إلا فـسجوده لخالْقٍ سبع وعمدها
والله اني آتقلب في لظى جمر المليله
من من الثاني توقّد واشعل بـهيفا جسدها
يامشاعل والله اني بِالعطا ماني بْخيله
مير شح الحظ عيا يترك النفس وكمدها
راحت الايام قولي هو بقى برقٍ نخيله
أو بقى فـالقلب موضع خنجرٍ محدٍ غمدها
المنايا شوف عيني يدنن ومامن وسيله
يالله انك ترحم اللي تستجيرك في لحدها
يامشاعل وانتِ اكثر شخص قلبي يشتكي له
قولي وش حيلة خفوقٍ راحته محدٍ نشدها
إيه يااطهر من بقالي مابقى فـاليد حيله
ليه مارثى مامضالي وطيبتي كلٍ جحدها
مـاذكر إن شفّي شْفى فيني ولو مره غليله
وبي جروحٍ ماقدرت احصي ولو مره عددها
يامشاعل والطهاره فيك رمزٍ يالأصيله
صادره منك وحنانك واحْةٍ كلٍ وردها
جيت لك مادمتِ ابخص بالخفوق اللي اشيله
تِعْبت ضلوعي وانا اللي هدني ياما جهدها

إي والذي سبح له الزرع والطير
إي والذي يرجع له آلامر كله
ماعاد أفرّق بين شرٍ ولا خير
ولاعاد اميّز بين دقه وجله
وان قيل عني غير والله منيب غير
ـإلا اني آشوف القضا وابتسم له

22-
قبل يومين كنت أتحدث..مع من ألهمتني معاناتها.."فحوى" هذه القصيدة
وهي من من القديم....فتذكرتها..والكثير غيرها من القصائد حبيسة الأدراج...مؤخرا.
أرجو أن تجد..القبول..




رحت ولاّ جيت عندي كل صبْحٍ صار حالِك
والليالي في حضورك وفْـغيابك سرمديه
الحزِن خيَّم ظلامه والموارد للمهالك
مابخلت الا بعناي وْلابقى عندي عطيه
والزمان اللي خذلته مَر فيني وانتهىلك
ماتعمدت المواجع او تقفيت الأذيه
أذكر اني كنت احبك وارتوي من سيل جالك
واذكر انك طحت من عيني وصرت اكبر خطيه
اذكر القلب وعبيده واذكر ان ملْكه حلالك
واذكر اسباب انعتاقه وانكساره والأسيه
واذكر اني ودي انسى ليه انا وصلي صفالك !
ليه ذليت الحنايا ترتجي منحه دنيه
ماحسبت حساب ظلمك يوم حِلِّك وارتحالك
يوم عذرك خان ذنْبِك ماغدالي مقدريه
انتهينا والمحبه كنها طيفٍ طرالك
كنها ساعة زمانٍ جرحها ينزف " عشيه"
وان طرالك يوم تسأل في خفوقي وش بقالك
قلت لك مابه خفوقٍ يذكر افضالك عليه
رحت ولاّ جيت عندي كل صبْحٍ صار حالِك
والليالي في حضورك وفْـغيابك سرمديه


وبقى شي..يمكن قصيدة !




إيــه يالـلـي غـبـت باسـبـابـي

أدري إنـي اختـرت بيدينـي عذابـي!!

وادري انـي لـو بغيـتـك مالقيـتـك

واني بيديني قتلتك ...واني بدمعي نعيتك!!

وانـي لـو حاولـت اصبـر ماقـويـت

واني على قلبـي قسيـت والله قسيـت

إيــه يالـلـي غـبـت باسـبـابـي

والله انـي يــوم ودعـتـك بكـيـت

حـبـيــبــي يـاحـبـيــبــي

لـيـتـك تـمــر الــشــوارع!!!

كانت لجرحي طريق وكانت الخطوه مدامع

آآآآآآآآآه آه يـــالــــلــــي

كنت خلّي ....وكنت شمسي وكنت ظلّـي

مـاتـركــتــك لــلــفـــراق

لكن عيونك بعيده والصبر مـر المـذاق

وبيـنـنـا مــثــل الـسـحــاب

ألــف وجــه وألــف بـــاب !!


23-
على مسؤولية...بنت أحمد...قصيدة ماملت عيني كانت بالطريق لسلة المحذوفات..وقلتها لعبير ابضحكها على اعتبار إنها قصيدة (عجيِّــز)وانا مايروق لي هاللون...وقالت زينه...
أتوقع إنه مقلب من عبير...وأحملها المسؤولية كاملة...

إليكم مع العذر مقدما...




بيتٍ يتيم ابلغ مْن اشهر قصيده
لايجزع اللي ماوَ هَبْه الولي توم

كم واحدٍ كِثْر الضنا مايفيده
يعدهم لكن من البِر محروم

وكم واحدٍ له واحدٍ هو عضيده
ماهو مثل غيره كمالات ورخوم

لفظ الرجوله كل نِطْقٍ يجيده
وعند الفعل يِِنْقَض مِثِل مفطرالصوم

والقوه انك ماتطارد شريده
القوه انك تصفح وتترك القوم

والمفخره ماهيب طيرٍ تصيده
دام الفضا حِرّيته والمدى حوم

والمعجزه في تركك اللي تريده
عند الوصول اللي حرم عينك النوم

ليتي مثل غيري اضيع وسعيده
أو ليت همي لاغفى يعجز يقوم

المشكله حظٍ تِقطّع وريده
أطقها عوجا وللواحد الدوم

لولا اليقين إن النهايه أكيده
وان ا لنشور ونفخة الصور في يوم

لابكي وابكّي لين يقضي رصيده
دمعٍ يتاجر بي ولاهوب مليوم

أجود به وان شح جد بجديده
وابايعه كنه على الكدح ملزوم

أغيب عني وادري إني فقيده
واشتاق لي واسأ ل ولا احصّل علوم

حاصرت همٍ حطّم الليل قيده
ماللمواجع صبح والغايه نجوم

جرحي سما وسلوم همي فريده
والارض كفٍ تنثر الملح وتشوم

الصبْر مفتاح الفرج والعقيده
صحو القلوب اللي تلبد به غيوم





...ملاحظة

البيت الأول..كتبته لأنني قرأت بيت يتيم...حوى في داخله من البلاغة مالم قد تحمله (معلقة)..

دمتم..

24-
الهم فاجر من اللي يدّعي طهره؟
والجرح صاخب وانا اللي أعشق سْكوني
مايجهل اليوم أمسي وان جهل بكره
مثل السواد الذي من عِرْفتي لوني
ومثل الطريق الطويل وخوّة العثرة
أشوف حظي هو اللي واقف ٍ دوني
الكافر اللي يخون الملح والعشرة؟
وأهل الشهادة إلى من ضقت خلوني!!




لعيون عبير بنت أحمد..اللي طلبت مني أحط هالقصيدة..من القديـــــم..




خنت الأمانه واسترقت السمع من صوت الزمان
قلت المسافه طعنتين وليلتينٍ تنجلي!!


أثري زرعت براحتي شوك الجفا وانبت هوان
أثري شرقت بدمعةٍ ترتع معي في مدهلي


واثر المواجع بي خصيبه والأماني قحويان
واثري هنا ولاّ هنا أطرد ورا قلب ٍ خلي !!


جيت آتفيّا ماهقيت ان الشجر ماله أمان!!
جيت أنشد الما واختصر جدب الغلا في منهلي


أخطيت جل من لاخطا.. وافسحت لاعذاري مكان
خطاي عذري والندم طهرٍ غدابه مقتلي


وافنيت عمري بين ليت ولو أو علّه وكان
أشقيت عيني في رجا شيٍ بعيدٍ معتلي


دوني ودونه ألف ليل وألف خيل وألف جان!!
بيني وبينه مثْلِ ما بين الرجا والمبتلي


ياقلب وش حدّك على حبٍ تمرّد واستكان
يارب من جور الحبايب جيت يانعم الولي


مالي سوى عطفك علي,سجده وترتيل وأذان
لابووووك يادنيا الفلس مابيك لالي وْلاعلي


25-
حقيقة لاأدري ماالذي يدفعني لكتابة قصائد ومقتطفات بالجملة رغم الإنتقادات التي وجهت لي
من جراء هذا العمل
ربما هو إحساسي بالتقصير وشعوري(بالنقص شعريا)..
بغض النظر عن كل ذلك..هذا المتصفح جديد..ولإستراحة الشقردي...فقط..
باستثناء البيت الأول...فهو قديم بعض الشيء..
والقصيدة الأخيرة..






(تداعيات بيت)


واللي جعل بالما حياة المخاليق
.................... انك غديـــــت اليوم أغلى من الما

مهلا ً ...

واللي جعل بالما حياة المخاليق
.................... انك غديت (فـْـ يوم) أغلى من الما

مهلا ً مهلا ً مهلا ً ...

واللي جعل بالما حياة المخاليق
.................. إني (كرهت) اليوم (سيرتــْـك) والما


..


لجلك حملت و فوق مـ العالم تــْــطيق
...............شي ٍ يشيـب الــْــوِّ لــْــد هُـوُ له ويدما
عمر ٍ معك لي راح بليا توافيـــــــــق
.............. وشي ٍ بقالي منــــك خلانــي أكمــــــــا
ليتك رحلت بدون ماتسبب الضيــــق
.............. للخافـْـق اللي كــــان بوعـــوده أسمـى
أسمى من انه معْـك ينسج تلافيـــــق
............... واضح وضوح الشمس والجاحداعمــى


وماذا بعد؟


والـلـه ثم والـلـه والـلـه والـلـه
............... لـَو هي حياتي فيك لـ طـْـلب مماتي
لا مَـنـْـت كفو ٍ للمشاريه والآه
................ وْ لاعينـْي اللي ساهره ماتبــــاتي



منك لله يكفي .. ماكفــتـْـك الخيانه
............... قمت تــَـعـْـرض حياتي (بالشعر و(.........)
ماكفتـْـك الجروح وكذبتك والإهانه
............... حسبـْي الله عليك حْساب عاد وثمــــــــود


ياااااااااه
يـــــــــــاه..
جيت مره.. بحسب جروحي معاك
ايه واللي في حياتي
طيـَّـب الليلة ثراك
جيت بحسب..
وكل مااحسب..أغلط وارجع اعيد...لين مااتعب
واحضن جروحي واناااااام
واحسب فـ عز المنام
يــــــــــــــاه
أنت ياخـي وش عليك........ هــــــــه..؟

ووش خسرت؟
تدري انك من عذاااابي قد كسبت..وإنتصرت
ماحد ٍ جرّح حبيبه... كثرك انت
ولاحد ٍ حده على ......حياض المنايا........ غيرك انت
انت انت
إيه ياأكبر شجااااااع مايهاب مْــن الجروح

ويطرب لصوتي انوح

خذها مني قبل اروح

انت بالجرح انتصرت...

..........................(... ..)



حرقة ٌ:

انتظرتك قلت يمكن ميّت القلب اِ يحيــَــا
................. وماحيابك غير حقد ٍ مبطـــــي ٍ فيك ودفين
كل ماجيت آبسامح زدت بجروحك ليــَــا
................. لين ماصارت جروحي صخْـــــرِ لايمكن يلين


ظلم:

خلك كذا في سوء ظنك تردى
................ حسبي عليك اللي يشوفــك ولاشـُـوف
للجرح حد وجرحك اليوم عدا
................ طوّل مداه وطال باسبابـْـكَ الخــــــوف


حقيقة:

الـلـــــه يحرمني بقايا شبابي
............... كاني عطيت احـْـدٍ كثر ماعطيتك
وش تستفيد اليا طرالك عذابي
............... مايكفي انك بعتني وانتخيتــــك !



جرح لايندمل:


مدام منت بقد (شيل الحواجز)
.......... دام الوفا عندك (أساطير واعجاز)
مادمت عن حفظ المواثيق عاجز
........... فالموتِ لك تكفير والسكرة انجاز


(... كان فيه هنا قصيدة من حسن حظ اللي ماقراها لأنها ألغيت.................)!!



وهنا من القديم قصيدة كتبتها بلسان أم نواف إحدى صديقاتي الحميمات لزوجها آنذاك الذي أصبح الآن للأسف طليقها.......




كنت البياض اللي سكن سود الموارد والظـــــما
.........وكنت النخيل بهامتك لاكنت ياعمري سمـــاي

وكنت الشعور اللي تفجّر بالحــــــنايا وارتـــــما
......... بآخر مدى من غمرته باجمل مشاويرك معـاي

وذا جرحي بجوره معي واقسى جروحي بْـلادما
..........وذا همّي اللي من فقدتك مافــــــقدته ياغلاي

وذا شوقي الغامر كما دمعي معك لا..لا..كـــــــما
..........سيل تحدّر في معاليقي ولااستبشر ثرااااااي

ياأوّل رماح الغلا وآخر غلا يامن رمـــــــــــــا
..........سهم السهاد بمحجر ٍ ينعى ولايقوى عزاي!!!!

يااصدق احــــــــــساس ٍ سكنّي وانتشيته وانتما
..........حتى تمكّن في خفوقي لاتمكّن في حشـــاي

والله يانور الطريق اللي تولاه العمــــــــــــــــى
..........إني مشيتك ماشكيت إلا من اقدامي عنـــــاي

واني زرعتك في دمي غرسٍ من جروحي نما
...........هذي محاصيلي وذا غرسي وذا حنظل شقـاي

ماشاورت بك روحي إحساسٍ عذابك يلهمــــا
...........ولاباعتك عيني ولا ترخص ولايبلى هواااااااي







إضاءة..


تدري وش الحرمان لاقيل محروم..
................. تفريطـْـك اللي فيـه ضيـَّـعت هيفــا..






طيب نطلع من جو الكآبة شوي

بس لاتصدقون بيتين( استهبال) والله العظيم


يحق لي لامن غدت هامتي فـــــــوق..
................. (هيفـــا)و(قصيمية)و(صعب ٍ منالي )
الطيـــب كله وْفوق هذا بــــعـد ذوق
.................. فيني والاعظم ماخفـى من خصالـــي

نسيت أن أقول لكم ..(اقطعوا الإتصال)...

أعتذر عن إزعاجكم

يعلم الله بأنني أهنت الشعر بهذه الأبيات الرديئة التي لاترتقي إلى ذائقتكم

26-
لاأجيد كتابة المقدمة لأي موضوع..رغم أن حسن كتابتها يشفع لرداءة الطرح مهما كان..
" محمد بن صالح العثيمين " رحمه الله..كان بالنسبة لي أكثر من مجرد شيخ..

خلونا..من الفصحى..

مات لي أحباب كثير..لكن بكل صدق..عمري ماشفت أهلي يحتارون بالطريقة اللي يعلموني فيها بموت احد كثر يوم وفاة الشيخ..تعبت..وضاقت بي الدنيا..واخذت فترة طوييييلة لين مااستوعبت. ويوم استوعبت تعبت اكثر..
لأن وفاة الشيخ..تعني لي وفاة أشياء كثير بحياتي وبحياة غيري بدون ذكر تفاصيل تدوشكم ..كتبت هالقصيدة الصبح في 15\10\1423هـ...جا أبوي من صلاة الفجر وقعدنا نسولف وقال ياهيفا تدرين ان الشيخ محمد مر على وفاته اليوم سنتين..وكان قايل بالليل بعد..وكررها مرة ثانية..لي...
" ذكـَّرني وانا مانسيت !"وكتبتها وخلصت منها بساعتين وحطيتها على طول في واحد من المنتديات ..بدون مراجعة ولا تنقيح..
والله ماني لاقية أي مفردة تعبر..عن هالألم..لكن اللي بيقرا القصيدة بيستشف منها..حجم المَصاب بداخلي..

الله يغفره له ويرحمه ويجمعنا فيه بالجنة..





وراح اللي نشد بْه الظهر وكتوفْـهْ الحمّـال
(نِسيجٍ),, بالمثِل ماكان له ندٍ مـع اقرانـه

يموت وْلايْمـوت إلاّ رديٍ فـي حياتـه زال
ويبقى من يموت وتِبعث .. الرحمات باحسانه

فقيده , ياعسى قبْر ٍ يضمّه روضـةٍ تختـال
مْن رْيَاض الجنَان اللي وعدْه الحق سِبحانـه

رحل ماورّث عياله قْصور وْلا اكترث بالمال
عَلَم عِلْم اليقين إن البِقـا للعِلْـم وايمانـه

مضى لكن ترك خلفه مْن كْنُوز الحديث جْبال
ترك مِن امهات الكِتْب صرح ٍ تذهل اركانـه

وعامٍ يتبعه عامٍ على موتـه وحالـي حـال
منيب هيفا ولـلْهيفا غدا و سْط البشر خانه

كِمَد لو ينزل بغيري دهاه مْن العذاب هْبـال
نزل بشهار ودموعه سْفوحٍ تِثْقِـل اجفانـه

غبن لو ذاقته ثكلى طواها بْغِيهَـبْ الغربـال
وحيَت باسم الجسد والروح ولّت كل ٍ وشانه

ألا ياليتِنِي قبلـه فقـدت الحـل والترحـال
وواروني قبل لااشهد رحيل الحـق واعيانـه

غدا هرجي قصيد وصرت عِبره والألم تمثال
نصبته والألم يِرْ كز ولـو واريـت جثمانـه

كِفى يوم الحْساب اللي موازينه علـي ثقـال
كِفى حِمْل الصراط اللي اضيق بسيرة احزانه

واذا كانـت لياليكـم تِضِـجّ بْلجّـة آلامـال
أنا ليلي خلي إلاّ مْـن العبـرات واشجانـه

تبلوني البشر ياما وعاملت الخطـا باهمـال
دفعت السيئة بالصفح وقلبي مَـلْ غفرانـه

كأن الدمْع لو يِجمع مْن عيوني غداله جـال
يجول بْه الظما حتى يبل عـروق حرمانـه

وراح اللي نشد بْه الظهر وكتوفْـهْ الحمّـال
(نِسيجٍ),, بالمثِل ماكان له ندٍ مـع اقرانـه

27-
يُمَّه متى كان الطموح دفوف وقيان وزفاف !
أو طرحةٍ معها تظنين الزمن صار بيدي؟
يُمَّه همومي ماتخاف الله وْلو انْها تخاف
ماغيَّبت روحي ورا ليل الرحيل السرمدي
ياميمتي ماهيب انا اللي ترتضي غير العفاف
ولا هيب انا اللي لاارتدوا ثوب الخطية ترتدي
رضيت باسمال الزمن واردى محاصيل الجفاف
وْلاقد عتبت الا على حظٍ من اسبابي ردي
شكيت؟..!..لا..ماقد شكيت وْزينْة الدنيا كِفاف
وْ لاقد ثأرت لطيبتي وْ لاقد عذلت المعتدي
بنعيش مره وش يهم..عشنا رغد ولاّ عجاف
وشوله الهث والقضا يسري بطا..ولا عدي
يُمَّه تعالي لملمي وجدٍ تبعثر به زعاف
سمٍ تجرعته رضا حتى هجاني مرقدي
يُمَّه تعودت الكدر ياماااااا تدثرته لحاف
وياما سألت وسادتي عن اخر علوم الجدي
رجمٍ تخيلت القدم فوقه تعلت والضفاف
اثري هويت مْن العمى واثر المدامع تقتدي

الهم مثْل الجداول بالحشا جاريوعيوني اللي وفي الموق يغلبها
ليه الخلايق تمووووووووت وتسبراغواريليه الحزن والجمود اللي يجاوبها!
عشرين مع ست ياناشد عن اخباريوسادي الضيم ولحافي متاعبها
أشعل فتيل الألم واصبر على نارييافزعة الريح لين ارسل هبايبها
أضحك تقول البكا ماينزل بداريوابكي تقول الفرح مادل صاحبها!
واشكي الين الحكي يخجل من اسراريواسكت ولي كلمةٍ تغري مخالبها
والخوف طبع الأمان وطبعي اخطاريماهمني راحتي ماجيت ابطلبها
الجرح شيٍ قديم وغرسه ثماريوالجود طبع الألم واصدق حبايبها
الغيم في نظرتي والشمس بافكاريوافراحي اللي اصدقها واكذبها
الليل ستر الهموم وبعضها عاريوالصبح دمعة على حظي وبحجبها
وان ثارت الريح باكداري مْن اقداريوشلون ابجزع ورب الكون كاتبها!؟
دام الصبر حيلتي .. دام الصبر ثاريدام العمر دنيةٍ تفنى كواكبها
ماتشتكي خطوتي من طول مشواريوْلاتهتوي هقوتي الا عواقبها
قصيدتي وان سبحتي عكس تياريفي لجة اليم لي قصة وابكتبها
حْداي نزف القلم وانشودة اوتاريوالقلب عزف الحزين اللي يعذبها

لاتشكي اقدارك ولا تِتْعب الصوتواللي كتب ربي علينا يجينا
نعيش مهما نعيش باكر نبي نموووتاجالنا مهما نأت تقتفينا

أنا اللي مابقى فيني مْن الدنيا سوى سربال
وحظٍ كالحٍ يكدح وقلبٍ يذهل شتاته
وعثرة ماخطت رجلي ودربٍ كم علي احتال
وسيفٍ من ورق يِخْجِل نسى آخر بطولاته

ويوم إني عزمت أكتب وانوّخ للشعور ركابدعيت القاف مالبى ولااادري ليه يعصيني!!!
شهر عدّا وانا جرحي من اسبابه خفوقي شابولاشاب الخفوق أواه ثم أواه ياعيني
غريبه تمطر أشعاري على بعض البشر تنسابولاجيت أكتب احزاني شعوري مايقديني
حزينه والحزن دنيا, مدينه والجروح هضابوفيّه يالهموم اللي على صبري تعزيني
أبكتب لو نشف دمي وبكتب والقلم مرتابوابغرق في لجج حبري وابفنى في دواويني
حرام إني أعديها وهي أعلى من المرقابحروفٍ تستجير إلا من إحساسٍ يسليني
وانا اللي بالعطا أرهي وأجود براحتي واغتابشحيح ٍ مارعى قدري ولامن غبت يدعيني!!
وناس ٍ عيدها شمعه وعيدي حفنتين ترابوقلب ٍ وابل غيومه ترزّم في شراييني

28-
محاورة بينها وبين عبير بنت احمد
أن تروق لكم المحاورة التالية بيني وبين غاليتي عبير بنت أحمد...

علما بأنها خالية من قواعد وأسس المحاورة (اللي عليها العلم) وإذا عرف السبب بطل العجب
حيث كانت البداية مني عبر رسالة جوال..بعد اتصال هاتفي مع العبير لمست فيه من تغير نبرة صوتها بعض الضيق..ولأنها مكابرة من الدرجة الأولى فقد ردت على أبياتي (بالجوال) بشيء من التهكم وربما بشيء من العزاء..بدأنا بمحاورتنا مع آذان الفجر وانتهت قبل شروق الشمس..وهانحن نضعها بين أيديكم كما هي (محاورة جوالية نسائية بكائية ساخرة) ومن التناحة ماننتظر بعض كل وحدة ترسل بيتها قبل تشوف بيت الثانية كننا بماراثون

إلى هناك

هيفاء

فديتك لا تضيق ابْك الوسيعة يابعد من قام
ياأعذب شاعرة ليت الهموم بْصدري وْ لا ...بِك

عبير

ومن مثلي تشرف في خفوقك لا فلا ينضام
وغيري لو بيحسد .. يحسد اللي صاروا احبابك


عبير الشعْر لا والله عبير الروح والأياااام
وكل ماذعذع بْقلبي غلاااااك آوقّف اببابك

عبير

ياهيفا ليتني رجْل ٍ واركِّب حضرتك قدام
واخلِّي كل سيارة تمنى لو تمشَّى بك

هيفاء

عسى الله لايذوقني فْراقك طيلة آلاعوام
عساني ماعْدِمِك ولاّ آتجرع علقم غْيابك

عبير

دخيل عيونك الحورا تعالي نروح للدمام
انا عني باشيِّش ونتِ خلِّي عَنِّك حْجابك


( تراها قالته تمزح ولا لو هي تقوله صدز كان الحين تطلبكم الحل
هيفاء

أنا لو يختلف صوتك تضج بْروحْي الآلام
تمنيت الفرح أقرب عليك مْن اقرب ثْيابك

عبير

ترى صوتي تغيَّر بس لِنَّه له شهر مانااااام
بسْ انتِ من حنانك خفتي ورب الغلا جابك

هيفاء

ترى لي سبعه وْ عشرين جرح ٍ صنفوها عاااام
لو تْمرين في عام ٍ بَهَا شيَّبْتِ اهدابك

عبير

عسى الله يفرج الضيقة وتتحقق لنا الأحلام
ونلقى بالرضا سلوى عن اللي صابني وصابك

هيفاء

تمنيت القدر بيدي أو اني اطلق آلاحكاااااام
لجل مااكتب عليك الا سرور ٍ ينهي عْتابك

عبير

يكفِّيني شعورك والله انك بسمة الأيتام
تزيلين الألم ماكِنَّه الا أتفه العابك

هيفاء

لو انك ماشكيتي بس قلبي يلمس آلاسقام
بحس المؤمن الموجوع من شي ٍ تلوَّابك

عبير

وانا وشلون بتضايق ومثلك لي سند وحزام
وانا كلي فخر باني حظيت بْمثل إعجابك

هيفاء

ترى مايشبِهك شي ٍ علامي انهك آلاقلام
ذبحت الوصف لين انَّه لهث من سرعة رْكابك

علما بأن الأبيات كانت على عجالة وللأمانة قمنا بوضعها لكم كما هي بلا أي تعديل رغم أننا وجدنا من المعاني ماهو أفضل بعد التريث والمراجعة

29- شوارد
(بابي مْخَلَّع) والحشا ياوْيَ الناسماضِقْت بجْموع البِشَرْ في خفوقي
أقطع عليهم بالأمل وحشة الياسمن نفسي اللي ماتْشِحْ بْعروقي
ان انكروا فضلي عديمين الاحساسماهو غريب غيابهم عن شروقي
مدامهم ماقدَّرَوْا خالْق الناسعز الله اللي مادروا عن حقوقي





رديت روحي عنك ماني رديةلجل آتردد بالعفو عن خطاياك
خطيتك ماهيب باية خطيةإستغفر اللي ماغفل عن نواياك





تقول ان الثقل (صنعة) و انا اقول اثقل وجرَّباذا بتشوف وجهي بَعْدَها ولاَّ تلاقيني
ترى ماهو حبيب اللي الىمن قلت له قرَّبتمادى بالغياب اللي يطيَّح قدره بعيني





والله لابيح(( ابليس)) وادمح خطايااااه..واطلع من ذنوبي تقل مالْي ذنوب
الله يحلل عند فعلك سواياهلو له لسان ٍ قال م تفكر اتوب
تعوذت منك الشياطين ..والآااااااااااااهأجرها والآه ..... من همي تذووووب





طعنة ٍ سقتها لي شيّبت بالشبابماهي بخلف ظهري دامها باليمين
البلا جات مني ليت عني " غياب "والله إن ودي أقطع مابقى بالوتين
إن ضحكت فـصباحي يغرس الليل ِ نابينشب اظفاره اللي كنَّها لي كمين!
كل ماجيت ابفرح يوصد الحزن بابكنّه يقول هيّن جيييييت لاتفرحين





مانيب مغروره ولانيب صلفةلكن اموت وْ لاتموت الكرامة
لو ان قلبي يرمي الهم خلفهماقامت بدنياي مثل القيامة


(رسالتين جوال لأخوي أمس )



لو ماأشوف انك بشر لحم ٍ ودملااحلف يمين انك مَلَك ياملاكي
مايكفي ان مفتَّق الجرح يلتم..واني اهدد بك شقاي وهلاكي


(من قصائد كاملة و(قديمة)..اقتطعت لكم )



باكر طيوفي تجيبك واصغر جروحي تزوركباكر احزانك توالى واجمل ايامك تبور
ماتذل النفس مره او تقول الشور شوركعزتي ماهي قليلة والكرامة بي تثور
ياما وياما وياما بالعطا جفت زهوركياما كان الحب يذوي بالشفاه وبالصدور
يختفي مثل السراب ويفضحه تدليس زوركماتحمل مالقاه ولاغدا بالقلب نور
كل هذا وماتبيني ألعن الحب وغرورككل هذا وتحتريني اغفر الزلة وازور





جيت مدري محبة او حنين لعذابجيت مالك مكان ولاغدا لك مقيل
كنت وسط المحاجر مايطولك عتابمنزلك بالحنايا ترتوي سلسبيل
رحت ماراح قدرك بس لي قلب ذااااابان عزم يهتوي لك ماغدى فيه حيل
شح فيض المشاعر واجمل الظن خابان نسيتك فلا انسى عبرتي والعويل





الحب أسمى من أنين ومعذرةيطيب لين الجو كله صفاله
عجزت ابلقى للخطية مغفرةوهو يظن ان المشاعر حلاله
اللي جرالي منْه كله باسترهوالى سأل وش غير ذله بقاله
أكبر من اني للخلايق انشرهويصير عرْف الحب ذل ونذاله





ولاعاد باقي بالعمر جعلي آطيحولانيب آخر من فقد راحة البال
مير البلا لاقامت جروحي تصيحوغنيت من جورك على كل موال





دام الوفا طبعي وطبعي أجلّهوش عاد لو غيري تردت مباديه
عن لفتة آلادنين مغنيني اللهومالي على آلادنين عذل ومشاريه





ياجرحي اللي لاحضر فيه هليّتاللي وفا وان جار نهوى عذابه
لاتنثرون الملح بالخافق المِيتاللي توجع ذاااااب محد ٍ درابه
فرقي عن الباقين اعطيت وارهيتاحلى سنين العمر واجمل شبابه


(ومن الأبيات القديمة )



من لامني فيك كذبته وصدقتكبالله كم تطري علي وغبت عن بالك؟
كانك تظن اني على حرمانك ارخصتكاتعبت قلبي غلا ..لامل..وْ لانالك
أشقيت عيني وكم بعيني اسعدتكتفداااك عيني وقلب ٍ ذاب لوصالك





آبتحمَّل جرح روحي ولااجيكأنا من اللي شاف قلبي تعلم
وابستل سيوف الهجر ايه اخليكفي ليلةٍ عنها المحاجر تكلم





مثل الغريق اللي طمع بالتراديمن يكره حتوفه إذا همَّه اجتاح
ومثل الغرير اللي فزع للأعاديسلَّمت قلبي مابقى عندي رماح
لي عبرة ٍ ماتشتكي للأيااااديمحبوسة ٍ من سجنها ودي ارتاح





أنا اللي مابقى فيني مْن الدنيا سوى سربالوحظ ٍ كالح ٍ يكدح وقلب ٍ يذهل شتاته
وعثره ماخطت رجلي ودرب ٍ كم علي احتالوسيف ٍ من ورق يِّخجِل نسى آخر بطولاته





ترى ماني رخيصة يوم ادنق هامتي لرضاكولكن الردى يومك غديت ارخص من الهامة
وانا ماني على خبرك افز لشعرك وطرياكانا مثل الشجر لاطحت والقامة هي القامة



30-
يارب طهرني من ادران الخطايا والذنوبيامن سبقت برحمتك حكم الغضب والمقدرة
يارب ما لي غير عفوك ودي ارجع لك واتوبلاتردني وانت الكريم اللي وعد با لمغفرة
عشريني الليله تعدن فو قهن سبع الهبوبودعتهن ما فيهن اللي يستحق اني اذكره
ولّن ورجلي تا يهه عن مارجيت مْن الدروبعدّن ضياع ولاجبرت الحال همّي يكسره
يارب لاضاقت علي وصرت من غمي اذوبعزّيت نفسي بالثواب ونيل حظ الاخرة
لاالشمس تغريني اعيش وكل شمس ٍ للغروبولاعاد باقي فـالزمان إحساس ماعز اكثره
زرعت ماكا نت محاصيلي تفيض مْن العيوببس الحصاد اللي رجيته راح للغير ثمرة
الضيم ضيم اللي طواه الغرب واماله جنوبوالموت موت اللي يشوف ان السعة فـالمقبرة
لاحي يرجى ولا هو بمِيت ٍ وننعاه وننوبلا شرهة ٍ تلحق وراه ولارفيق ٍ نذخره
ياكثرهم لا يسر المُولى ويا كثر القلوبوياقلهم لاعسّر المولى وضا قت ها لكُرة


يارب يارب السما والأراضينياشامْل بعفوك جميع آلا ناما
لاتترك اللي تستجيرك لها حينولحالها رق العدو واليتامى
(لذنوبْها) دنيا وعرش وسلاطينوسكانها نذير شؤم وقيامه

أبسجد ياعساه اخر عهد في دنيتي واموووتأنا مابي من الدنيا نعيم وْلاأبي راحه
وابترك زيفها للي نسى إن الوعد تابوتتمادى بالحرام وكل شي بدنيته باحه
واببني قصري بجنّه تسرّ الناظرين بيوتتدلى غصنها يلقى بها المجروح جرّاحه
انا ماتبكي عيوني على شي ٍ خشيت يفوتولاتلهث خُطى قلبي ولابه شي ٍ أجتاحه!!
تدثرت بأمان اللي قريب ْولايْرد الصوتلقيت بطاعته ترياق للخفاق واتراحه
وش بناخذ من الدنيا ؟ذهب, ألماس ,أوياقوتحرام انّا نبيع اللي بقى للذّنْب ورماحه
حرام اعمارنا تفنى وحنّا مالقينا قوتيزوّدنا من التقوى ويسقينا من قْداحه
أبدعي من دعا قبلي نبي ٍ ماهلك بالحوتإله ٍ يغفر الذنب العظيم ويخمد رياحه
أبسجد ياعساه أخر عهد في دنيتي واموووتأنا ماابي من الدنيا نعيم ولاابي راحه


إلى متى ماكن للقلب غاية ؟ماكن بعد هالكون يانفس ميعاد
وش حيلة اللي تقتفيه المنايالامن حواه اللحد ودموعه مداد

والله اني ماعصيت ونمت وعيوني قريرة..آتقلب كني اللي بالجمر تصلى صِلي
أختلف ماني مثل غيري وْلُو قالوا غريرةآتقطع لاطرت لي بطشة الرب الولي
ماأنزه نفسي اللي مانست يوم ٍ ضميرهيكفي اليا قلت (يالله) كلِّ هم ٍ ينجلي

31-
كنت انت أول واخر الجرح كله.كفّيتني عن جرح غيرك ووفِّيت
ذليتني والحِب مافيه ذلهياليتْني قبل انفجع بك توفيت

وداع يخلي الدنيا وْهي دنيا.. تمنى الموتوداع ٍ كل خلق الله تعوّذ مِنْه مرتابه
وداع ٍ لا لقا بَعْدَه ولا حي ٍ يرد الصوتوداع ٍ أبعد مْن اللي حسبت فـبعدي حسابه
رحيلي والله ان يجعل تفاصيل العمر تابوتهي الدنيا لها طَعْم ٍ بدوني.. !! ..لا.. حشا ..مابه
واذا كان الغِنى عندك طموح ٍله بنيت بيوتانا كنت احلم بعش ٍ ظليل بجنة احبابه
واذا كان الوفا عندك سراب ٍ فـالوفا لي قوتجمعته للزمن قَبْلَ الجحود يكشِّر انيابه
تكفن باخر اسمالي (جنين ٍ) بالألم مبهوتوواريته مَعَ قلب ٍ خذاه الجرح لترابه
كأني جايْع ٍفقره حداه لرفقة الطاغوتيعرْف ان لقمته مرّه ومع هذا طرق بابه !
كأني يونس وكن الوسيعه في عْيوني حوتوانا بين اهلي وناسي وربي كني بغابه
كأني أبكم ٍ أجمل سنينه روّحت بـسكوتويوم انه نطق مات الحبيب فـعز ترحابه
كأني تايه ٍ دل الطريق وْ لارَحَمْه الفوتتأخر عن مواعيد الحنين وو فَّر عتْابه
رحيلي لالقا بعده ولاعقب المنيّه موتوداع ٍ كل خلق الله تعوّذ مِنْه مرتابه

حملتني فوق ما طيق وتحمّلتكضحيت باقرب قريب ٍ لي علشانك
يميل وقتي ولاقد معْه ميلتكي يجود نفسي وُياشحك وحرمانك
جردتني من صفات (..)وامهلتكماهزك اللي يشوف أصغرك ولسانك
إلهي اللي فلا يهمل لو أهملتكعليم باللي فعلت .. وبالذي دا نك
أكبر ذنوبي هي اني .. جد تخيلتكرجواي للمقبلات .. وخافق ٍ صانك
أمّلتني لين صدقت وله أملتكمستقبل ٍ ضاع من (...............)

33-
الخطب الجلل..لايحتاج إلى مقدمات..

من للثكالى واليتامى ولوعْة الطفل الجريحمن للفقير المعدم اللي يلتحف ليل العراء
بغداد لك عهدٍعلي ماارتاح حتى تستريحوربي ان بعضي غدا من بعضي الليله براء
بالله من له خاطرٍ يضحك وعمدانك تطيحومن له مزاج ٍ يدّخر أو يحلم بلبس الفراء
ملعون ابو جد الجبن والضعف واصوات النبيحملعون ابو جد الغبا والخطوه اللي للوراء

إيه اببكي..
واطلق اسراب الدموع..
دامها جروحي حمام
وسكة اهدابي رجـــــــوع....

إيه اببكي..

وادري ان دمعي ثمين..ويرخص لعينك .واهووون

ياعراق...كم طفل دمه يراق؟
وكم قلب ٍ يحترق..من لوعة اسباب الفراق...

كلنا جرحى..عشانك..وكلنا نحلم بامانك

للضياع..أهديت دمعي
وللضياع..أصغيت سمعي
وللضياع..أطفيت شمعي..

ولازم لعينك أضييييييييع.....لازم لعينك أضيييييييييع

انا ماراعني إلا جريح ٍ بالقهر مكسوريشوف احلامه صروح ٍ تهاوى وتردم عزومه

ورجل ٍ قد بلغ آخر أشده ينطوي مذعوريخاف ان المسا يحجب شعاع الشمس عن يومه

وأم ٍ تحضن اطفال ٍ تساقط دمعهم منثوربلا مأوى وهي تبكي عليهم حيل مكلومه

وعود ٍ مارحموا ضعفه وهو يقرا (الفلق) و(النور)ويردد آية الكرسي لعل تفرّج همومه

الا ياقمة التدليس وكشف المزري المستورالا يا(خمة) اشباه الرجال و(قمة) النومه

رعاع ٍ مابكم شخص ٍ يعين ولادماء تفورولا قلب ٍ تروعه شوفة آلآمال مهدومه

بنيتوا من حطام الشعب اسوار وسكنتوا قصوروفقير ٍ يحلم بسقف ٍ يضمه ويستر علومه

يشوف ان جنة الدنيا رغيف ولاامتلك تنّوريحس انه ملك كل البقاع ولااحد ٍ يلومه

لهم رب ٍ قضى ان الليالي بالطغاه تْدورتحروا طيحة الظالم . جعل ماعقبها قومه


34-
ياللي هنا بالخفــــــوق ودمّي ترابك


____________قد ماشكيــــــــــتك ظـــــما ماجيت ترويني


أمووت بس لاذكرتك أرجع أحيابك


____________ الموووت يوم ٍ يفـــــــــــرّق بيـــــنك وبيني


ماقلت لك والشمس تاقف على بابك


___________ ماقلـــــت لك واللــــــــــــيل لاغبت ينعيني


ماقلت لك والقلب نشوااان بعـــــتابك


___________ إنّي أحــــــــــــــبك أحبك وانت مـــــشقيني


وان المعالم تغيب بـــــــــحزة غيابك


___________مدري هنا او هـــــناك الهــــــــــم يقـــــفيني


والناس ماتختلف إلا من اســــــــــبابك


___________ إن رحت صاروا شقا وان جيت ترضيني !!


ياللي قصــــــــــيدي تولّع بك وغنابك


___________ والــــــــــــــــــــقاك دونه ودوني يامعنّيني


حرام لاجيت لك تــــــــسألني شـ جابك؟؟


___________ حرام ألقى بك الدنــــيا وتنــــــــــــــــــفيني


حرام أشتاقلك واناااام واصـــــــــــــــحابك


___________ وانتَ ولاانتَ هـــــــــــــنا ياآخر عناويـــــــني


لاياحبيـــبي ولانـــــي باقــــــــرب أحبابك


___________ أنا لقــــــــــــــــــــــــيتك معي باعذب دواويني


وانا لبستك غلا وايّامـــــــــــــــــــــي ثيابك


__________مستوطن ٍ مابين قلــــــــــــــــــــــــــبي وجفنيني!!

[صعبة المنال]

ما شاء الله

يعطيك العافية

صعووب

[السريع]

شكرا لك
وبارك الله فيك
تحياتي

[اللهيب]

شكرا لك
وبارك الله فيك
تحياتي

[معتدل]

شكراً لك
تحياتي

[مرعي]

شكراً لك
تحياتي

[الجهيمي]

مشكور
على المعلومه الجيده
تحياتي

[المورد]

مشكور
على ما افدتنا به
تحياتي

[البتار]

مشكور
على ما افدتنا به
تحياتي

[نديم الحيارى]

وفقك الله
وسلمت اناملك
تحياتي وتقديري