مايحصل لك وليه 000في عيد الضحية!!!!

ابووفىماعنه خفى · 09-01-2006, 01:53 PM

بسم الله الرحمن الرحيم

عيدكم مبارك وكل عام وأنتم بألف خير وصحة وعافية

بداية الله يستر على اصابعكم ويديكم انتبهوا ولاتقولون ماعلمتنا

طبعا بكرة بيكون أول أيام عيد الأضحى >> الله من زين التعبير يقالك جايب معلومة

وشي عادي جدا أن بكره تشوف كل العمال وبجميع جنسياتهم ومهنهم أن يصبحوا قصاصيب

فهذا السباك والحداد والسمكري والبناي والدهان 000الخ بتلقاهم باتسر

واقفين على الشوارع رافعين سكاكين وسواطير وكوارع>> انا عاوز ادبح لكن حنا مانعطيهم وجه

حيث أن شعارنا هو

ان تسان ماشرب الفتى من يمينه 00000فشربه من وجيه الرجال هماج >> الله يرحمتس ياخالتي

نوره0

عاد حنا اذا السنة شرينا ضحا يا طيبة

>> شروى من عندي

وياخوفي يطلع عيدنا مثل كل عيد الله يستر قولوا امين

حنا ونعوذ بالله من العنا في كل عيد دايم

اول مانصبح كان يجي الوالد الله يمسيه بالخير ويرفعه بالعافيه ونلتف من حوله

كلن عليه قميصه ومعه سكينته اللي قاعد كل الليل وهو يحدها اللين يوقفها على جنب

ثم الوالد وبسروال السنه يقول هها وين اخوكم فلان ووين فلان

عاد انواع التهزيء (الرخمه اللي مافيه خير 0000الخ)

ثم نطمر كلنا نبي نجيب اول ذبيحة

بس للأسف مانتيتها الا عقب طلعت الروح يعني تلقى كل واحدن

منعلق على قرن من قرون الخروف ويركض به

واذا حطينها تجيك الخنساء (والدتنا المصونه)حفظها الله في حلها ونرحالها

تقول هاه ضحية ابيي واميمتي- جعلهم في عليين - هي أول وحده ويرد عليها الوالد ايه هين

ويقوم الوالد المتوحش بسدح الخروف واضعا قدمه على رقبته وكلنا على هذا الخروف محاولين تثبيت كتفيه >> وينك يا ابراهيم الراشد
وبعد ذلك يبسمل والدنا ويذبح الخروف

وبعد انهمار مدري انهيار الدمان يرفس الخروف واذا باثنين يسقطون ارضا وبعدها

وطمر الخروف ويركض (من حر مايونس شلبي)

والوالد قائلا ياالرخوم طالعين على (رادين)>> صرفها كلش ولا القصف حنا نحبهم حيل خصوصا تونا متعشين عندهم

وبعد مايستدير الخروف تارة لى الصاله طالعا منها داخلا المجلس ونحن من خلفه نصرخ قائلين وقف اتسانك ولد امك وابوك وقف يا 0000

وبعدها يستلم خائفا ويسقط على الأرض ثم نسحبه من المقلط بكراعينه وبعد ذلك

7

7

7

7

ايه ايه

7

7

7

7

7

7
7

ارفع رجلينه 000

7
7

7
7

7

7
7

7
7

7
بعد شوي

7

7

7

7

7

7
7

7
7

7
7

ايه ايوه دخل

7

7

7

7

7
7

7

7
7
7

7
7

7

لا بغى يدخل

7

7

7

7

7
7

7
7

7
7

وبعد جهد جهيد

7

7

7
7

7

7
7

7
7

7
7

7
7

7
7
اشوى وشو عقبه دخل الحبل في كراعين الخروف

ثم نجي نصلخ كل واحدن ماسكن خانته اللي طهير ايمن زيدان واللي ايسر وانا وسط متقدم

وانواع الهواش

من ذا ا اللي يحركها (الذبيحة) وخرب علي ؟

انت؟

لا وماتدري الا وصبعك في يد واحدن من اخوانك

اي اي منهو؟؟؟؟؟؟؟؟؟؟

الله واعلم جحيد وامرا بعيد !!!!!!

ثم بعد ذلك يطلب منك احد اخوتك تغيير الخانه وتبديل المراكز

ومايمديك تمسك الخانه الجديده الا وجبهتك ناشبتن بين ضلوع الخروف

بلختن محترمة من والدنا المصون صارخا

اجل ذا صلخ ياالرخمه الله يطملك كل اللحم راح مع الجلد!!!

وبعد مانخلص من الصلخ واذا بالجلد00 ياالله تشيله من اللحم اللي فيه!0

ثم نضع اشلاء الخروف في صحون ونذهب به الى المظله والوالده ممدتن ساقيها ومعها ساطوره وسكين

ومايمديها تشوف الصحون الا وتهوش

حسبي الله على ابوكم اجل هذي يد والا رجل والا تستف ؟؟!!!0سبحان الله ذا الرجال مايعرف يصلح شي0 الا ويخربه !!

والوالد يقول وشو؟00 هذا شغل عيلانتس اللي مادري منهم طالعين عليه ؟

ثم تقول الوالده وشو؟

اهلي احسن منك ومن ربعك كلهم ثم يقول ناه <<اي شوفوا

احد مطري اهلتس ؟

عاد الهوشه في عيد الأضحى تخوف لأنها تختلف عن غيرها من الهوشات السابقة ( حيث كل شخص معه سكينته)

بس اشوى تطلع الشغاله اعقل من الأثنين وتفك مابينهم !!!

ثم محاتسيكم ياخذ المصارين >> شوفوا ماوده يعلم انه معه الكرشه

ويسوي بها طريقة ابو عبدالله -حفظه الله ورعاه وجعله ذخرا لنا-

طبعا بينط واحد ويقول وش طريقته؟

اقول طريقته سهلة و متعه في نفس الوقت

حيث ما عليك الا أن تمسك بالمصير وتدخله في البزبوز وتشوف وشلون ينتفخ المصير وينضف نضافه اكيده

وبعد مانخلص نلقى التسبده وا لمه>> اي زاهية

ثم ندب فيها 000طبعا انواع الحش في الطبخ

اللي يقول لستك 000

واللي يقول قصرت وانا اقول خلوها شرايح وشوله المكعبات ؟

واللي يقول علي حق انسانها مهيب مجمده >> عادي تصير في أرقى العوايل .. ثم اذا لبدنها 00خلاص كل واحدن يقول وين مرقدي؟

وبعد ذلك يجي توزيع( الطعم ) أي قطع اللحم

وكل كرتون فيه مجموعه من الطعم(سبق شرحها في الصل السابق) 00

من يويدي الطعم؟ فلان لا00

شوفوا فلان

فلان مالي نفس قايلكم كل سنه خلوكم الذكيا

احسن طريقة للتوزيع الطعم

هي اي واحد يعطيك قلله اصبر شوي وعطه طعمته

وتستريح من قولة من يودي الطعمه؟

أبو الفيصل · 09-01-2006, 02:17 PM

السيناريو هذا مسروق من بيتنا وش دراك ان هذا اللي حصل لنا العام وكل سنه

أمزح

بس هذا اللي يصير في كثير من البيوت اللي عندهم أبو مثل أبوك وأبوي الله يخليهم ولا يحرمنا منهم

قل

آمين

تراي ما سمعتها

يالله أن تعينا بس

على العموم كل عام وأنتم بخير قبل الزحمه أخاف ما يمسك الاتصال بالنت وباركلكم

مشكور أخوي "ابووفىماعنه خفى" تعبير ذا ولا اسم ولا كلمة سر ، ها هايييي

تسلم أخوي

ابووفىماعنه خفى · 09-01-2006, 11:08 PM

ابوفيصل

اقتباس:

السيناريو هذا مسروق من بيتنا وش دراك ان هذا اللي حصل لنا العام وكل سنه

أمزح

بس هذا اللي يصير في كثير من البيوت اللي عندهم أبو مثل أبوك وأبوي الله يخليهم ولا يحرمنا منهم

لذلك اخترت ان يكون عنوانه

مايحصل لك وليه 000في عيد الضحية!!!!

اقتباس:

قل

آمين

تراي ما سمعتها

يالله أن تعينا بس

امين

اقتباس:

على العموم كل عام وأنتم بخير قبل الزحمه أخاف ما يمسك الاتصال بالنت وباركلكم

وانت والجميع كل عام بخير وصحة وعافيه

اقتباس:

مشكور أخوي "ابووفىماعنه خفى" تعبير ذا ولا اسم ولا كلمة سر ، ها هايييي

هذا املاء بس جديد راعيه رجل شديد قرم يفل الحيد>>منيب احب المدح الا ان تسان عينه

اقتباس:

تسلم أخوي

ومن قال سالم وغانم

الطائر المهاجر · 09-01-2006, 11:16 PM

اثاريك منت سهل ، اقول وليش اختار هالإسم
اثاريه وراه اشياء ما بعد اكتشفناها..
هالحين احمدوا ربكم ... ماعاد فيه ذبح ولا صلخ ، المطابخ تكفيكم..
شكرا على امتاعنا
لاهنت يالغالي
تحياتي الطيبة

الريم · 10-01-2006, 01:05 AM

لوووووووووووول

الللله يعينكم على بكرا اجل اخووي ابو وفى على المطامر والفيلم الي بيصير

وكل عااااام وانتا بخيير والجمييع بخيير ومن العايدييييين

ابووفىماعنه خفى · 10-01-2006, 01:57 PM

المشرف العام

اقتباس:

اثاريك منت سهل ، اقول وليش اختار هالإسم
اثاريه وراه اشياء ما بعد اكتشفناها..

شكرا استاذي الدكتور ابو عبدالله

وعسى ان اكون عند حسن طنكم

اقتباس:

هالحين احمدوا ربكم ... ماعاد فيه ذبح ولا صلخ ، المطابخ تكفيكم

بس وش نسوي الوالد يقول

انتسان ماشرب الفتى من يمينه
00000فشربه من يدين الرجال هماج

اقتباس:

شكرا على امتاعنا
لاهنت يالغالي
تحياتي الطيبة

وهذا ما اسعدني واثلج صدري
ولك خالص تحياتي
============================== ====
الريم

اقتباس:

لوووووووووووول

الللله يعينكم على بكرا اجل اخووي ابو وفى على المطامر والفيلم الي بيصير

الحمدلله على السلامه اشرتس ابد مهنا اصابات تذكر

مغير الساطوره طاحت من يدي ماردها الى رجل اخيي

وابد ابشرتس ماجاه شي يذكر

مغير رضوض في اصيبعاته والدكوتر يقول كلها كم شهر وتجيه غرغرينه

وعطانا موعد على قص اصابعه بعدشهرين

اقتباس:

وكل عااااام وانتا بخيير والجمييع بخيير ومن العايدييييين

والجميع كذلك