ماني من اللي يركعن للأقاويل

[ترانيم المطر]

يا

ليل

يا

ليل

السهر


والتعاليل

يالليل يا ليل السهر والتعاليل =هم يجي فيكم وهمٍ تجلا
وهمٍ يراعيني وانا أراعي سهيل =وسهيل غاب وهم قلبي تعلا
وسريت مع همي ليالٍ مقابيل =أطالع همومي وفيها أتحـــلا
وجلست أقلب بالصور والمراسيل =كني غريبٍ عن دياره مجلا
حدوه ربعه عن طريقه على الميل =في ليل مظلم وسط سيفٍ يسلا
وفي غفلتن من ساعةٍ باخر الليل = جاني هنايه يوم عني تخلا
في غفلةٍ فيها صحي فاتر الحيل = جاني هنايه يوم حظي تعلا
وشكيت له ماصابني من تهاويل =شكيت لين الهم روّح ووّلا
وشكيت له دمع انسكب بالمناديل = وشكيت همٍ للمعاليق تلا
يا حظ ليه تغيب ليه البهاذيل =تركتني والهم فيني تسلا
مالي جدا يا كود جر المواويل =لو شفتني كني خميس المعلا
قال اسمعي يا غاليه عندنا حيل =ماعاد أكررها حشا ثم كلا
والله لذّلل كل الاصعاب تذْليل = مهما حصل ياعاليه ماتخلا
لو تطلبي يا عاليه فطرن حيل =ولو تطلبي كوكب مجره تدلا
قلت اسمع علومي ومن غير تطويل = ماعدت اصدق كل حكين يشلا
عطني براهينك ولا تنقص الكيل = ودر النياق الشعل ماهي مجلا
أخاف من جِهّيّل كدْشِنْ مهابيل = يحللون الهرج ناسٍ مبلا
ويعدلون بكيفهم فيه تعديل = ويلبسونه طوق وردن وفلا
قبل أنطق الجمله لها الف تحليل = أراجع الكلمه قبل لا تملا
وأضلل الناقص من الحرف تضليل =ومن يتبع الغرّات يصبح مخلا
و ماني من اللي يركعن للأقاويل =أنا ركوعي للولي فالمصلا
واقدر الوافي ولا أحاول أعيل =ومن عال ماله غير سيفن يسلا

[سناعيس]

و ماني من اللي يركعن للأقاويـل
أنـا ركوعـي للولـي فالمصـلا
واقدر الوافـي ولا أحـاول أعيـل
ومن عال ماله غير سيفـن يسـلا

كفو كفو كفو
يشرفني بأن أكون أول من يعانق هذه الباسقه
الله الله
ياترانيم المطر هذا هطول -//- أشهد انك بالجزاله ممطره
وصح لسانك عدد بلا مدد
قصيدة من أروع ماحواه قسم الهمس
لله درك

تحياتي

[محمد عبدالله البدراني]

ترانيم المطر

سلمها الله


صح السانك

وعلا شانك



وقفت هنا كثيرا مستذكرا طيب الذكر خميس المعلا :

مالي جدا يا كـود جـر المواويـل
لو شفتني كنـي خميـس المعـلا


لاأعلم بمحض الصدفه ورد اسم الشاعر خميس المعلا ..



لاهنتي ياترانيم المطر


ومليون صح السانك


تحيتي وتقديري

[ناصر عبيد الهواوي]

صح لسانك وكفو والله
لله درك على هالابيات
النقوة والمعاني السامية
احسنتي ولا هنتي يا اختي
تحياتي

الرااائعه تراانيم المطر

الشااعره القديره والمبدعه

انتعتينا بهذا الهطوول الراائع

قرأتهااا وارتويت شعرااا

سلمتي ودمتي

لك خالص الود يا الغاليه

[داعي الشوق]

وصح لسآآآنك يالشاعرة ترنيم المطر

( حنين الماضي )

تصوير جميل و رائع

بـ شكل مميز

صح لسانك مدد بلا عدد

تحيتي و تقديري

[منيع]

ابيات رائعة
بارك الله فيك
تحياتي

[سعد الشقحاء]

صح لسانك
واعتلا شانك

قصيده في غاية الروعه

[حي الضمير]

ياسلام ياترانيم
نص رائع وجميل وابدعتي
ومليوووووون صح لساااااااااانك

[مبروك بن ماضي]

أختي المبدعه / ترانيم المطر
هطول شعري رائع
يجعلنا نهبط على أرض خصبة بالإبداع
سلمت يداك شاعرتنا القديرة
سجلي الاعجاب والتقدير
مع أجمل التحايا وأكثر
أخوك / بن ماضي