اسم العرب ..انواع العرب

[الطائر المهاجر]

اسم العرب ماخوذ من اربع ارباع = ربعٍٍ اصيل ولو يحده زمانه
وربعٍٍ شهاوي كل همه اذا جاع= يملى لبطنه والشرب والعفانه
وربعٍ اناني دوم يبحث عن اطماع= يبيع دينه والأهل والأمانه
وربع ثخين المخ احمق اذا فاع= خرب على نفسه وهدم كيانه
ثلاثة ارباع العرب مالهم داع = ودك بكلٍ ينخصي مع ختانه
ويبقى ربع ينتج لنا اسود وسباع=يحط للأمه بعصره مكانه
جيل بعلمه والتفوق والابداع = يصنع لنا مجدٍ قوي المتانه
جيل يهز الكون في كل الاصقاع = يهابه العادي فلا هو وزانه
يكفي شماته بين ماكر وخداع = وكلٍ طمع فينا وشفنا الإهانه
واللي سلم منا غدا ذيل وكراع = لاهل النفوس الغارقه بالخيانه
من كل متأسلم جمع حشد واتباع= يخدع بفكره من فقد للفطانه
ينفذ مخطط واضح بكل الاضلاع= هدم العرب والدين باسم الديانه
خلا بعضنا يحارب البعض مطواع= لاهل الحسد والحقد واهل الضغانه
حتى تشتت شملنا بكل الاوساع= وما عاد للعربان هالوقت خانه
وهو يشوف الغرب اصحاب واشياع= مايدري انه خاسرٍ في رهانه
يحرق مثل غيره بعد ذل واخضاع= وادى المهمه .. جيب غيره مكانه
يا جاهل التاريخ ادرس للاوضاع = وتعرف بأن الغرب ماله امانه

[بنت النور]

يحرق مثل غيـره بعـد ذل واخضـاع
وادى المهمه .. جيـب غيـره مكانـه
يـا جاهـل التاريـخ ادرس للاوضـاع
وتـعـرف بـــأن الـغــرب مـالــه امـانــه



صح لسانك
طيبه من طيب
لاهنت
تحياتي

[منيع]

ثــلاثـــة اربـــــاع الــعـــرب مـالــهــم داع
ودك بـــكـــلٍ يـنـخــصــي مع خــتــانــه

ههههههههههه
لاتعليق
شكرا
تحياتي

[نجم الإبداع]

صح لسانك يادكتور وهذا هو الواقع

لاهنت

[داعي الشوق]

صح لسانك و حالك و بالك

.. و حنا في اي ربع منهم يا بو عبدالله

و عسى ما علينا خلاف ؟

ولاهنت يا جزل

[محمد بن عمار]

صحححححححححح لسانك يالعود
على هالعيدية الكايفة ...
والحيل حيل الله .. ماصفت للأنبياء
والرسل عليهم السلام .. تحيتي وتقديري

[ساهر الليل]

ثـلاثــة اربــــاع الــعــرب مـالـهــم داع
ودك بــكــلٍ يـنـخـصـي مــــع خـتــانــه


هههههههههههههههههههههههههههه

استغفر الله العظيم

هذي ضحية الموسم

صح لسانك وياريت القصيد

يزيد والا يعيد كان ملانا المكان بمثلها واكثر

تقبل تحياااتي

[النهج المختلف]

يـا جاهـل التاريـخ ادرس لـلاوضـاع
وتعـرف بــأن الـغـرب مـالـه امـانـه

صح السانك يابو عبدالله ،،،
اي والله الغرب مالهم امان صدقت ،،،
لاهنت يادكتور والله يعطيك العافية ،،،
تحياتي لك وتقديري ،،،،

[عبدالله الشويمان]

صح لسانك يا ابوعبدالله

قصيده جزله ..بواقع مرير.

دمت بخير ولا هنت

[الطامي]

ياسلام عليك دكتور
صح السانك ملايين
ابدعت واجدت
ولاهنت