ومثلك بديوان الهوى ما يراهن

[فواز الغسلان]

ماجــور يـاقــلـــبـــي بـالاريــــام مـاجــور=ولـو تـشـتـكـي مايـفـلـح الـلـي شكـاهن
راهـنـت مـاتـطـلــع وراهـن بـمـخـســور=ومـثــلـك بـديـــوان الـهـــوى مايـراهـن
ربحك غدى جفن(ن)من السهر مدمور=وجرح(ن)بجوفك يـشتكـي من جفاهن
لا هاج عاصوف الـهـوى عـقب عاشور=ما يـنـفـعـك عـنـد الـهـبـايـب ذراهـن
احـذر سـهـوم الـريـم لـو كـنـت هامور=وما يـربـح اللـي بـالـمـضـارب شراهن
ترجي وعود اللـي بـهـا الـغـدر مـبـذور=وانا اشهد انه خايب(ن)من رجـاهن
طبع(ن)غدى حرفه بالاجيال مسطور=وحروفهن جرح(ن)على اللي قراهن
تـبـدى هواك بريـح الاطياب وعـطور=ويـغـريـك فـسـتـان(ن)بـلـونه كساهن
كم عاشق(ن)قبلك وقـع تـقـل مـجـدور=غــره لـبـاس(ن)فـي طروزه زهاهن
وداسه من هـموم الـكـوابـيـس طـابـور=بـيــن الـغـبــون وبـيـن جـمرة شقاهن
لـمـا يــقــــع بـرمــــاح الاريـــــام مـغـــدور=ومدري وش اللي بالـغـيـالـه دهاهن
وطبع العذارى عـند الاحباب مـخـبور=تـتـــرك غـــرام الـلـي يـطــارد هواهن
وان عـفـتـهـا ترجـع لـدربك على الـفور=والله فـلا ادري بالـهـوى وش بلاهن
وياقـلب لو عـفـت الـغـنـاديـر مـعذور=وياما قضيت سنـيـن تـركـض وراهن
ومن طـارد الـخـفرات يصبر على الجور=ويـصـبـر ويـسـقي خافقه من غـثـاهن
والـلـه يـلـو تـعـــطـي لـهـن كـل مـقـدور=انـك فـلا تكسب طوارف رضـاهن
ماانـتـه عـلـى طـيـبـك بالاريـام مشـكور=وياويل حـالـك لـو تـأخـر عـشـاهن
عـلـم(ن)غـدى فـي مـحكم الـذكر ماثور=مثل الـنـجــوم الـزاهـرات بـسـمـاهن
بس البلى كان انت بالبـيـض مـسـحـور=وداهنت وانت من اول(ن)ما تداهن
وامـسـيـت بدروب الـغـنـاديـر مـجـبــور=ماتـسـتــريــح بــدون شـمـة شـذاهن
لاتـشـتـكـي لــو عـشـت بالـقـيـد ماسور=او ذقت عن طيبك خـبـاثة جزاهن
اعـطـيـك شوري وانت ماتـقـبـل الشور=وعـقــبــه تـجـيـنـي تشتكي من رداهن
انــتــه غـديـت بـعـــهــد الاريـام مـغــرور=ومازلت تـرجـي طـامع(ن)في وفاهن
وتـكـتــم جـروح الـقـلــب من نظرة الحور=وتـمـزح وتـضـحـك بالسوالف معاهن
وان عـشـت فــي روض الغنادير مسرور=من دون ما تـخـطـي تلاقي خـطاهن
تـنـسـاك لاجــل الـلــي تـقـــل زول زنـبـــور=اللي عـلــى صـوت الـمسجل دعاهن
وان جـاء نـهــار الـكـود يـطـمــر مع السور=ولا يـلـتـفــت للـي بـضـيـمـه وطـاهن
وانــتـــه تـعــيـــش بـتـــالـــي الـعــمـــر مـجـمور=عطشان وانـتـه طـايح(ن)عند ماهن
ودرب الـشـفـاء ماهـو عـن الـنـاس مـحظور=ياللي تـريــد مـن العذارى شـفـاهن
حـبــل الــهـــوى عـــنـــد الـغــــنـــاديــر مـبـتــور=وحاول تـبــت حـبـالـهـن مع رشاهن
والا تـعـيـش الـلــي بــقــى تــقــل مـســعــور=مثل الذي بالـطـيـب قـبـلـك بـغـاهن
عـــمــرك يـضـــيــع بــراي الاريـــــام مـامــور=وياويل قـلــب(ن)بالـقــراده عـصـاهن
وقبلك غــديــت بـطـــرد الاريـــام مـشــهــور=وياما ركـضـت بصبـحـهن مع مساهن
اقـعــد بـلـيـلــي سـاهــر(ن)تــقـــل نــاطـــور=ارجــي مـتــى الـفــرصه تـجـود بلـقاهن
والـفـجـــر اراقــب نـجـمـــة الـصـبــح مـقـهـور=من لـيــن قـلــبــي بالـهـوى مع قساهن
شـفــت الــدمــوع بـمــوق الاريــام مـنــثــــور=وظـنـيـت سيل دموعهن من غـلاهن
وصارت كـمــا الـتـمـــساح لا غــاب بـجـحــور=بالــدمــع صـيــدات الـمــنــابـع كـلاهن
صــار الـــوفــى بـيـــن الـغـــنـــاديــر مـقــــبـــور=تـكـوي خـفـوق(ن)بالـهـوى ما كواهن
ورحـلــت لـو قـلـبــي مـن الـغــبــن مـكـسور=وارتـحــت مـن قــولــة لـعل وعـساهن
وشافــت عـيـونــي فـجــة الـصـبـــح بـالــنـــور=عـقــب الـظــلام وعـقـب فترة عـمـاهن
وخـلـيــت شـيـــطــان الـغــنـــاديــر مــدحـــور=وسـحــر(ن)لـعــب بـعـقـولنا تـقل كاهن
والـطــيــر رزقــه تـحـت مـخــلــب ومـنــقـــور=ويـعـتــاش لــو حـيـلـه من الـبـرد واهن
ولا راح يـغـلـبـنــي عـلــى الـعـيـــش عـصـفـور=واعـتــاش مـثـــلــه مانـراجــي عـطــاهن
نـومــي بـنــجـــم شـبــــاط بـالـــبـــرد مـسـمــور=احـلـى من غـبـون الـحشى في دفاهن
وحـمــدت من نـادى كـلـيـمــه عـلــى الــطـور=يـوم الـخـفــوق بـجـود فـضلـه نساهن
ويـطــــلــع لـهـــن بـــيــن الـمــهــــابـــيــــل ثــابـــور=يـفــهـــم طـرايـــقـــهـــن ويـلــعــن ثـواهـن

[داعي الشوق]

الله الله يالشاعر فواز الغسلان

صح لسانك ويسلم راسك

رائعه بروعة شاعرها

تحياتي لك ،،،

[عذب القوافي]

الجزل / فوازالغسلان

صح لسانك

نص عالي من شاعر ٍ جميل

لله درك يالغالي

تقديري

عبدالكريم,,,,,,

[سناعيس]

الله الله يافواز
صح لسانك ولله درك
رائعه وجزله بكل المعاني

تحياتي

[ابو أنس]

الفاضل فواز الغسلان..................
متعب من بعدك ومن يكتب الشعر في مكان ترتاده
جزالة في المعنى وعذوبة في القافيه وطول نفس غير محل
نص يكتنفه الجمال من كل جانب
أستعد كثيرا لقراءة نصوصك وأحرص ان لا أكون منشغلا بشيئ
لك كل الشكر وكل عام وانت بخير

[ابومياس]

فواز الغسلان

اخي الغالي وشاعرنا الراقي

نص لا استطيع ان اكتب به شهاده

فهو فوق الشهادة ولا يحتاجها

ولكن انا هنا انهل من عذب الحروف

صح لسانك وبيض الله وجهك

دمت بخير

[الخنساء]

صح لسانك اخي الشاعر فواز

لاهان راسك قصيدة رائعة

سلمت وسلم شعرك

دمت بخير

[الـزلـزال]

فواز الغسلان



الأبداع الشعري منك وإليك

عندما نشاهد أسمك نعلم بأننا موعودين

بعذب الكلام ورقيه

من معاند حروف القوافي


صح لسانك الى مالا نهايه

وتقبل فائق تحياتي

[عبدالعزيز العمار]

الشاعر فواز الغسلان ...

صح الله لسانك وجاد بيانك ...

قصيدة رائعه بروعة حضورك لاهنت ..

تقبل اجمل تحيه وتقدير ..

[الطامي]

فواز الغسلان
صح السانك ولاهان راسك يالغالي
وافيه بالحيل
لاهنت عيني