شموع الظلام

[عبدالرحمن السناني]

اعزائي عضاء هذا المنتدى الرائع اليكم هذه القصيدة اتمنى ان تنال اعجابكم

كرهتـك يالظـلام وقـمـت اولــع بالعـتـام شـمـوع=طـوانـي ليـلـك الـداكـن وفـجـرك مـابــدا نـــوره
انـام ولا صـحـت عيـنـي افــز بـفـزة المفـجـوع=فجعني ثوبـك الاسـود اسرنـي مـن ورى سـوره
الا ياصمـت كلمـنـي انــادي صـوتـك المسـمـوع=اشوفك يارهيب الصمت تحـت اصـوات مغمـوره
مشيـت المستحـل ولا حـدانـي دربــه المقـطـوع=عسـى وادى الظمـا بعـده تجـي وديـان ممطـوره
ابطفـي نـار مشتعلـه تواقـد مـن حطبـهـا ظـلـوع=وابنبـش فـي رمالـي عـن حـيـاة امــال مقـبـوره
ابرسـل حربـة المسمـوح تطعـن هيبـة الممنـوع=ابـروي بالنـداء بسـتـان ظـامـي ذبـلـت زهــوره
وببحر واترك شراعـي واشـده للسمـاء مرفـوع=عسى شمس الامل تشرق مابين الموج وبحوره
وبمشي واقطع البيداء وبصبر بالضماء والجوع=وبسـأل رملـه السافـي ياويـن اطــلال مهـجـوره
كساها الصمت في حزنه وتنثر من مطرها دموع=على عصرا مضي تبكي وتبقـى اطـلال مقهـوره
مـادام الحـزن يتبعـنـا وشـوكـه تحتـنـا مــزروع=وهــم اللـيـل عـذبـنـا وشـيــد عـنـدنـا قـصــوره
ابنثـر لوعتـي عنـدك وابتـرك حسرتـي واللـوع=ابشـرك الفـرح غــرد وبــان الـيـوم عصـفـوره
مادام ان الزمن وجهه ضحكلي وابتهـج بسبـوع=عشقتـك يالظـلام وقمـت اولـع شمـعـة ســروره

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[نفحات حساسة]

صح السانك..مليون
ولاهنت شاعرنا..رائعه
يعطيك الف عافيه
تحياتى لك..

[همس الورد]

صح لسااااانك مليوووووون

و صح بدنك

بوووووح رائع

تحيتي

[منيع]

ابيات ولااروع
بارك الله فيكم
تحياتي لكم

[شجون القصيد]

الله الله

نص في قمّةالابداااع... باااسق

مليء بالجمال والألم في نفس الوقت

قــصــيـــــــــدة رائـــعــــة حـــد الوَجَـــــع اروتنا شعرا

أبدعت بمعنى الكلمة بوح عذب

رااااااقت لي

[الطامي]

السناني
صح السانك ملايين
جزلة وطيبه
لاهنت اخي

[عمر ال شيبي]

بوح جميل وابدعت

ولحن جميل طرقته بصمت

صح لسانك لا هنت

[داعي الشوق]

صح لسانك يالشاعر عبدالرحمن

قصيدة رائعة كـ حضورك الرائع

شاعر جزل و معروف يالسناني

صح لسانك مدد

مع التحية لك و التقدير

،،،،،،،،،،،،،،،،،،،

[زهرة اللوتس]

صح السانك
ولاهنت شاعرنا.
رائعه
يعطيك الف عافيه
تحياتى لك
زهرة