ليتي مفهي مثل بعض الرجال

[الطائر المهاجر]

ليتي مفهي مثل بعض الرجال = ماتحركني علومٍ او هموم
منشغل كالغير في جمع الريال= وكل يوم برحلةٍ حول النجوم
مير انا لي ضامرٍ فيه اشتعال= مدركٍ للجو من خلف الغيوم
يوم كان الغرب يفتل للحبال= والعرب بالجهل تفطر او تصوم
مادروا باللي يخطط باكتمال= لغزوهم في صمت في سر الكتوم
نعرف الحاضر ومابه من ميال=ونجهل المقبل ومابه من قدوم
والوثايق بينت شيٍ هبال= العرب تبلع من اصناف الطعوم
والغرب هو من كشف سر الرمال= والذهب من تحتها بحر يحوم
كل ما يجري علينا من وبال= من تحت راسه وهو خلف الرجوم
قال خل الناس تركض في خبال= من ورا الدينار في سهل وتخوم
ومن تبع رزه ولو فيه اعتلال= ومن نطق بالحق يختم بالختوم
الدعايه فرض في كل المجال= والمطبل شجعه يرمي الشموم
لو خذينا ريال تاخذ نص ريال= وناخذه منّك اذا جالك لزوم
تشتري منا قشور البرتقال = ومعه ديكورٍ يهيّب للخصوم
وكان تتغيّر ترى مابه جدال= غيرك اشطر راح ماعنده هدوم
راجع الأحداث تفهم بالعجال= واعتبر بالغير تفهم بالسلوم
نحرّك الشارع بخرفان وجمال= وخلفهم اشباح تدفع بالرخوم
عن حقوق انسان تبحث بالسؤال=والشعارات اللي تصحي من ينوم
ان رحلت فحل ماله من مثال= وان تقاوم فانت من يصبح ملوم
نشعل الفوضى لتأذن بالزوال= لكل ماهو نافع بارضك عموم
ولا وصل مندوبنا بعد الختال = ناخذ المكسب مشاريعٍ تقوم
نوهم الأعراب فيها بالجمال= وننفع اللي بدارنا كنزٍ يدوم
ونستمر بأرضكم مابه مجال= يوم نرحل دام فيها ما نروم

[رووبين]

صَحِ لسٌانكَكِ

آبيٌآآتِ رِآآئعِةُ

يعِطْيكَكِ آلعآآفيِةٌ

[منيع]

ابيات في الصميم
شكرا لكم
تحياتي

[عبدالمحسن الرحمه]

صح الله السانك دكتورنا جزلة حكيمة الله يزيدك من فضلة

[الـزلـزال]

الطائر المهاجر

نص ممي وجزل وهادف
كالعاده لا جديد سوى تميز يعقبه تميه وأتقان طائرنا
أبدعت وأمتعت رعاك الله
حلق ود بتحليق حروفك فهي تطربنا ونسعد بمعانقتها
صح لسانك ملايين ملايين
ولك فائق تحياتي وتقديري

[سعيد عوده الحويطي]

الله درك يادكتور على هذه الراقية. لاتعليق لي اكثر من ذلك فما تحويه من معاني لايحتويه تعليق تقبل احترامي وتقديري

[ساهر الليل]

جزله من راس جزل

صح نبضك ولسانك ياعود

تحياتي وتقديري

[هترل]

والوثايـق بينـت شـيٍ هبـال
العرب تبلع من اصناف الطعـوم
والغرب هو من كشف سر الرمال
والذهب من تحتها بحـر يحـوم
كل ما يجري علينـا مـن وبـال
من تحت راسه وهو خلف الرجوم


صح لسانك ابو عبدالله مدد
نص شامخ شموخ صاحبه
ابدعت وامتعت يالجزل لاهنت

تحياتي وتقديري

[الطائر المهاجر]

شكرا رووبين
على كريم المرور
لاهنتي
تحياتي

[سناعيس]

صح لسانك ولاهنت

تحياتي