على كثر الهموم اللي تحاصرني يمين يسار

[الطائر المهاجر]

على كثر الهموم اللي تحاصرني يمين يسار= اقاوم غير من همٍ بقى في القلب له كيّه
يطير النوم لامنه عصف في داخلي إعصار = واعرف ان السبب حلمي مع اللي جاهلٍ فيّه
صحيح الحلم من طبعي واذا من ثرت مثل النار= تحرق الرطب واليابس وتبقى ليلها حيّه
ترى حلم الرجل اكبر خطا مع ناقص المقدار= يشوف الحلم به ضعفٍ ويجزى الحسْنه ابْسيّه
وعلاج الشر ما ينجح بغير الشر مهما صار= فبادر قبل يستفحل فلا تعرف حراويّه
واذا منك ضربت اوجع ولكن لايبين غبار= وطخ الذيخ والحصني يهابك ذيب في فيّه
ولكن حكّم لعقلك ولا تدوّر ضعيف اعذار= ترى رب البريّه عالم الأسرار والنيه
فربك ما يقول ابدا بشر ولا تكن جبار= ولكن من بدا بك عامله بالمثل والهيّه
فسن بسن والبادي بشرّه عن قصد واصرار= اذا من تتركه لابد تتمادى خطاويه
ولو حتى قريبٍ لك مدامه في حقوقك جار= فردعه واجبٍ من دون لاعطفٍ وحنيّه
ومن ينصر اخاه بظلم لابدّه من الأشرار= مادامه يدفعه للشر تساوى الخي مع خيّه
واذا منك عرفت اللي ورى الجدران يشعل نار= وينفخ من يبي من قاصر الخبرات من غيّه
تتبع وين خطواته بدت في اول المشوار= ترى قطع الذنب ما يقتل العقرب ولا الحيّه
مثل هذا جبان وكل ما يفتل ورى الأستار= واذا من كشف في ستره غدا حرباة ماطيّه
بدا يتقرب بهرجٍ كأنه ناصحٍ لك بار= ولو ضحى بمندوبه وجاك بكل حبيّه
يبي لك توقعه في شر اعماله بلا آثار= ويصبح عبرةٍ للي مشى بالدرب من زيّه

[صعبة المنال]

واذا منك عرفت اللي ورى الجدران يشعل نار
وينفخ من يبي من قاصر الخبرات مـن غيّـه
تتبع وين خطواته بـدت فـي اول المشـوار
ترى قطع الذنب ما يقتل العقـرب ولا الحيّـه


جزلة يا ابو عبدالله ووافية

صح لسانك مدد بلا عدد

صعووووووووووب

[عمر ال شيبي]

صح لسانك لا هنت ابد

على كثرالحزن

جابت مفعول

صدقت

وشكرا لك

الله عليك روعه

[داعي الشوق]

صح لسااااااااااااااانك مليووووووووووون يا بو عبدالله

قصيدة جزلة و معبرة و حكيمة

لله دررررررررررك

وصح لساانك مدد

مع تقديري لك

و لي عودة للرد بما يليق

ولاهنت

************

[حي الضمير]

قصيده شامخه
وملياااار صح لسااانك ياشاعر الحكمة

[منيع]

اجدت وابدعت
بارك الله فيكم
تحياتي وتقديري

[وليدالبسطي]

الدكتور الشامخ

ابوعبدالله


نص في قمة الروعه

لاهنت


اخوك

وليدالبسطي

[عبير الورد]

صح لسااااااااااااااانكـ ملايين سلمت وسلم منطوقكـ الجزل ربي يعطيكـ العافيهـ

[حوريه]

الطائر المهاجر
صح لسانك واحساسك
قصيده جزله ومعبره
دمت ودام حرفك

[عبدالعزيز ابراهيم المنصور]

الطائر المهاجر
نص قمة كما عودتنا
سلمت ولاهنت
دمت بخير