][ نويت أكتب قصيده ][

[عبدالعزيز الرقابي]

نويت اكتب قصيده من دموع الوقت تكتبني=نويت اكتب معاناتي نويت اذلل الخطوه
نويت انشد عن علومك ولحظاتك تودعني=نويت احرر افكاري ومنطوقك على القوه
ياساكنه وسط اعماقي وعذب القول يراهني=ياأروع من خلق ربي ومرهانك على الخوه
ذبحتي خافقن ملتاع تركتي جرح يقهرني=طويتي صفحة أيامي تركتي ماضي مشوه
ملاك المدرسة والبيت، ملاك الود يذكرني=بظبي يمسك المرسام وحبرن نصه مّوه
ويرسم في الفلا رسمه بمضمونه يعلمني=أطالع بدر متعالي ويرجع ينعكس ضوه
وصرتي غربة اوطاني وغربة روح تطلبني=تركتيني بليد الذات وقلبي يطلبك سلوه
بأول حلم في ليلي اشوفه دوم يطردني=يبيني لو اقرّب لك وحبك غاية منوه
ياليت اقدر اعبر كيف بعض الهم يطعني=تحدى كل احاسيسي واشوفه يسبقه سوه

أخوكم ..
عبدالعزيز الرقابي

[الطائر المهاجر]

صح لسانك وفكرك
جزلة من راس جزل تعودنا منه تجدد الإبداع
لاهان راسك
تحياتي الطيبة

[ابومياس]

عبدالعزيز الرقابي

حياك الله اخوي

قصيدة جميلة المعاني رائعة الاسلوب

جزله من جزل

صح لسانك وعاش راسك لاهنت

دمت بخير وعافيه

[منيع]

الشاعر عبدالعزيز
ابيات رائعه
تستحق الاشاده والاعجاب
دمت مبدعا
تحياتي

[يوسف الشقران]

جزاله وابداع واضح الملامح


لله درك


صح لسانك

[الخنساء]

صح لسانك اخي الشاعر عبدالعزيز

لاهان راسك قصيدة رائعة


ترجمت الاحساس والمعاناة

سلمت وسلم شعرك

دمت بخير

[عبدالعزيز الرقابي]

المشاركة الأصلية كتبت بواسطة الطائر المهاجر

صح لسانك وفكرك
جزلة من راس جزل تعودنا منه تجدد الإبداع
لاهان راسك
تحياتي الطيبة

حياك الله يادكتور عثمان ..
وصحت أبدانك طال عمررك ..
وأنت من أصحاب الأيادي البيضاء عليّ وعلى كثير من الشباب ..
تحياتي الطيبه لشخصك الكريم ..
عبدالعزيز ..

[الريم]

الشاعر القدير/عبدالعزيز الرقابي

صح السانك وصح فكررك
وسلمت يمناك على القصيدة الحلوه

[ابو زياد]

الشاعر عبد العزيز الرقابي
صح لسانك ودام تميزك

[الحــ فهد ــربي]

عبدالعزيز الرقابي .

صح لساانك وسلم بنانك يالغالي ..

أبيات أكثر من روووعهـ ..