اولى مصافحاتي لكم ((اعمـــال الفكر))

[عبدالله سلطان الحريري]

اعملت فكري ورسّخت القناعاتي = على هدى الله وتوفيقه وتيسيره
مايعمر الكون من لا يبني الذاتي = ومافاز من لايحث الركب في سيره
على عجل كلما اسجّل حكاياتي = واحشد عواطف ضميري وافتح السيره
اترك همومي على مفرق مساراتي = فجري مندّى بريحة عبق ازاهيره
وين العصافير في لٌجّة صباحاتي = والصبح معروف من لَجّة عصافيره
قسّمت يومي على خمس الصلاواتي = طبعا صلاتي بدايتها بتكبيـــــره
استعذب الوقت واستضحك فراغاتي = واستملح ايام عمري يالله الخيره
في فسحة الحلم عنوان البداياتي = قبل احفز العقل واجدّد بتفكيره
مناعة الفكر تبغى عزم واثباتي = من وحدة المنطلق وحدة معاييره
من ينشر الوعي يبشر بالنجاحاتي = ويبارك الله في فكره وتنظيره
ومن ينشر الزيغ ولا الانحرفاتي = كيده بنحره – وتدميره بتدبيره
لوتنزف اعقولهم حبر الدعاياتي = يُمحى كتاب المضلل قبل تحبيره
احلامهم عايمه فوق السراباتي = لو هزوا النخل ماجتهم تبــــــــــاشيره
اثر العسل صدق من بطن النحل ياتي = لكن من الحنظله ياصعب تقطيره
نور الضيا ازاح ديجور الجهالاتي = والجهل ماشعشعت ظلمة دياجيره
الاف الاخبار وآلاف الروايـــــــاتي = ماغيّرت من بدا مشروع تغييره
ياللي تريدون – اعاده للصياغاتي = لن تدخلون القلوب ابدون تاشيره
واللي عرفته بروحاتي وجيّاتي = ان ( زامر الحي ماتطرب مزاميره)
مع خاتم الرسل بختام الرسالاتي = كانت تلوح المحجّه بين اساريره
والياحافظنا على خمس الضروراتي = ماينفع الغرب اساطيله واساطيره
من روح الانجاز كوّنت اجتهاداتي = موارد الفكر ماتلغي مصاديره

الشاعر / عبدالله سلطان الحريري

[الطائر المهاجر]

هلا ومرحبا بك اخي الفاضل/عبدالله
في محلك وبين اخوانك وربعك
مصافحة جزلة من راس جزل وشاعر متمكن
صح لسانك وفكرك
ولاهان راسك
حبذا لو تطلع على تعليمات النشر المثبتة في هذا القسم
وفي قسم الإستقبال حيث يشترط الإسم الثلاثي
وروابط نشر قصائدك السابقة سواءا في الإنترنت او الإعلام
المقروء
شكرا لك
تحياتي الطيبة

[الأموره]

اثر العسل صدق من بطن النحـل ياتـي
لكـن مــن الحنظـلـه ياصـعـب تقطـيـره

الحـريري ..~

صح لسـآنك ملايين يخوي ..~

سلمت و سلم فكرك ..~

هطول جميل تبآرك الرحمن ..~

و يآ هلآ بك في الفطآحله ..~

ألف شكر لك ..~

دمت برعآية الخالق ..~

[عبدالله راشد الثويني]

الشاعر / عبدالله سلطان الحريري
صح لسانك وعلا شانك مصافحه رائعه كروعه حضورك
أبيات جزله من شاعر جزل ومتمكن
أتحفتنا واسعدتنا بتواجدك
حياك بين أخوانك وربعك
طامعين با المزيد
أكرر شكري
تقبل وُدي

[ياسر عبدالرحمن الخالدي]

صح لسانك شاعرنا
مبدع

[الطامي]

اعمـلـت فـكـري ورسّـخــت القنـاعـاتـي
عـلـى هـــدى الله وتوفـيـقـه وتيـسـيـره
مايعـمـر الـكـون مــن لا يبـنـي الـذاتــي
ومافـاز مـن لايحـث الركـب فـي سـيـره
"""""""""""""""""""""""""""""" "
الحريري
صح السانك وبنانك اخي
ابيات عن قصيده فكيف بالقصيده ؟؟؟تساوي ذهب لافض فوك
مشاركة طيبة ووافية من وافي
لاهنت وشكرا لك

[منيع]

ماشاء الله عليك وحواليك
ابداع
وجزالة
كل الود والتقدير

[الـزلـزال]

يالـلـي تـريـدون – اعــاده للصياغـاتـي=لـن تدخـلـون القـلـوب ابــدون تاشـيـره
والـلــي عـرفـتـه بـروحـاتـي وجـيّـاتــي=ان ( زامـر الحـي ماتـطـرب مزامـيـره)

عبدالله سلطان الحريري


بدايه قويه ومميزه من شاعر يخبي لنا الأجمل

أبدعت غالينا في بوحك سلمك الله

صح لسانك ملايين ملايين

ومرحبآ بك في بيتك

منتديات الفطاحلة

سعيدين بتواجدك بيننا أخ غالي وعزيز


لك فائق حياتي

[محمد بن عمار]

السلام عليكم ...
الاخ الشاعر / عبد الله الحريري
سلمت وسلم غاليك على التألق
وصح قلبك ونبضك وكلك
تحياتي لشموخك الراقي
محمد بن عمار

[نجم الإبداع]

ارحب ياعبدالله

وصح لسانك على المصافحه الجزله

ابدعت ياشاعر

لاهنت

تقبل مروري

وودي