عبدالرحمن المرخان

[الطائر المهاجر]

عبد الرحمن المرخان ، شاعر متمكن ، زاملته في احد المنتديات الشعرية المشهورة ، فأعجبت بقوة
وسلاسة شعره ...

1- الــــــــــــوصــــــــــــيـ ـــــــــــه

وش اكـتــب ؟ بالـجـريـح الـلــي يـــودع آخـــر ايـامــه ؟
و ش اكتـب ؟بالعـذاب اللـي عصـر عــودي وعيـدانـي ؟
وش اكتـب ؟ بالمشاهـد والصـور والـمـوت وسهـامـه ؟
صـورعـمـري مـــع عـيـالـي وهـــذي صـــورة اخــوانــي
وش اكتب ؟ بالقصيد اللي قضى جرحي على الهامه؟
تـوقــف والـسـوالـف وقـفــت فـــي صـــدري الـحـانــي
وش اكتـب؟ بالشبـاب الــي رحــل ماحـقـق احـلامـه؟
قـصـر حـظـي عــن الـطـولات وضـــاع الـعـمـر مـجـانـي
وش اكـتـب ؟ بالـعـذاب الـمـر وصـبـر ايـــوب والامـــه ؟
علـى اللـي ضـاع مـن عمـري علـى التفريـط بازمـانـي
دمـوعـي تـزدحـم واوجــاع تنـخـر جسـمـي واعـظـامـه
وحـتــى الـمــاء وهـــو بـــارد تــوهــج نــــار بـاغـصـانـي
وش اكـتــب ؟ والـوصـيـه تـعـلـن الـمـشـوار وخـتـامـه؟
ابـكـتـب سـطـرهــا الاول وخــايــف مـالـحــق الـثـانــي
ورقــهــا طــــاح وتـفـتــت وقــامــت تـلــعــب الـقــامــه
تـغـيـر كـــل شـــي بــــي نــقــص وزنــــي ومـيـزانــي
مـاهــو هـــذا انـــا ولا هـــذي الـهـامـه هـــي الـهـامـه
ولا هــذا اللـسـان الـلـي نـطـق هــو نفـسـه لسـانـي
ألا يــاخــوك جـسـمــي طــايـــح ٍ وتـفــتــت حـطــامــه
ووردي جــف فــي غصـنـي ولــف الـصـمـت بسـتـانـي
وبـيـت الشـعـر مــا يـطـرب وصـوتــي ضـاعــت أنـغـامـه
وش اللـي جـاك يابيـت القصيـد ؟ وقـال وش جـانـي ؟
ألا يـــــا حــســـرة الــدفــتــر وحـــبـــر ٍ ودّع أقـــلامـــه
وثـــــوب ٍ مـــــا لـبـسـتــه يـــــوم خـلـيـتــه وخــلانـــي
وشـفـت القـبـر يحـفـرلـي وشـفــت بعـيـنـي الـخـامـه
وقمـت احصـي ذنـوبـي واحـتـرق مــن قـلـة احسـانـي
وانــا الـلـي كـنـت بالمضـمـار احـصـد الـفــوز وارقـامــه
الا واحـــر قـلـبـي كـيــف يــســرج عـقـبــي حـصـانــي
أنـــا مـــن الـيــوم تـايــب والفـطـيـن يـصـحـح اسـلامــه
عـــن الـزلــه بـحــق الله وحــــق الـقـاصــي والــدانــي

2- قدرنا
قدرنا نجتمع في يوم واحد والزمن يسمح
قدرنا نبتعد عن بعضنا ونودع الراحه
قضى التاجر حياته كلها يخسر ولا يربح
ويحلم حلمه الزايف ولا يدري عن ارباحه
حزين القلب لو يغمس بجنه ماعتقد يفرح
ولو يحضر فرح يقلب مكان الفرحه انواحه
وانا كنت احسب ان الوقت بافعاله معي يمزح
ولكن طالت المزحه ووقتي زود امزاحه
ولا فرصه تجي عندي 0 ولا لحظة أمل تسنح
صحاري مجدبه 00 عطشاء00 ولا في دنيتي واحه
وطال الليل واصبح 00 بس ليليى وش عليه أصبح ؟
على صبح احتلال العاصمه بغداد وجراحه
سبب قاتل قتل عشره ومقتوله رفض يصفح
سبب جاهل قطع حبل الرجا بالطير وجناحه
يجول الهم في صدري 00 وجيشه يسرح ويمرح
واشوف الكون مظلم مافرق الطايف عن الباحه
ولا ادري وين انا 00 والذيب مايدري متى يذبح ؟
واشوف الذل بعيوني وشفت الموت ورماحه
وثوب الستر ما يستر00 كثر ماهو بدأ يفضح
وصمتي ذل00 وتفكيري شجاع ٍ يشهر اسلاحه
متى هذا الجبل عن كاهلي 00 عن خافقي ينزح
متى هذا الصبر ياصل فرج ربي ومفتاحه
متى 00ومية متى تاقف دموع ٍ حارقه تسفح
كأنه الدمع في خدي موكل يسقي فلاحه
وانا احلم00 واغلب حلومي سباع بنابها تسطح
مخيفه00 مرعبه00 والصمت يرسل عندي اشباحه
وانا في داخلي مليون هاجس يجمع ويطرح
على شان القهر ماهو عشاني شاعر الساحه
على الميزان كفة حسرتي فوق الفرح ترجح
ثلاث اعوام والرابع شلع في قلبي وشاحه
تفضل يا بعد روحي 00 مادامه يعجبك واجرح
على بحر القوافي شاعرك واسبح به اسباحه

3-بهذه القصيده الوطنيه 00
والتي سبق أن تشرفت بالقائها في احتفال أمارة منطقة الجوف بمناسبة فعاليات المؤتمر الدولي للأرهاب

على موعد 00 معك ياموطني 00 خذها0 مع الفنجال
من اقصى مهجتي والشعر له وزنه ومضمونه
ورغم ظرووفي الصعبه 00وحمل ٍ ماعتقد ينشال
دفنت آخوي 00وجيت لموطني آداووي طعونه
دفنت آخوي ودموعي على خدي كما الهمال
لحد اني غسلته قبل دفّانه يغسلونه
قصيده 00 واسمها عشق الوطن00 واهل الغرام اشكال
أحبه00 واعشقه 00 واكتب قصيدالعشق بعيونه
قصيده 00 لاوربي 00 ذي تشابه مهرة الخيال
تسابقني 00 واسابقها 00 على قافي وقانونه
وعد 00مانزل على الهابط 00ولا اقلط بيوت هزال
و اسوم الغالي00 الطيب 00 واحب اللي يسومونه
على شان الوطن 00حتى القمر يخجل يعود هلال
وحتى الشمس تخجل 00 لو تصبح حي من دونه
واشوف البحر الأحمر يحتضن جده غلا واجلال
وموجات الخليج تغازل الدمام مفتونه
ومن أبها الجنوب وصيفها حتى طريف شمال
تشكل لوحة الدنيا بسحرالشرق وفنونه
ومكه عاد هي أكرم مكان ٍ له تشد رحال
وطيبه 00 يكفي ان ابها أعز عظام مدفونه
وفي قصر اليمامه للعرب ظل 00ولهم مدهال
ومن قصر السلام الحكم بالحنكه يديرونه
اذا بعض العرب كل ٍ على ليلاه بالموال
أنا غنيت في دار الكرم والمجد مصيونه
وطن ياقمة الدنيا وغيرك نازلين سهال
وطن ياجوهره كانت برحم المجد مكنونه
يصد شوي 00 واتبع رغبته 00كني معاه ظلال
ولو غيري يخونه 00 قلت أنا للموت ما خونه
كذا الحب الحقيقي 00 والغلا 00 والا فلا00 يا رجال
غرام ٍ ما نخلق مثله00 ولافوقه 00 ولا دونه
يقولون البشر وتكاثرت في دارنا الأقوال
ومهما قيل 00 أنا ادري00 ذي طباع اللي يحسدونه
يحسدونه على شان الله أكبر من زمان بلال
ولجل المسجد اللي من زمان العود يبنونه
مشاريع ٍ عليها شاهده بارض الحطيم جبال
يهدون الجبل هذاا 00 وذا راحو يشقونه
يما صارت بحول الله 00 جنان الله 00 بوسط رمال
غصب عن كل ملعون الصماخ 00وكل ملعونه
وزمزم من منابعها تقدم للحجيج أشكال
على بسم الله أكبر بارد مبرد يصبونه
ملوك ٍ تحت بيت الله خدم بالحل والترحال
قبل ما يكتسون ثيبابهم بالعيد يكسونه
ولا يصبر 00 ولا يرضى 00 على ظلم الرجل رجال
وجرح القلب ماينزف عبث ياللي تلومونه
ولا يسكت علىالباطل 00 بطل 0 واهل الشمال ابطال
نقول الحق في وجه الرجل والناس يخفونه
وطنا ما نبيعه 00 والوطن ما ينشرى بالمال
ونذكر حالة اللي بايع ٍ موطنه وشلونه
جلس لا حول لا قوه 00مع الصبيان والجهال
يشدون الرسن حول ارقبته ونووب يرخونه
ترك كل الإذاعه 00 واقتنع بالهاتف الجوال
خطير 00الا خطير ٍ عنه جواله يصكوونه
وطنا هو أبونا 00 وامنا 00 واحنا لوطنا عيال
ولا نقبل يفجر فيه وتلحق عرضه مهونه
أنا والله ما لوم الأبعدي كانه غدر واحتال
مادام ابن الوطن خانه وخاوا الي يخونونه
وانا استغرب واتسال 00 وهل عقل عريب الخال
يدس السم لخوانه وربعه وسط ماعونه
متى كانت شريعتنا تجيز المفسد الدجال
وهل يعقل حمام البيت يهان وتسكت لحونه
ألا يا حسرتي وشلون هدو مابنوه أجيال
وساس العز يومنه شمخ راحو يهدونه
علام اللي لبس كل الجداد يدور االأسمال
علام اللي تزوج عاقله يشقى بمجنونه ؟ !
وانا اذكر فيه بالقرآن آيه هي لسان الحال
وكم قريه بنعمة ربهاا والأمن مديونه
وزال الأمن وحل الخوف وطارت ابليس المكيال
وسيل العرم مزقهم ومات الورد بغصونه
يصلون الفرايض 00 مار ما تنهى الصلاه انذال
وصاموا لكن استغرب تقل ماهم يصومونه
متى هذا المرض يبرا ؟ متى هذا البلا ينزال
متى درب الرجيم ابليس واخوانه يخلونه
تنام الفتنه العميا ووقضها كثير اهبال
وكسر مانكسر منها عسى الله يكسر سنونه
ترى الفتنه اذا قامت مشت حفيا بدون نعال
تخش المدرسه والشارع المزحوم وركونه
وتلعب بالملاعب يوم لانصر وفريق هلال
وتتكلم على لسان الملوسن كل ملسونه
فلا يعرف لها مخرج ولا يعرف لها مدخال
تشابه حية ام جنيب تحت الرمل مقرونه
ودارت واستدارت 00 والتوت فوق الحبال حبال
أنا اشهد كل وقت له فراعينه وفرعونه
وشبت نارهاا00 لكن يطفي نارها العقال
قبل يوم يجف الماء ولا به بير يسنونه
قبل يوم ٍ مزلزل ما يخلي فوقها مثقال
ولو تمطر ثلاث سنين مابه زرع يسقونه
صدق من قالها حنا هل العوجا رجال افعال
على شرب المصايب نشرب الفنجال وطعونه
فهد ما قصرت يمناه ولو يبغى الطويله طال
فعل ماهو كلام اللي على الفاضي يصفونه
فهد لولاه من رد الكويت وروحت تختال
كذا 00و هذي سلوم ملوكنا والجار يحمونه
أجل والله فلا يبخل علينا سيدي بالحال
مواعيده من المنشا سحابة عز مضمونه
تبرع للدول في نكبة الطوفان والزلزال
ثلاث اقطار كل ٍ نال من خيره ومليونه
تبرع من حسابه للدول كنه شعيب وسال
أجل وشلون لو شعبه على ما قيل يرجونه
اكيد الا يبي يعطي 00 ويعطي والعطايا جزال
الين البسمه تداعب شفايف كل مغبونه
وعبدالله ابو متعب 00ولوقصرالزمن اوطال
أكيد الايبي يوقف نزيف الجرح وشطونه
عضيد أخوه بالشدات اذا جار الدهر أو مال
ونذكر سطرته لليبي اللي خابت ظنونه
معه سلطان أبو خالد ألا ياحي ذا المقبال
تشوف من الكرم بيديه وحاتم ما يشوفونه
الى جا للكرم طاري 00 طرى سلطان لك بالحال
واذا عدو شداد الباس هو اول من يعدونه
ونايف لا طفح كيل العدو عنده شديد أنكال
نهاره في وجيه اهل البدع يا ما كبره كونه
بفضله كن هذا الأمن نزل فوقنا بسلسال
بحول الله ورحماته وتوفيق الله وعونه
وهذا اللي نهض بالجوف وحارب قصة الاهمال
سمي الفهد ومن مثله على عمه يسمونه
يسمونه فهد بن بدر شبل ٍ من عرين أشبال
وله بالجوف عسكر يحرسون الجوف وشئونه
عوض خير العوض وجنوده اللي باللزوم أبطال
تنام الناس وعيونه سهيره تقل معيونه
وكل الناس يا مير البلد معكم على المنوال
ونور الشمس ما ظن يتغطى لو يغطونه
ولا نشرب كدر دام النهر يجري قراح ازلا ل
والى منه تكدر نحلب الصافي من مزونه
وزبدة هرجنا ما دل لكن الردي وش نال
سحابة صيف ومرت 00 والوطن ما هتزت حصونه

4-
القضيه.. يا هل الأرهاب ... والفكـر السقيـم
كيف تذبح شخص مسلم ؟ كيف تذبـح مسلمـه
ودنا الفتوى تجينا مـن فهيـم .. ومـن عليـم
شاب راسه .. شاب قلبه .. قبل ما يشيب اقلمه
راح عمره ... كل عمره .. بين سين وبين جيم
مادرس علم الشريعـه ... بالزوايـا المظلمـه
النبوه للنبـي أحمـد .. وعيسـى ... والكليـم
والفتاوي للشيوخ .. أهل الرضا ... والمرحمـه
شاربين العلم كلـه ... راسخينـه .. للصميـم
وكل واحد من تقاهم ... خاف لا تـزل اقدمـه
واسألوا راع الغنم بالبر .. وكـم راعـي فهيـم
والله انه يـا المخـرب مـا يحلـل لـك دمـه
يا عديم الشور والمرعى تـرى عشبـه وخيـم
والله انه وسط جوفك نـار .. وطعمـه علقمـه
نارها تاكل خضـار الـزرع وتلعـب بالهشيـم
والثمر يسقط .. ويذوي .. قبل ياتـي موسمـه
وين من يبكي عليكم ؟ ... لارجـال ولا حريـم
والدموع .. بكل عيـن .. وكـل خـد محرمـه
والسياسه عند اهلها .. تضخـع لفكـر العديـم
والقيـاده للقيـادي .. ماتـحـب الشـرذمـه
والوطن ....كله وطنا ... وحـده ذاك الزعيـم
حطم اعظام الحيايا .. وكـل شيطـان ارجمـه
جابها يوم البست له ... جابها الـرب الرحيـم
وحدد حدوده بسيفه ... مـا ستعـان بمرسمـه
والعظيمـه مملكتنـا .. مـا تشـوم الا لعظيـم
ملهمتنـا بالقصايـد ... والمواقـف ملهـمـه
عيب والله ...عار والله .. فعلكـم كلـه ذميـم
كيف عاقـل قـال انـا عاقـل وبيتـه يهدمـه
أي دين؟ واي مذهب .. وأي شرعه يـا لئيـم
تذبـح المسلـم بكـف القـدر وتاكـل بلحمـه
ما عملها غير مفسد ... ما اقترفها... الا رجيم
يعني لو ما قالوا انتم .. .قلـت فعـل مسيلمـه
الثكالـى والأرامـل ... واليتيمـه .. واليتيـم
يلعنون اهل الجرايـم ....والكفـوف المجرمـه
لعنبوكم .. ما اسركم طيبهـا الجـزل.. العميـم
يكرم السامع ... وحتى الكلب تأسـره اشحمـه
تشهد الكعبه عليكم .. والمشاعـر .. والحطيـم
والرياض .. أم الجزيـره كلهـا .. والملحمـه
أمنها غصب ٍ عليكم .... دعوة آبوها ...ابراهيم
ورزقها كلـه علـى الله يـوم بالغيـب اقسمـه
يا وطن يا تاج راسي .. عشت وتبا ً للخصيـم
والله انك كل شعري ُ.. وكـل حـرف ٍ ننظمـه
يا رجال الأمن وانتم .. ذخرها عن كـل ضيـم
جاهزين .. وكل ساعد.. شال سيفـه و علمـه
يا عسى من مات منكـم وسـط جنـات النعيـم
ويجبر الله كل كسـر مـن الكسـور المؤلمـه
يا وطن يسلم جنابك ... من شمالـك للقصيـم
وشرقك وغربـك ونجـدك والجنـوب يسلمـه
يحفظك من كل شر 00 الحافظ 00 البر العليـم
وكل شبـر ٍ يـا وطنـا منـك ربـي يعصمـه
والسماء... لا بد تصفا .. وتنجلي عن كل غيم
وكل من يعبد صنم ُ .. يدخـل جهنـم بصنمـه

5-
أنا كلمـه بـلا معنـى .. أنـا قصـه بـلا عنـوان
أنـا المجنـي عليـه اللـي طلـب يستسمـح الجانـي
أنا لو كنت غصن بسدرة ٍ راحـت خبـر مـع كـان
تمـوت أغصانهـا الحيـه بسبـة موتـة اغصانـي
ولو قالو تـرى الليلـه يمـوت مـن البـلاد انسـان
أقـول أكيـد انـا الميـت ولا بـه واحـد ٍ ثـانـي
ألا يا مكثـر الضيقـه00 وجـرح القلـب والنكـران
تمـر الثانيـه مثـل الشهـر مـن شـدة أحـزانـي
أحاكي ؟ من يحاكيني 00 ورحـت أحاكـي الجـدران
أصافـح ؟ مـن يصافحنـي ؟ بيـده غيـر جدرانـي
أطارد بالسراب اللـي ضحـك بالضامـي العطشـان
وجايـع واعلـك دمـوع الشقـى والهـم باسنـانـي

انا مـن لـي ؟

ووين اروح ؟00



انا من لي ؟ ووين اروح ؟00 ونصف المجتمع زعلان
ظـلام ٍ فـي ظـلام ٍ فـي ظـلام ٍ وسـط وجدانـي
وحبـل المشنقـه مـن حـول عنقـي لفـه السجـان
ألا يـا حسرتـي مـن سجنـي الظالـم وسجـاااانـي
قصيدة عمـري الضايـع00 ثمنهـا قلبـي الحيـران
نقص عمري 00 نقص قلبي 00 نقصي وزني وميزاني
ألا يا حسرة اللـي كـان شاطـر واصبـح الغلطـان
وكل حصان له كبوة جواد00 الا انـت يـا حصانـي


تـعــالــي

تعالـي ىىىى

تعالي يـا دموعـي واعملـي فـي مدمعـي غـدران
مـا دام انـي وحيـد ٍ يـا دموعـي انتـم اخـوانـي
متى نايف يبي يسمع ؟ متـى يعطـف علـى راكـان
قبـل يشمـت باخوهـم قاصـي العربـان والـدانـي
أناديهـم بكلماتـي .. واخـاطـب ودهــم بلـسـان
وانا خايـف يجينـي يـوم واخسـر قلبـي ولسانـي
علام الكون في وجهـي ظـلام 00 وسكـر البيبـان
عـلام الـورد ينبـت بالحجـر ويعـاف بستـانـي
علام الناس ما ترحم 00؟ وتنظرنـي بعيـن احسـان
عـلام اللـي تذكرتـه دهـر فـي يــوم ينسـانـي
علام اللي عطيتـه كـل مـا ملـك باعنـي مجـان ؟
عـلام اللـي عطيتـه كـل عقلـي يعشـق جنـانـي
عـلام اللـي بنيتـه بالقصيـد يهدنـي يـا خـوان ؟
عـلام اللـي رسمتـه بـدر يرجـع يكسـر ألوانـي
حرام اللـي تسوونـه 00 حـرام الصـد والهجـران
تـرى والله حـرام آمـوت حـرام آمـوت بالحانـي
حـرام قلوبنـا البيضـاء يكـدر صفوهـا شيـطـان
حـرام آعيـش بالوحـده قهـر وامـوت وحـدانـي

6-
أحـبـك 00 كلـمـة العـشـاق ونـجـمـة لـيـلـي الـحـالـك
أحبـك 00 كلـمـه أجـمـل مــا خـلـق ربــي بالاقـوالـي
أحـبـك 00 يــوم تنطـقـهـا جـمـيـع الـقـلـب يفـضـالـك
فديـتـك يــا بـعــد جـــدي وابـــوي وعـمــي وخـالــي
وانــا لا قـلـت أحـبـك00 قلتـهـا لــك وحــدك لحـالـك
وانــــا كــلــي أمــــل لا قـلـتـهـا تـقـصـدنـي لـحـالــي
احبـك 00 يعنـي أحبـك 00واحـب امــوت واحيـالـك
وابـيــك تـمــوت فـــي حـبــي وتعشـقـنـي وتحـيـالـي
أحبـك00 يعنـي انـي صـرت مـن دمـك ومـن حالـك
ومن جسمك00ومن روحك 00وظلك يعشق ظلالي
أحـبـك00 رسـمـة الطـفـل الصغـيـر بريـشـة آمـالـك
أحـبـك سـحـرك الطـاغـي وقـصـة قـصـري العـالـي
أحـبــك : يـعـنـي ان الـشـعـر غـــرد لـــك وغـنـالــك
تفـضـل00 قـولـهـا مـــره ومـــره يـــا بـعــد حـالــي
أحبـك موطنـي واعشـق سهـولـك واحـضـن جبـالـك
أحـبـك يعـنـي أغـمــض واشـووفــك تـاقــف قـبـالـي
أحـبـك يــا قـمـر كـلــك 00وامـــوت بـهـلـة هـلالــك
وانا نصراوي الملعب 00 وصـرت لعينـك هلالـي!
قصـيـدة حـبــي الـعــذري عـلــى نـــارك وزلـزالــك
(قصيدة قلب ) 00 لو ينبض بصدرك تفهـم أحوالـي
تـفـضـل قـولـهـا مـنـشـان احـــط الـمـوكــب قـبـالــك
وابـيـك تقولـهـا بشـويـش مـــن تـالــي ومـــن تـالــي
تـفـضـل قـولـهـا بـالـهـون 0حــبــه حــبــه اشــوالــك
تفـضـل يــا بـعـد روحــي وفـمـي 00 فـمـك الحـالـي
أحـبـك00 قـولـهـا بـــاول كـلامــك وآخـــر أقـوالــك
وانـــا لـــك مـنــي أنطـقـهـا واكـيــد قـلــوب عــذالــي
طلبتـك 00 قـل طلبتـك ؟ والله ان الـلـي تـبـي جـالـك
بعـد عمـري وتستاهـل00 اجــل كــم عنـدنـا غـالـي؟
حـبـيـبــي لــــــو تـعـذبــنــي وتـقـتـلـنــي بـغـربــالــك
تــصــدق كـلـمــة أحــبــك تـنـســي كــــل غـربـالــي
أحـبــك لــــو تـطـوقـنـي وتـخـنــق عـنـقــي حـبـالــك
وحتـى لـو شكـى قلبـي 00 لاقـول ابعـد وانــا مـالـي
تفضـل خــذ نـظـر عيني00ومعـهـا العـيـن كرمـالـك
مــادام ان الـوفـاء طبـعـي وبـــذل الـــروح يـحـلالـي
أحـبـك واتـقـي مــن شـمـس حـبـك وازبــن ظـلالــك
واروح لكـل منفـى 00 وانـت منفـى عمـري الخالـي
هـنـيـي 00لا وربـــي !! انــــت والله يــــا هـنـيـالـك
قـــدرت بكـلـمـة أحـبــك تـجـيـب أقـصــاي وهـبـالـي

7-
وصلت الموت
أنـا قلبـي رقيـق وعبرتـي لاتفـه سبـب تهمِـل
عرفت الشيب قبـل الشيـب مايطلـع علـى جيلـي

أنـا ماحسـب بعـض خلـق الله بنظراتهـا تقتـل
لمـا صـرت القتيـل وقاتلـي ماهـوب ياويـلـي

قتلني بالرموش اللـي لهـا مـن فـوق خـده ظـل
وانا المعجب ...اجل لو كنت مبغض وش يسويلي ؟ !!

انا ماشفـت سيـف ٍ يقتـل العاشـق وهـو ماسـل
مثل سيـف ٍ قتلنـي بـه ورمـح ٍ هـد بـه حيلـي

ملكنـي بـأي لحظـه بالزمـن طيفـه علـي يطـل
يخيلـي واخـاف اختـل مـن كـثـرة تخاييـلـي

وخيلـي مـن مجـرد ظلهـا عنـد اللقـا تجـفـل
انا مادمت مستسلم ..وش اتعب لـه ظهـر خيلـي ؟

هني اللـي وحيـد ٍ خالـي ٍ مالـه خـوي أو خٍـل
ينـام الليـل مايسهـر ولا يـاصـل مواصيـلـي

وصلت الموت حتى انه معـي يرحـل ولـي ينـزل
وخاوانـي وخاويـتـه ومـالـح بـنـي وهيـلـي

يقولـون المـلا مسـرور ..وليلـي ياسميـن وفـل
وانـا ادري والله اعلـم بـي ويـدري وش تعاليلـي

تعاليلـي ظـلام طـال00 ودمـع ٍ مقفـي مقـبِـل
يمـر الشهـر والشهريـن مالمـح نجمـه بليـلـي

كانـي تايـه ٍ فــي مجـرهـد بالـخـلا مــادل
تمـر اعلامهـا المتشابـهـه وتــروح وتجيـلـي

شقي ٍ للشقا مخلوق 00 وقـاع ٍٍ مـن خلـق ممحـل
سمع بالما ولا يدري هـو اسـود لونـه او نيلـي ؟

8-
يابنت انا مستعد امـوووت مـن شانـك
مجنوون00وعاشق ويمكن جـد اسويهـا
يمكـن بموتـي يشـع النـور باركانـك
شمعـه وفيـه ولـو تزعجـك اطفيهـا
قالو شهر بس00 وتخمـد نـار بركانـك
وسنيـن مـرت وبركـانـي يناديـهـا
والكذبـه اللـي ذكرتيهـا علـى لسانـك
اقـول نيـسـان وكذبـاتـه نمشيـهـا
ليتك حمامه00 وانـا باصيـر جنحانـك
ليتك عيوني00 وانا اكوون النظـر فيهـا
نفسـي اقطـع00 وابعثـر ورد بستانـك
وتموت بيدي ظمـا00 وبدمعـي اسقيهـا
ماني بعقلي00 اكيـد العقـل باحضانـك
ماني بوعيي00 وكـل جنونـي اخفيهـا
حبي لك اتجاوزك00 واتجـاوز اخوانـك
مادري وش اعمل ؟ وكيف النفس اسليها ؟
يابنت انا اغليك00 يلعـن جـد شيطانـك
حتـى القوافـي علـى شانـك معنيـهـا
اموت00 وانجن00 واعشق لون فستانـك
واقـول فـي داخلـي وشلـون احييهـا
يا الشاعـر الغـادي الله يقطـع لسانـك
وشلون شعرك يقصر عـن معانيهـا ؟ !

9-
على كثر القصيد اللـي بقلبـي مـا قـدرت أكتـب
أبي كلمـه قبـل مـا تـروي الضميـان تروينـى
جلست البارح أكتب لك جديـدي واكتبـك واشطـب
يخيلـي خيالـك واشعـر انـك بيـنـي وبيـنـي
تعلقتي بشرياني 00 وكنـت آكـل معـك واشـرب
واشوفك من خلال الروح00 مهما غمضـت عينـي
ومهمـا يبتعـد طيفـك أشووفـك بالوجـود أقـرب
صحيـح ان الزمـان يـروح لكـن يرجـع يجينـي
ولا أكثر مني بكل البشـر فـي حضرتـك معجـب
ولا أكثر من عطاي ومـا رجيتـك يـوم تعطينـي
وانا المهزوم قدامك 00 شجاع ومـا طمعـت أغلـب
لويت ذراعـي لجـل انـك بكـل غـرور تلوينـي
عملت لحضرتك شاعر00 وصرت العاشق المطـرب
ولا باقـي لـي الا عزتـي وشـوي مـن ديـنـي
تبيـن اجاوبـك وشلـون حبيتـك بــلا مكـسـب
أحبك مـن خفوقـي ومـن يدينـي ومـن شرايينـي
تبين أكثر بعد أعشـق شروقـك واعشـق المغـرب
واحـب الوجهـه اللـي تاتـي بشوفـك وتاتيـنـي
تبين أكثر بعد ؟ عنـدي طلـب قولـي تمـن أطلـب
أبيـك تصدقيـن انـي هويـت بكـل مـا فيـنـي
ولا عمري رجيت مـن القصيـد المنقهـر منصـب
ولا عمري بكيـت الشعـر 00هـو اللـي يبكينـي
ولا عمري ضحكـت الا لقيـت بضحكتـي مقلـب
وانـا قـدام عينـك بــس لا يمـكـن تلاقيـنـي
شموخ الرجل بعض ايحان يـرث ضيقـة المذهـب
ولوحـة رسمتـي ضاقـت وملـت مـن تلاوينـي
مجاعة شعب في قلبي00 وخصله من خصال أشعـب
طلبتـك مثـل ماخذتـي جريـح القلـب هاتيـنـي
تبين أكثر بعـد ؟ قلبـي يحبـك يـا حياتـي حـب
ولا عنـدي أمـل واحــد ولا لحـظـه تحبيـنـى
واشوف الغلطه بعيني واشوف أكبر خطا 00ما غضب
ولا عنـدي طمـوح انـك تواسنـي وترضيـنـى
وكلمة مرحبـا مـن مبسمـك مـا مثلهـا مرحـب
وكيـف الحـال تملـى وحشتـي وتزيـد بسنينـى
ولا أجمل من ذنوب العاشـق اللـي سمـي المذنـب
وألـذ مـن الخطـأ والذنـب طيبـك يـوم تعفينـى
وانا أصلا ما لعب بقلبك 00 ولاعمري عرفت ألعـب
أنـا كلمـه تجيـب أقصـاي وتذبحنـي وترمينـى
واجيك من الوله ظامـي واطيـح بثغـرك الأعـذب
ولا أجمل من ظمـاي ان كـان تروينـى وتسقينـى

10-
أبيك تموت في حبـي / وتعشقنـي انـا لا غيـرمابيك تموت مع غيري / وانـا بامـوت بسبابـك

تعلم كيف توفـي لـي وتدعـي للوصـل بالخيـروابيـك تقـول للبيـن الطويـل المـوت لغرابـك

لك ذنوب (ن) كبيره مالهـا عفـو(ن) ولا تكفيـرولك قلب ٍ حديـدي مايعبـر لـي عـن اعجابـك

ولك دمع(ن) جمد له مدة (ن) ماسال مهما يصيـرعسى ماموت قبل الدمـع ماشوفـه علـى اهدابـك

هجرت وشفتك تصـور جهنـم بالجفـا تصويـروشفت ايامك السـوداء تكشـر لـي عـن انيابـك

وشفتك حاضر(ن) بس اعتراك الزيـف والتغييـرتصور ما بقت لك صورة (ن) تستاهل القابـك !!

تموت الخيل بايامك وقوف (ن) ما تعـرف تغيـرعلى العدوان 00 وتتركها تصبح ديرة احبابـك !!

تواضع للثرى والما 00 تذكر تربتك 00 يا طير ؟؟ترى نجوم السمـا ماتنفعـك لـو تهجـر ترابـك

نسيت الما ولك بالما خيال (ن) مـا محـاه البيـرمردك لي وله ونقول يـوم تـرد وش جابـك ؟؟

نسيت جروحك اللي مالهـا عـذر (ن) ولا تبريـرنسيت وما نسى العصفور حـر جـروح مخلابـك

نسى الصافع وللمصفوع خـد (ن) شغلـه التذكيـرينام الليـل ويسـري بـه حديـث الثـار لعتابـك

خضبت الكف من دم الخفـوق اللـي وراك يسيـرظلوم(ن) ما تفرق بيـن دم القلـب وخضابـك !!

11-
يا ظمى قلبي ظماته .. وانت والله يـا ظمـاك
يا بعد عمري وروحي يا عسانـي مـا عدمـك
قالوا أعطيتك حياتي .. قلت انا ربـي عطـاك
قلـت هوجانـي وقالـوا انـت جيتـه بقدمـك
والنظـر 6 علـى 6 وغافـل عـن خـطـاك
ما عظمك يا قلبي العاشق بحبك ..ما عظمـك !
وارفضك واقول انا لك .. واتركك وامشي معاك
كيف في نفس المكان أعطيك حبي واحرمـك !
وين تهرب من هنا والشوق سـدرة منتهـاك ؟!
يا ولد نوح.. الجبل من موج حبك ما عصمك !
يمشي بكل الخلايا وكـل عـرق ٍ بـي غـلاك
والله اني كل ماجيـت ارسـم الـورد أرسمـك
يسعد الله لي صباحك .. يسعد الله لـي مسـاك
كيف وانت اللـي تعذبنـي أحبـك وارحمـك !
ما كتبت اجمل قصيدة حـب تستاهـل هـواك
والله ان الشعـر كلـه لـو نظمتـه يظلـمـك
خايف أكتب لك قصيـده مـا تليـق مستـواك
والقصايد يـا غباهـا !! مـا تحـاول تفهمـك
ودي اكتب لك قصيدة حب مـن جنـة سنـاك
واعزم نجوم السماء وسهيـل معهـا واعزمـك
وادري اني في خيالك نجم ساطع فـي سمـاك
وادري انـي أمنياتـك كلهـا ..وكـل ْ ندمـك
واسألك وتقول مدري !! يا عسى ربـي يهـداك
كيف تقـدر تنكـر وحبـي بدمـك ولحمـك ؟
كيف أبنهي شوق قلبي وتونـي فـي مبتـداك ؟
كيف أبرحل والمشاعر تحتفـل فـي مقدمـك ؟
كل مافيني تولـع فيـك.. وضمـك واحتـواك
بين روحي وبيـن قلبـي والله انـي لاقسمـك
لعنبو من قال ما حبك00 وحاشك00 واشتـراك
آه يا محـلا أحبـك يـوم تطلـع مـن فمـك
وضحكتك سحر ٍ حقيقـي ماهـي بهـذي وذاك
يا عسى ضحكة سنونك مـا تفـارق مبسمـك
يا هلا بالبرد كـان البـرد يدفـأ مـن دفـاك
يا هلا بالصمت دامـه يـوم أضمـك يلجمـك
يا هلا بالجـرح دام الجـرح يبـرأ مـن دواك
يا هلا بالمسك أحـب المسـك كانـه يختمـك
يا هلا بالساعه اللي جابتـك يـا جمـل مـلاك
يا هلا في عطرك الغالـي وساعـة معصمـك

12-
غروب الشمس ومشرقها صراع الكذب والتصديـق
تغيب هناك 00وحنـا نحتفـل بقـدوم مشرقهـا !
أجل مافي لقاء وفراق 00كـل السالفـه تلفيـق !!
ولا يوجد ذهب خالـص 00ولا ماسـه ورونقهـا
حرام ان الكفوف الطاهـرات تمـارس التصفيـق
حرام أقلامنا صنع العجـم00 والشـرق يخنقهـا !
نبذنـا فكـرة الـرق القديمـه وانتفـى التطبيـق
تمـوت الفكـره الحـره حزينـه قبـل ننطقهـا !
نلف الحكمه بثوب الحياء 00ونخاصـم الأغريـق
وبنـت اشفاهنـا بحبـال بنـت ابليـس نشنقهـا
متى طير السعد يكفخ 00 ويملى جونـا تحليـق ؟
متى عكـف المخالـب تجهـر بتسبيـح خالقهـا ؟
أحب الراس شامخ فوق 00واكره منطـق التدنيـق
أحـب أسابـق آمالـي 00وتسبقنـي (أو) أسبقهـا
تمووت أحلامـي بقلبـي 00بالجملـه وبالتفريـق
واقول الكذبه البيضاء 00وانا اول من يصدقهـا !
خسرت أجمل فرص عمري 00وضقت بقلة التوفيق
هي السبه هـي اللعنـه 00عسـى الله لا يوفقهـا
ومات الشوووق في قلبي 00 وضاعت لهفة التشويق
ونفس اليائـس المحـروم مـن يقـدر يشوقهـا ؟
صنعت من الشعر كاسي 0ومن قافي خلقت ابريـق
تزوجت القوافي وقال أبوهـا اصحـى تطلقهـا ؟
وانا وشلون أطلق عمري الثاني وانا مـا طيـق ؟
أموت الفيـن موتـه لـو قـدر غيـري يعانقهـا
وانا وشلون أبشرب ذكرها 00 واسكر00 ويوم أفيق
الاقي خصرهـا ذكـرى 00ويـدي مـا تطوقهـا

13-
عيب ٍ علـى الرجـال ياقـف محايـد
يا حيـا حيـاة العـز والا بالامـوات
لا صـار مانبقـى حديـث الجـرايـد
لا بـارك الله بالقصايـد والابـيـات
مـا يرتفـع راس طمـن بالقصـايـد
مهما بدت بعيـون الاشهـاد جـزلات
نلبس صبـاح العيـد كـل الجديـدات
وجروحنا وسـط الضمايـر جديـدات
مسكين ياللـي مـا لقـى مـن يعايـد
العـيـد راح ومـاوتـوه القـرابـات
تنـسـج ثيـابـي ســواد المكـايـد
ويفتل عقالي من خيـوط ٍ رخيصـات
الـدار جنـب الـدار مامـن بعـايـد
ميـر المصيبـه بالقلـوب البعـيـدات
صلـو وصامـو وآمنـو بالعـوايـد
اسلام ويعبد بالخفـا اللـد والـلات !!
وشلـون نفـرح بالمـزون الرعايـد ؟
تغرف بحرنا وتسكب الما على ايلات !!
يقطعـك ديـره مـا تعـد الوكـايـد
وما تامن بقدر الرجل غيـر لا مـات
وين انت غـادي يـا عريـق البدايـد
ماهو جواد اللـي كبـا عشـر كبـوات
حنا علـى كسـب الثنـاء مـا نزايـد
معـدن نفيـس ومـا تردّيـه الافـات
ما الناس مثل.. الناس والطبـع سايـد
وحتـى المهـار اليعربيـه ســلالات
آخر زمـن ! الناقـص يصيـر زايـد
ونـادن حريـم افريقيـا بالمـسـاوات
الجنـدي المجهـول مـاطـال فـايـد
كذبـه حقيـره مـن كبـار القيـادات

14-
ابن منقاش

الشيخ ابـن منقـاش صـاد ألاأباشـي
بالبنـدق اللـي عـن ثمانيـن رشـاش
ما قـال أبرقد0واهتنـي فـي فراشـي
===قام ودفع رووحه على جيشهم كاش
هاشـو عليهـم مبعـديـن الهـواشـي
واطيبهم اللي بالوغـى طـاح منـداش
اثري جنوود بليـر وبوشـه ولا شـي
تفرقـو مـا بيـن غـادي ومنحـاش
وين انت يا تايه عن الشـور ماشـي ؟
أغواك شيطانك على الحـرب ببـلاش
البوش الاصغـر راح دمـه طشاشـي
وادارتـه مابيـن خايـن وغـشـاش
وصقـور حربـه بيّتـو بالعشـاشـي
وسحم الضواري بالنجف صارت أوباش
اهـل العـزووم الخايـرات الهشاشـي
رجالهم لو يركب الريـح مـا مانـاش
النـازي ابـن النازيـه علـج فاشـي
اللاش يا بن اللاش يـا ترثـة الـلاش

15-
جيت أسافر لك وكـل الشـوق فـي قلبـي تولّـم
جيت أقيم 00 وصار قلبـي كلـه لقلبـك مدينـه
قلـت أبخفـي عنـك حبـي لكـن الخفّـاق علّـم
والنظر ترجم غموض الشوق وروّى مـن معينـه
فز قلبـي مـن محلـه 00 كنـه بشوفـك معلّـم
فـزة الحـر ويمينـي كنـهـا مــدة يميـنـه
ما تكلم لـك لسانـي 00 يـوم كلـي لـك تكلـمّ
قلت أبي كل شي 00 وما اذكر قلت أبي ٍ شي ٍ بعينه
يا سـلام الله علـى كـف ٍ مسـك كفـك وسلّـم
يسعـد الله كـل لحظـات اللقـاء بينـي وبيـنـه
واجتمع فينـي صـراخ الطفـل وتعبيـري تبلـمّ
ضاعت حروف القصايد والحكـي زينـه وشينـه
أنشدك يا بنت عن مظلـوم مـا عمـره تظلـمّ ؟
اسألـك بالله عـن ديـان يخجـل مـن مدينـه؟
ما شعرت بكل جـرح ٍ كـان فـي بعـدك تألّـم
السعـاده سحرهـا يقلـب نبـات الشـوك تينـه
كان ياما كان واحـد 00كافـر ٍ بالحـب واسلـم
واسلمت له بنت أبوهـا وصـارت يديهـا يدينـه
وانت يا شيطان شعري يا ونيـس الليـل الأظلـم
حول الصحراء بحر واشعـاري شـراع السفينـه

16- البرد والنار
يقول العاشق اللي فـي بحـور الحـب مـا يقهـر
قهرني صوتها الساحـر 00وذوب قلبـي اسكاتـه
أجل وشلوون00لو شفت العيون السوود والمنحر ؟؟
شبيهـه بالقمـر 00والريـم تشبـه كـل لمحاتـه
وتشبـه بالبحـر حوريتـه 00والجازيـه بالبـر
ومن طير الهدد00نظراتها 00هي نفـس نظراتـه
ومن كل الجمال أعطاااه 00ومن كل ابيض ٍ واشقر
ومن كل الوروود اللـي خلقهـا 00كـون اشفاتـه
وحتى المووت 00منه اعطااه أشد أنواعه الأحمـر
ألا سبحان مـن بانسـان واحـد 00جمـع آياتـه
جمع بين البرد والنار 00ثغـر ٍ باسـم ٍ ٍ يسحـر
فلا هـذا يـذوب 00وذاك مـا فـرط بجمراتـه
وراع الحب 00 لو عقله يزن دوله يصير أصغـر
يتيـه بعالمـه مـا ينفعـه عقـلـه وخبـراتـه
يضيق الكون بعيونه 00ويصغـر مـره ويكبـر
لأن الحب سهـل ٍ 00ممتنـع مـن فـوق قدراتـه
من مغيب الشمس حتى عموود الصبح لـه يظهـر
وهو سهران 00شـاف الحـي والميـت بسجاتـه
وابوه اللي توفى لـه زمـان ٍ قـال : شفتـه مـر
وغاب بعالـم البـرزخ وشاهـد قسـوة اعصاتـه
وشاف من القهر صورة نكير 00وصاحبه منكـر
وجاوبهم 00وشاف أجره وعرضت لـه خطياتـه
وكل ٍ له خطاأ مغفووور 000غير الحب 00ما يغفر
وكل شي له دواء 00غير الهوى تصعب مداواتـه
فلا تغتـر بالحيييـن ؟دام اللـي يمـووت أكثـر
قبل ما تنخدع بالحي 00خذ جولـه علـى أمواتـه
وهذا القلب 00ما يعرف حـدود ٍ بالهـوى تذكـر
يحب الجاريه 00واحيان يجـري خلـف مولاتـه

17-
البيت الأول طبعا بيت للأمير الشاعر الساامر وباقي القصيده كانت مشاركه لي لم اوفق بأيصالها للجنة المسابقه ولكن ما يهم هو رغبتي بعدم جعل هذه القصيده حبيسة الأوراق 00فأحببت نشرها قبل رمضان الكريم وعلى قولة اخوي محمد العمري قبل ان تصفد الشياطين000 [/c]


تنثر شتاتي بـروس الرمـش وآلمـهعلى مطاف العيون أحرمت بحرامـي
وسعيت بين الوروود اللي علـى فمّـهخلفي حياتي00 وشفت المـوت قدامـي
يخمني من هدبهـا الشـووق وآخمـهشبيهة الريـم وثغـر الفاتنـه شامـي
يا خال شعري 00 واخوه 0وجده وعمهتعال وارسـم وجسّـد قصـة الهامـي
يا مير وهرجك ذهب والهـرج بمتمّـهيا قامة العز 00 ونعم المنسب السامـي
خل السهل للسهل واصعد علـى القمّـهواشرب من الغيم دام انك معي ظامـي
ما تشبع العين من شوفه ومـن ضمّـهما ترتوي من جمال الجـادل أنغامـي
كلما ابتعـد ردنـي قلـب العنـا يمّـهيسوقنـي داعـي الهوجـاس باقدامـي
وامشي على رغبته واهتم مـن همّـهداويت جرحه 00 وجرحي بالحشا دامي
يسري بدمي غرامه 00 لعنبو دمـه !!واحلم بشوفه 00 وكنه سيّـد أحلامـي

18-
أنا عمري زمان الوصل ناقـص يـوم هجرانـه
وضاع العمر وضيعت الحقيقه بين ذيـك وذيـك
ثلاث امية سنه مـرن علـي أستجـدي أحسانـه
على باب الله المعطي عسى رب السماء يعطيـك
وطوقنـي بهجـره لـي وعذبـنـي بنكـرانـه
واخيرا جاني براي المثل من لا يعرفك يشويـك
يشردنـي وسـط قلبـه 00 وينفينـي لنسيانـه
وانا واثق ثقه تاصـل لحـد الكـذب والتشكيـك
عدوي يعتدي وافـرش ورود بـدرب عدوانـه
صديقي واقبل آبيعه مقابل ما رخـص بالشيـك
يغيب الحلم ويلجـأ الحاكـم الجاهـل لعصيانـه
ويطغى منطق القـوه علـى التفكيـر والتكتيـك
وانا مثلي مثـل ذاك الغريـر بزحمـة أقرانـه
أحب اللعبه الأجمل 00 كـذا غريـزة التمليـك
وانا مثلي مثل قصـر الملـك تحميـه جدرانـه
خساره كان ما تعرف متى غدر الزمن ياتيـك ؟
أحب الورد مـن حبـي لخـد الـورد وافنانـه
جنيتك يا زهر بس للأسف مدري وليه أجنيك ؟ !

19- الموكب السامي


20-
يـا صاحبـي خـلـك عـلـى الـبـال تـذكـار
لا تـحـتـريـنــي يـالـغــضــي بــالــزيـــاره
الـمـاضــي الـغـابــر رثـيـتــه بـالاشـعــار
مـثـل الفقـيـد الـلــي وفـاتــه خـســاره
عهـدٍ سلـف لـو هـو عبـر كــل الاقـطـاار
مــا ظـنـي اركــب فــي كبـايـن قـطـاره
هـذي هـي الدنيـا لـهـا احــوال واطــوار
كــم قـريـةٍ قـامــت علـيـهـا حـضــاااااره
رمـــاد قـلـبـي مـــا لقـيـنـا بــــه الــنــار
هيهـااااااات يولـد فـي رمـادي شــراره؟
انـا سجيـن00 وسجنـي الحالـي الـدار
واتعس سجين ٍ مـن سجـن وسـط داره
عيبي اشـاور00 واضحـك بكـل الاشـوار
نااااشف دماغي 00 ما قبلت استشاره
مـدري متـى يستوعـب النافـع الضـار ؟
مدري متى يعطف علـى الجـار جـاره ؟
مدري متى ندخل مـع صفـوف الابـرار ؟
مــدري مـتـى ليـلـي يسـامـح نـهــاره؟
مدري متى نستوعب دروس الاشـرار ؟
والـدرس واضـح مـا يبـي لـه شطـاااااره
جرحي عميق وقص عظمي بمنشـاااار
ودمـعــي سـريــع بطلـعـتـه وانــحــداره
يــا قـصــة الـعـاجـز مـــع الـنــار والـغــار
يـا رحلـة المجهـووول وكسسـرة قـراره
يـا طيحتـي 00طيحـة هـل العـز والكـار
يــا رجعـتـي للخـلـف عـقــب الـصــداره
يانـاس كـيـف مشـتـت الفـكـر يخـتـار ؟
وصـلـيـت انـــا مـيــة صـــلاة اسـتـخـاره

21-
سر الجماااااال

يا بنت خلي منطق الهجران00 يابنت اعقلـي
طابت جروحك كلها 00وجروح قلبي مطولـه

تزعلي بس طالبك بعد الصدود ارضي علـي
بالصدر لك رعشة خفوق00 وبالنظر دمعة وله

قلبي شفوق ٍ بك وقلبك من شقى حبـي خلـي
واحلم بشوفك وانتبه واشوف بالنـوم ازولـه

يا شغلي الشاغل هنيك يوم صرتـي شاغلـي
يفز لك قلبي وترجـف فيـه دحـات ارولـه

تزيني وتجملي 00 يا حظهـا عقـود الحلـي
والخاتم اللي باصبعك 00شغله يناظر مجولـه

دام الزعل في شفتك سـر الجمـال اتزعلـي
حالف لا جيلك مثل ماجـو للسـلام بهرولـه

خدك يقـول لدمعتـك لا تجرحينـي حولـي
ونظرة عيوني طالعه فـي قامتـك ومحولـه

ولسانك ان بل الشفايف ذيـك ساعـة مقتلـي
الكـل منهـم راعـي البيضـا وراع الاولـه

الصدر مابين الصغر والكبر وبيـن الممتلـي
وانا عجولٍ ماخـذ امعاملتـي غيـر امناولـه

ان كان ودك تقتلين ؟ مسامحك اقضـي علـي
عندك صلاحية ملك 00باللـي تبيـن مخولـه

اتصدقين انك هلي ؟ لا وش لي بسيرة هلي ؟
انتي نهاية عمـري الباقـي ونصـه واولـه

اتصدقين انك هلي ؟ لا وش لي بسيرة هلي ؟
انتي نهاية عمري يا عمـري ونصـه واولـه

22-
شمعة حياتي


يا غربتي 00 بين القرايـب والاحبـابيا رحلتي 00 مالـك حـدوود وبدايـه
يا دمعتـي00 توقفـي عنـد الأجنـابلا يعـرفـون ان البـدايـه نـهـايـه
يا قصتي 00ما يجمعـك ميـة كتـابيا صرختي 00 صرتي لحلقـي هوايـه
مسكين صبري 00ما فتح له ولا بـابيا ويـن كفـي؟؟ يـوم ظلـم سمايـه
قلبي طفل محروووم 00ما شاف الالعابوروحي يتيمـه وسـط دوور الرعايـه
وسعدون يبكي في عيوني على حجـابوبنغمتي عازف طوى الصمـت نايـه
وبكل شبر ٍ في ضميري غـرز نـابومع كل لحظـه فـي حياتـي روايـه
شمعة حياتـي طـا فيـه نورهـا ذابوليلـي ونهـاري مثـل لـون العبايـه
وش عاد يعمل مثلـي بكـل الاعجـابوالشعر جرحـي 00والقصايـد مرايـه

23-
والله ان الـمـوت رحـمـه للقـلـوب الميّـتـهيوم (حـي القلـب ) عاجـز مـن حياتـه يستفيـد
دام سيدنـا يحاسـبـه الـزمـن عــن سيّـتـهوالله ان أسيادنا أتعـس حـال مـن حـال العبيـد
صاب قلبي 00صـاب عينـي 00طعنتيـن مبيّتـهمن قديم ومن جديد00 ومـن قريـب ومـن بعيـد
مشغـل ٍ فكـري بروحـات الحبـيـب وجيّـتـهلو يغيب اسبووع ويحضر لي 00حضووره يوم عيد
صوبتني بالهوى00( ملعـوون ) 00منهـي بنيّتـهما وعيت الا وانـا 00يضحـك علـي عبدالمجيـد
يوم شفت ( 00000) قلت اشلون تطلـع خيّتـه ؟؟ويوم شفت الموووت 00قلت الله يجيب أجر الشهيـد
مـا يـدور بعقلـي غيـر الحـب وقصـة كيّتـهأيه أريدك 00لا وكل شـي فينـي يبغـاك ويريـد
مـا يذكرنـي البيـاض 00ألا بخفووقـي ونيّتـهوالثنايـا 00لا حـرام تشابـه العـقـد الفـريـد
كنت أنـا الظامـي وعيـا الحـظ يعطـي ميّتـهيا ردي الحظ عـد (للجـرد ) وشلـك بالجديـد ؟
الغـرام مهملـه 00فــي مهجـتـي ومهيّـتـهيا عمار سنيـن راحـت يـوم أنـا قلبـي حديـد
يـوم أنـا قلبـي مثـل طفـلٍ تحـوفـه ميّـتـهضمه الصدر الحنـووون وحاشـه الحـظ السعيـد
يـوم قلبـي مثـل ذاك الطفـل وبـيـده طيّـتـهكان قلبي من حجر 00وظلووعـي الكـف الشديـد
يـا فهـد00 والحـب سمـه مـا ذبحنـا حيّـتـهجنته جنـة نعيـم 00ونارهـا هـل مـن مزيـد

24-
أضيع مفتاح السياره الف مره واروووح أحط الحره بطفلي سعوود ويوم الاقيه آخذه بصمت وخفيه عنه حتى ما يشمت بي 000لكن بدون جدوى 000تتسلل ضحكته البريئه بكل ما تحمله ضحكة الطفل من براءه 000فكانت مفتاح لقصيدتي 000 [/c]


كلما غدى المفتاح يضحك بـي سعـوديا سعـود انـا قلبـي بكبـره غدالـي
موجود بين النـاااس ولانـي بمجـودالظاااهر انـي مـت وهـذااا خياااالـي
أنا شباب00 وعايـش بذاكـرة عـودمـا تذكَرأحيانـا اسـامـي عيـالـي
ان صحت قالوا مانت ضاري على الكودوان نمت قالـو انـت طبعـك شمالـي
وانا ادري ان اكثر رضى الناس مفقـودمن خلقة الدنيا ورضى النـاس غالـي
الناس ترضى 00 بس لا تكون معـدودوالناس تصعد00 بس لا تصير عالـي
والناس ترحم كـان مابجيبـك العـودوتعجب بلبسك 00 بس لا صـار بالـي
واحترت بين الناس وافكـاري السـودحتـى يمينـي مزاعلتـهـا شمـالـي
باب السعد في وجهـي اليـوم مسـدودوالشـارع المزحـوم مافيـه والــي
ضعيـف بالأحصـاء ولا اعـد معـدودوالمشكلـه احصـي نجـوم الليـالـي
الظاهر ان الحـظ هـو بـس مقـرودمـادري طلعـت لـعـم والا لخـالـي
وادعي على الظّلا ّم بالمـوت والـدودواقـول انـا اللـي واصـل ٍ للكمالـي
وانا الخطأ عينه وانا الظلم يـا سعـوداللي شربت الماء وهـو مـا صفالـي
قلبي جمر 00 وظلوعي أصحاب الاخدودواحلا مـي الصرعـى تقـاة الرجالـي
ماينفـرش درب المشاهيـر بــورودوثلثيـن عمـر الأنبيـاء بالظـلالـي

25-
الخـوخ والرمـان



ألا يا عزتـي للـي يقـول وخانـه التعبيـر
فتح بيبان فكـره والهـوى والميـل سكرهـا

وله عبد ٍ غشيم ٍ مايجي عبد الخطا بالخير !!
يكبر لـه صغايرهـا وصغـر لـه كبايرهـا
وكم بصدورنا ( وايل يصيح وينتخي بالزير )
وصفحات البطوله ما لقـت منهـو يسطرهـا
نهد الطير وكم بقلوبنا طير ٍ عجـز لا يطيـر
وكم بصدورنا عبرة قهـر للمـوت نكسرهـا
وكم بعيوننا دمعه حفظناها مـن اجـل الغيـر
وكم فرصه تجي وحظوظنـا الغبـرا تطيرهـا
نحب التضحيـه ونقابـل التقديـر بالتقديـر
وسيرتنا يخلدهـا الوفـا والطيـب جوهرهـا
أزور ضحكتي يانـا خبيـرٍ حيـل بالتزويـر
واضيّع وجهتي وانا احسب اني كنت خابرهـا
أغير ثوبي الاسود وكل شـي يقبـل التغييـر
ولكن نفسي الشينه وروحي وش يغيرهـا ؟؟
قصايدنا تجي وتروح وتبقى نكهـة التفسيـر
أفسرها علـى كيفـي قبـل يولـد مفسرهـا
تموت الناس وتفنى ومالقينا للحيـاه أكسيـر
وكم من طيبة ٍ مع موت بعض الناس نقبرهـا
وناس ٍ غرها الشيطان وكثرجورهـم تكثيـر
عسى الله بذرة الشيطان وجنده مـا يكثرهـا
بذرت الخوخ والرمان وعفت الثوم والجرجير
وآلذ من العسل يا سعود كلمة خيـر تبذرهـا
مادام الله محرم شغلـة الرسـام والتصويـر
قدرت أرسم تفصايل القهر والناس أصورهـا
أبوح بسري الغالي وسري ما حفظـه البيـر
قهر يا قصة ٍ ماتت وهي في بطن شاعرها ! !

26-
يــا ســلام الله

يا سلام الله على الوجـه الصبيـحيا صباح الخيـر يـا ذاك الصبـاح
ظبيةٍ كلمـا اقبلـت يمـي تشيـحالوشـاح غيـوم والغيمـه وشـاح
الخزامـى عطرهـا والجـو شيـحتشـرب المـي المبـرد والقـراح
راسي الشامخ على دربـك يطيـحو قلبي يا قلبي من المعلـوق طـاح
كم جريح ٍ داخل اعماااقـي يصيـحآه بس لو تسمع حـروف الصيـاح
لا تغـرك قومـة الجسـم الطريـحلا عدمت الثوب كـم دس الجـراح
كيف أريّح مهجتي ؟ كيف استريح ؟كيف انام الليـل وكـل الليـل راح
يا زمان الوصل لو خلـي شحيـحراضي ٍ به 00 عادة أيامه شحـاح
ما يغر الفاتنه غيـر مثـل المديـحثلجها القاسي مع التسخيـن سـاح
وش بغى الذباح من حلق الذبيـح ؟والغريبه تخطي واطلبك السمـاح !!
قالـو الميّـت بموتـه يستـريـحليه أجل موتي بحبك ما ستراح ؟ !
يا حبيبي مـا يصـح الا الصحيـحشف دموعي مابقى عنـدي مـزاح

27-
عـازف الـنـاي
عطشان 00 والخد ارتوى مـن دموعـيوالسيـل قـال انهـاك لا تقـرب لمـاي
والنـار شبـت فـي محانـي ظلـوعـيبيـن السـراب وبينهـا رايـح ٍ جــاي
وكل المكان يروح00 ويرجـع رجوعـيابغـى النهايـه وارجـع لنفـس مبـداي
أجـوع واظـمـا واتـلـذذ بجـوعـيواتجرع المريـن 00غصـبٍ وبرضـاي
متوسٍـد عـقـب المـخـدات كـوعـيفراشـى الهوجـاس والحسـره غطـاي
حمـام شفـنـي طافـيـات ٍ شمـوعـينصيحتي لك هج00 لا تسمـع غنـاي ؟
النـاي لوصوتـه حـزيـن ٍ يـروعـيمابه بلا 00 ترى البلا بعازف النـاي !!
ياشمعتـي ذوبــي بقلـبـي ومـوعـيوياجرحي انزف 00 حالف ٍ ماشرب دواي

28-سبق وان تشرفت بالقاءها في حفل منطقة الجوف بمنا سبة عيدالفطر الماضي تحت رعاية سمو سيدي الامير عبدالاله بن عبدالعزيز وقد وافقت مرور عشرين عام على تولي مولاي خادم الحرمين الشريفين مقاليد الحكم
قــمــة الـدنــيــا

يقل العود 00 ويغلى ونهدي أغلى العـود للغاليـن
سما هذا الوطـن وارضـه هنـي اللـي يبخرهـا
سفينة نوح سيري في بحـور الشعـر لا ترسيـن
وغص يا شاعر بهذا البحر وانهـل مـن دررهـا
وعـم فـي لجتـه وايـاك تاتينـا قبـل يوميـن
يجيبون الصدف واليوم يومـك حضـر أنظرهـا
ولا تقنع قبل مـا تلمـس بيـدك ثـرى الشطيـن
وقـاع ٍ مـا حلـم قبلـك أبـو تمـام يسبـرهـا
على شان الوطن واللي على أمره بالعـدل ماشيـن
وهذا اللي نهـض بالجـوف وقـال ألا يطورهـا
تغير شكل هذا العيـد وطعمـه وانقلـب عيديـن
كـذا الحاكـم يغيـر نظـرة البلـدان وصورهـا
وسم وقل يعيش الفهـد ويسلـم موطـن السيفيـن
وتحيـا رايـة التوحيـد ويحيـا مـن يناصرهـا
وطنّا ساكـن ٍ قلبـي ولـو يحلـف علـي يميـن
لاجيه مـن اول الدنيـا مشـي لوكنـت بآخرهـا
ولو يحلف على روحي ويبغـى عيونـي الثنتيـن
على أطباق الذهب تاتيـه مـا نحسـب خسايرهـا
لأن الروح هي أصلا معه مـا فارقـت شبريـن
وعيني يـا بعـد عينـي علـى مـاراد يامرهـا
هو أول من هوى قلبي وباقـي عشـري الغاليـن
وهو مسـك الختـام وتاسـع التسعـه وعاشرهـا
وطن ما فووقه الا الله شمخ بأرض الحرم والديـن
يضجـن الشـداد السبـع مـن ضجـة منايرهـا
وطن لو مست أرضه قامت الساعه علـى الحييـن
وصار الدم مثل المـاء الـى مسـت مشاعرهـا
ويصبح ما ملكانا من الجواهر أرخص من الطيـن
تسابـق مالنـا وارواحنـا مـن شـان خاطرهـا
جنـود ٍ عندنـا قـدره نكـرر معركـة حطيـن
علـى بـره ليـوث وبالسمـاء حنـا كواسرهـا
بلانا الله بحب المـوت ونكـره نشتـري بالديـن
نسوق أرواحنـا حاضـر الـى ثـارت ثوايرهـا
وطن لو صابته شوكه تشوف القاصـي والدانيـن
شعـوب ٍ تتجـه بقلوبهـا لـه مـع نواظـرهـا
أبد ما تجيبه أمـه مـن يقـرب صوبهـا ميليـن
ولسّـا مـا خلـق منهـو معيشتـهـا يكـدرهـا
وطن يا قمـة الدنيـا مالـوم الحاسـد المسكيـن
عجز ينظر بعينه فـوق وعنقـه خـاف يكسرهـا
ألاولى انك عليهم يا وطن تلطـف بنظـرة عيـن
نبرد كبـد خلانـك 00 وكبـد الضـد نجمرهـا
ويسلـم راس منهـو قايـم ٍ فـي خدمـة البيتيـن
ضمن للي يطـوف ويرمـي الجمـره شعايرهـا
قلب لون المشاعر خضر وخلىّ النـاس محتاريـن
هي هذي مكه أو سودة عسير اللي تناظرهـا ؟؟ !
فهد يدعـي لـك الـزوار والطـواف والساعيـن
ويشكـر مـا بذلتـه بالمدينـه حـال زايـرهـا
وندعي لك بطول العمر 00والعزه مـع التمكيـن
مثل مـا مكـن لـداوود مملكتـه ونـا صرهـا
جمعت أربع طعش قرن ٍ مضن بسنينك العشريـن
يعجـز الشاعـر بميتيـن بيـت ٍ لا يصـورهـا
وينصر دين أبوك اللي بجيـش ٍ قـارب الستيـن
فتحها وجمّع أشلاها 00وكان الوقـت نـا ثرهـا
اذا ماراد ربك 00مالعدد ينفـع جيـوش الصيـن
واذا الله راد 00 واحـد صـورة الدنيـا يغيرهـا
تقل بيده عصى موسى يخوض الشـط بالرجليـن
وتاطـأ خيلـه المسنـاد وهـي حفيـا حوافرهـا
كساه الله بنـور العـز وسـار بهيبـة الغازيـن
جموع ٍ سايـره لـولاه خلفـه وش يسيرهـا ؟؟
طواها طية الخامه وقص الزيـن وعـاف الشيـن
ولو يبغى طـوى كـل الجزيـره مـع جزايرهـا
دفع روحه على عوص النضا ما قال وش تعطين ؟
أنا مـا شفـت بالدنيـا مثـل هـذا وتـا جرهـا
شهر من حدها الشرقي وصـاد بغربهـا شاهيـن
شماله حطها بيمناه وشـال أبهـا علـى أيسرهـا
بـذل جهـد ومجهـوده وجاهـد دونهـا لسنيـن
لما صارت مثل ما تشوف جنه بـارض فاطرهـا
نقلنا نقلة ٍ وحـده مـن بيـوت الشعـر والطيـن
على ابواب الحضـاره حطنـا بأعلـى منابرهـا
تعلمنـا قرايـة حفـص وكـل الستـه الباقـيـن
وسـورة فصلـت والجاثيـه نعـرف نفسـرهـا
( وسبحان الذي أسرى بعبـده ) حافظينـه زيـن
دخول المسجد الأقصـى بشـاره مـن بشايرهـا
حنى التاريخ هاماتـه 00ولـو لـه مثلنـا كفيـن
يصافح روح أبو تركـي وروح العـود يغمرهـا
فهد متسلسل ٍ من روس أعـز ملوكنـا الساطيـن
تصدر ساسة دهات العـرب واشهـر مشاهرهـا
فهد تسلم لنا وتعيـش 00 قـل آميـن ثـم آميـن
ويحفظ أسرة آل سعود من أكبرها الـى أصغرهـا
ويحفظ لك ولـي العهـد باكـي عثـرة الشاكيـن
أبو من مالـه ابـو وعبـرة المسكيـن يجبرهـا
الى شفته وشفت النـاس جـلاس ٍ ولـه مصغيـن
مثل عصر الخلافه الراشـده بازهـى مظاهرهـاا
لبس ثوب التواضع وارتكـى للشايـب المسكيـن
ولا حط الوسـاده قبـل امـور النـاس ينظرهـا
ولا أصعب لا وقفت بحضرته تحتار بين أمريـن
من الحاكم ؟ من المحكوم ؟ من الأصغر من أكبرها
فلولا هيبته مـا تفرقـه عـن لمحـة ال الثانيـن
تواضع واقبل بوجهه 00همـوم النـاس خاشرهـا
يعدون الرواسي وانـت اخـو لملوكنـا الراسيـن
وامر من الشري واحلى حلا مـن حلـوة بكرهـا
وسلطان العرب سلطان نجـم ٍ بيـن هـا لنجميـن
حمى الدولـه وخلـى ّ حدودهـا تامـن معابرهـا
وقال أدمح خطأ الغلطان واغفـر زلـة المخطيـن
عدا غلطات عدوان الوطـن للمـوت مـا غفرهـا
وكفه عجـزت حاتـم فبذلـه واتعـب المعطيـن
وعضده من كثر مـا يعطـي الحاجـات خدرهـا
مساكينه فلووسه مـا تهنّـا بلمسـة ايـده زيـن
ولا تعـرف وش الراحـه ؟ تقدربـه ويحقرهـا
يطيرهـا علـى الايتـام والمحـرووم والعانيـن
عسى الله هالكريم السمـح روحـه مـا يطيرهـا
ونايف شايل ٍ هم الوطـن وامنـه علـى المتنيـن
وراحـة بالـه المشغـولـه لله مــا يـدورهـا
عيونـه تسهـر وحنـا ننـام الليـل مرتاحـيـن
يبي ثوب الأمن ضافـي جميـع الـدار يسترهـا
ترى اللي يحسبونك يا وطن بترول وبس غاديـن
بهـذا الزيـت لـولا رجالهـا شبـت سعايرهـا
ولولا حنكـة ملـوك ٍ علـى تسييسهـا ضاريـن
فـلا هـذا الذهـب وكنوزهـا تقـدر تطورهـا
وطن يا مكثر احسانك صخـي ٍ بالعسـر واليـن
تمد الكف ولـو عيـت يميـن الطيـب تكسرهـا
وطنّا مزينك ربك 00 فلا انت بحاجـة التزييـن
كساك الله بنور الوحـي وشـع النـور بغررهـا
نبي نحصي فضايل هالوطن ونعجـز المحصيـن
لسان الحال قـال الـدار مـا تحصـى مفاخرهـا
ترى عيب ٍ على الشاعر يجيـب البيـت والبيتيـن
اذا ما جاوز الخمسين عيـب يصيـر شاعرهـاااا

29-
يــــكــــفـــــي

ماهو غريـب ان الرجـل يذبـح رجـال
الأغرب ان البنت تذبح وهـي بنـت !!
بسهوم نجـل ٍ تعمـل عمـول الأبطـال
وانا احسب اني عن هوى البيض هوّنت
جتني وقلت الحـال ماهـي هـي الحـال
يابنـت انـا لـي عـام تبـت وتديّنـت
قالـت علامـك؟ قلـت هـم ٍ وغربـال
قبل امس كنت بخير واليـوم مـا كنـت
يا مـا عطيتـك مـن لذيـذات الأقـوال
اتمسكـن اسبوعيـن حتـى تمكـنـت
كنـا نتواعـد دون بيـجـر وجــوال
وتاتي مواعدنـا دقيقـه علـى السنـت
مـا طعتـي بحبـي حسـود ٍ وعــذال
وما خنتـي عهـود المـوده ولا خنـت
يا ما حميت اسمك عـن العـم والخـال
ويامـا سهـرت الليـل ويامـا تجننـت
واليـوم صـار الحـب لعبـه للاطفـال
يا قلب لاهان الهوى ! وانـت لا هنـت
اكتـب شـعـورى بالقصـايـد ولا زال
عاجز لسانـك ينطـق بكلمـة أحسنـت
واغيـب بالشهريـن وايـام ٍ طــوال
وارجع ولا اسمع عقب الأبعاد وين انت ؟
والحين يوم ارتحت مـن ذيـك الأفعـال
يا وقت لا زانو هلـك وانـت لا زنـت
يكفي ويكفـي مـا ورى المقفـي اقبـال
خلاص انـا صليـت فرضـي وتسننـت

30-
الــــــــــبـــــــــــرد


مثل البرد من مزنة ٍ خمّت القاعوسميّة ٍ يطـرب عيونـي هللها

خذت ثمان أيام والثلج مـا مـاععقب الظمأ والضيم حقق أملهـا

نشت بعون الله على كل الأنجاعوالسيل ما به فيضة ٍ ما غسلهـا

فز النفل من عقبها بسرع ٍ بساعوالشيح والربلـه تفتـق عبلهـا

ألله يا زين الشعر في ظل الاأبداعوبنات فكري يوم تنثر خصلهـا

وانا قنوع وعايف ٍ كل الأطماعمالي ومال النـوق ويّـا جملهـا

كنز القناعه ما ترك فيه جيّـاعالحمـد لله مـا نـدور بدلـهـا

كنزي من الدنيا رفيعين الأوضاعشرواك من كل البـلاد ودولهـا

دنياك مثل الفلم يختم بالأوجـاعوالمسرحيّه يـوم يسقـط بطلهـا

31-
يا ميت ياللي باللحد لك زمن ميت 00000 و ش ظنك بحي ومات الف ميتــه

حفظت ملايكة الاجل صورة البيت 00000 من كثر ماتطرق على باب بيتـه

انا الفقيد اللي على رداي صليـت 00000 وثوب الكفن قبل المنيـه بليتـــه

يا راحل عني علامك توفيــت 00000 لا عاد ما عمرك بعمري فديــتـه

يا فرحة ما جاوزت كلمة الليت 00000 يا حاظر عندي وانا ما لقيـــتـه

يا منية ماتت وانا ما تمنيــت 00000 يا غايب قبل التلاقي عزيــــته

يا جرح اكبر من عمر نوح وليت 00000 ليتك ياجرحي وادي ما وطيــته

ليتك سحاب عارض ما ستهليت 00000 وانا شعيب ممحل ما سقيــــته

يا ليتك بغيب الليالي ولا جيت 00000 او كنت رجم عالي ما رقيـــته

كان الخلوج تحن انا اليوم حنيت 00000 وليل العذاب بنار قلبي ضويتـــه

يا ذيب ياللي بالمشاريف عويت 00000 قبلك ترى المشراف يا ذيب جيتـه

راحت حياتي بين بعد وتشتيت 00000 والحظ خيب كل سعي سعيـــته

وطيت راسي للمعادين ورضيت 00000 وعند الضروره تاكل الناس ميتــه

32-


34-
وقفت اناديها وانا مابي الصوت 0000 بس بدموع العين انا دي عليـــــــــها

مشتاق اقبلها قبل ساعة الموت 0000 واغمر جبين الغاليه مع يديـــــــــها

ياعين منها اروي قبل فايت الفوت0000 ويانفس كلك باللقا خاطبيــــــــها

ياعاذلين القلب خلوكم سكوت 0000لوهي تريد الروح وش عاد فيــــــــها

يا حبي اللي ما نوفيـــه ببيوت 000 كل البدايل عقبها ما نبيــــــــها

واقول وقلبي بين الاظلاع مفتوت 0000 وشلون اعيش بديرة مانت فيــــــــها

شفت التعاسه كلها وشفتها شتوت 0000 وكل المصايب ماخذين عليـــــــها

كل يوم اودع لي عزيز وتابوت 0000 وكل يوم ورجوم الزمان اعتليــــــــها

محدد وقت الزياره وموقوت 0000ماهي على كيفي بكل وقت اجـــــــيها

ماشفت مثل الموت وهو حق ممقوت 0000 وماشفت مثل النار ومانتقيـــــــــها

مابكي على ليلى ولا ابكي على نوت 0000 ابكي على امي ويل قلبي عليــــــها

[بليهان]

بارك الله فيك
جميل ما قرأته
تحياتي

[اصيل]

احسنت
ولاهنت
تحياتي

[الهميم]

كتبت فأمتعت
شكراً لك
تحياتي

[سالي]

شكراً لك
تحياتي

[معتدل]

احسنت
ولاهنت
تحياتي

[المرشودي]

مشكور
على المعلومه الجيده
تحياتي

[المؤذن]

شكرا لك
على الجهد الطيب
تحياتي

[البتار]

شكرا لك
على الجهد الطيب
تحياتي

[الهامس]

جزاك الله خيراً
على ما افدتنا به
ودي واحترامي