حنا العرب .. محاورة ضاحكة

[الطائر المهاجر]

حنا العرب نقرب لهبش التباسي = واليا قضينا باللبن كابسينه
احسن مخدر عن كلام سياسي = و"الشيوخ ابخص" عن جهل وارثينه

[منيع]

ماهمنا يكود ضرب الخماسي=في وسط رز بالدهن مغرقينه
ولاحصل هرفي يزول العماسي=موت مع الشبعه ترى طالبينه

[الطائر المهاجر]

تسمين خرفان وتحفير ساسي = ننطح معنا بالقرون السنينه
الذيب يلغف والغنم في نعاسي = واليا ثغت وحده بدا بالسمينه

[يوسف الشقران]

الفلفل الأحمر وجوده أساسي =ولا المخلل عندنا جايبينه
فينا المثلث صار شكله سداسي = هذي سياستنا والعتب رافعينه

[نسناس الهوى]

ومن شاب فرنه دق سلف التكاسي = يوميّ بيده يحتري من يعينه
لأقرب بخاري ما يجيب القواسي = لحم امعروف وجودته عارفينه

[الطائر المهاجر]

الرجل بالكشخه وزين اللباسي= وغال المواتر ما تثاقل لدينه
ايسدده اقساط والربح قاسي= طاووس يبحث عن فتاة حسينه

[الهميم]

احسنت
ولاهنت
تحياتي

[طويق]

لك الشكر
على ما فاض به قلمك
تحياتي

[المورد]

بارك الله فيك
على ما تقوم به
احترامي

[المتابع]

بارك الله فيك
كتبت فقرأت فاستفدنا
تحياتي واحترامي