الشعر ما تشخبط لك كلام ٍ غريـب

[داعي الشوق]

ياجماعه زمنا ذا غريب ٍ عجيب=كل شي بزمنا صار به لخبطه
كل شخص ٍ غدا شاعر زمانه رهيب=ما تسمى جداره ذي هي الجحلطه
والله ان الشعر اصبح بليا رقيب=ومن حياة السمو لحالة المرمطه
المرض ينتشر لاصار مابه طبيب=وصار مابه طبيب ٍ ماسك مشرطه
الشعر فن راقي سهل لكن صعيب=مايجي هكذا والموهبه مربطه
الشعر ما تجيبه هو لك الي يجيب=ان خذا شي خله وان عطاك فعطه
والشعر ما تشخبط لك كلام ٍ غريب=ثم تقول الله الله تسلم الشخبطه
بيت مكسور والمعنى ركيك السريب=مايعدّل بوزنه صاحب المخرطه
يوم تقرا بعضها راكب ٍ شاص جيب=يضرب الخد والسواق ما يصفطه
من مطب بمطب ومن شعيب بشعيب=ما مسك خط لكن بالوعر ما انشطه
لا يلـفـّيـك ديره ولو ديارك قريب=و بذك بكثرما يقلب لك الاشرطه
فالشعر مستحيل تكون مخطي ومصيب=يا اظبط الشعر والا قل منيب اظبطه
ولا تجامل اخوك ولا تجامل صحيب=الردي قل ردي والزين لا تمغطه
لو يمط البكا طفل ٍ ويرضع حليب=قلت يسلم حليبك وجزل بالمطمطه
لا تصير انت مداح ٍ تغابى اللبيب=كنك الي مدح شعر ٍ براس قحطه

( الشاعر فهد بن محمد )

[صعبة المنال]

ألله الله
راق لى

صح لسانه وحسن اختيارك

صعوووب

[صنداح الزلامى]

داعي الشوق نقل جميل مع العلم ان القصيدة لاترتقي بالمستوى الشعري المطلوب

بل فيها كلمات وايضافيات عبارة عن حشو للمفردة وهذا يعيق مستوى القصيدة وان كانت

على معنى ومضمون ع العموم صح لسااااانك الشاعر وشكرأ لك على النقل


اود ان ابين هنا ملحوظة وهي ان الشعر اليوم اصبح تحت وطاة كل من هب ودب وهذا

مرض خطير كما قال داعي الشوق



تحية طيبة للجميع

[الطامي]

داعي
صح السان الشاعر
وشكرا لك لنقلها وامتاعنا بها
لاهنت

[حوريه]

صح لسان الشاعر وتسلم يمين الناقـل
شكرا اخوي داعي الشوق
تقديري

[الخنساء]

صح لسان الشاعر

قصيدة جزلة ولاهنت لنقلك

[نفحات حساسة]

صح السسسانه

وسلمتي علي نقلك..

..تحيتي..

[حي الضمير]

رائعه
شكرا لناقله وقلم كاتبه

[عمر ال شيبي]

شكرا لك شاعرنا لا هنت ابد

[كظيم]

صح لسان الشاعر فهد بن محمد
ولاهنت على نقلك الطيب
والله يعين
تقبل مروري المتواضع لاهنت
ودي وتقديري