هلا ياهواي اول قبل تنكشف دعواك

[فواز الغسلان]

هـلا يـاهــواي اول قـبـــل تـنـكـشـف دعـــواك=قبل عـام يـوم الـقـلـب لا ضاق نادى لك
قبل يـنـكـشـف جـرحـك لـقـلـب الـذي داواك=وقـع يـشـتـكـي لـوعــة بـلاويـك واهـمـالك
ولا هـو جـزاء الـلـي ضــاع يـازيـن فـي دنـيـاك=ودلا يـطـــيــــع امــــرك ويـفــرح بـمــرسـالك
واذا كــان قـــلــــبــــي ذاق ظـلـمـك ولا جـــازاك=وخــــلاك فــي لـــــذة مـنــــامـك ومـقــيــــالك
لانـــي ربــيــت بـطـــيــــب غــــيـــر الــــذي ربــــاك=وصارت مداهـيـلــي تـجـي عـكـس مدهالك
وانا جبت لك عـلـم(ن)عـزيـز(ن)يـبـي يـفـجاك=لان الـخــبـــر مـا كـان يـطـري عـلـى بـالك
انـا عـقــب هـجــرانـك وغــدرك قــدرت انسـاك=وحــطـيــت بالـنـسـيـــان رقــمــك وجــوالك
لأنــي رحـمـت الــجـــفـــن من كـثــر مـا راجـاك=فـلا هــو رقــد لـيـلـه سعـيـد(ن) ولا نـالك
وقـلـت الـحـشـى يـنـسـى جـحـيـمه اذا خـــلاك=وخـــــلا طـــواريــقــــك وشـــعـــرك ومــوالك
غرامك ترك جـسـمـي نـحـيل(ن)تـقـل مسواك=يـعــانــي ويـشــرب نـبــع ظـلـمـك وغـربـالك
واحسب الـحشى يـرجـف بصدري على طرياك=اذا شـاف زولـك فـي خـروجك ومدخالك
واشوفه نسى هـمــه سبب صاحب(ن)يسواك=ويـســوى ثـمـانـمـيــة كـذوب(ن)من اشكالك
يـداوي جروح(ن)صـابـت القلب من يـمـنـاك=صــدوق(ن)ولا يـمـــشـي دروبـك ومـنــوالك
لـقــيـــتــي غرير(ن) يـسهـر الـلــيـل فـي فـرقـاك=ويـرتــــاح بـــــالـه لا طـلــعـــتـــي وراعــى لك
وقـلــــتــي وقـــع بـحـــــبـــال حـــبــــي بــلا فـكـــاك=غـشـيــم(ن)ويـنقل ثـقـل الاحـمـال كرما لك
لانـــه وفــى عــهــــده ولا هــو مـثــــل شــرواك=غـدى مـهــمــل(ن)حــاله ويـنـشد عن احوالك
وهـذا هـو اللــي فـي دروب الـردى دهـــواك=وخـلا شـهــر صـومـك يـجــي عـقب شـوالك
وانا كـنـت اخـاف الـموت للـقـلب لو جـــافـاك=لانـــي هـــقـــيـت نـهـــول الاحــبـــاب مـنهــالك
واحسب الوفـى يصبح هو الدرب في مـمـشاك=ولا يـخـــتـــلــف قــولـك قـبـــالــي مع افـعـالك
وانـا الـيـوم اشـوفـك في عـيـونــي مـثـل ذولاك=وتــحـــت الـعـــرب كـلـه مــقــامــك ومـنـزالك
لـك الـلـه فـلا تـسـهـر عـيـــونـي عـلـى شـكواك=ولا احـتــاج عـقــب الـيـوم وزنـك ومكـيالك
ألــهــي فــتــح عــيـنــي لــدرب الـوفــى واعــمـاك=انا اعـيـش فـي فــالـي وعـيــشـي عـلى فالك
وجرح(ن) وطـى قـلـبــي بـغــدرك يـبـي يـاطـاك=وجـديــد الـهــوى يـغـنـي خفوقي عن اسمالك
ومـثــل ماهــدمــتـــي قــصــرنــــا يـنــهـــدم مـبـنــاك=وتـرثــيـــن مـثــلــي تـحــت مـبــنـاك واطــلالك
انــــا راحـــل(ن)مـا اريــــد طـيـــــبــك ولا ذكــراك=عـفــى الـلــه عـن ظـلـم(ن)قـضـيـنـاه بحبالك
سقى الـغـيـث مـجـلاسـك قـبـل تنكشف دعواك=قـبــل عــام يـوم الـقـلــب لا ضـاق نادى لك

[داعي الشوق]

يا سلام عليك يالشاعر فواز

رائع بشكل غير عادي

أبدعت ،،

كما تعودنا الابداع منك ،،

صح لسانك مع التحية لك

،،،،،،،،،

[عذب القوافي]

صح لسانك أخي الشاعر / فواز الغسلان

نص وافي من وافي عفاك مولاك يالغالي

تقديري,,,,,,,,

[سعيد الصاعدي]

الاخ الفاضل / فواز الغسلان
صح لسانك لاهنت
نص شعري عالي الشاعريه
من شاعر مبدع
تسلم ويسلم فكرك يالغالي
أخــــــــــوك
س / ص

[الطامي]

الغسلان
صح السانك واعتلاشانك
وافية بالحيل لافض فوك
شكرا لك

[الـزلـزال]

فواز الغسلان


كالعاده ولا جديد سوى أبداع يتلوه أبداع

توشح نصك الراقي بالجزاله وقوة المعنى والروعه

صح لسانك ملايين ملايين

تقبل فائق تحياتي

[فواز الغسلان]

المشاركة الأصلية كتبت بواسطة داعي الشوق

يا سلام عليك يالشاعر فواز

رائع بشكل غير عادي

أبدعت ،،

كما تعودنا الابداع منك ،،

صح لسانك مع التحية لك

،،،،،،،،،

هلا وغلا داعي الشوق وتشرفت بك وبمرورك

تحياتي لك

[رفيعة الشان]

لأني رحمت الجفن من كثـر مـا راجـاك
فلا هو رقـد ليلـه سعيـد(ن) ولا نالـك

الشاعر القديــــــــــــر الغسلان

صح الله لسانك أخي الكريم

ما نقدر نقول قدام ذا الرائعه

الا صح لسانك

[طلال سويعد]

الله الله

صح لسانك
وبيض الله وجهك

جزل


جزل


كل الود

أخوى ابن غسلان


وافية من وافي


ابيت تدلل على قوة حرفك,وشاعرية نبضك , فلله درك ...