مساجله بين محمد العمران،، ومنصور المري

[الطامي]

مسجاله بطريقة لفت نظر من الأخ الشاعر محمد ال عمران ورد اسمي فيها
هو يقول :

قالت سرحنا قلت يالله علي ويـن=قالت بحر قلت البحـر مـا احبـه
قلبي يحب السيـح والبـر يازيـن=وجمر الغضا لاقمت بيـدك تشبـه
وادلال صفر(ن) كل ابوهن رسالين=وفنجال اشقر في يمينـك نصبـه
اهلا هلابك مرحابابـك وسهليـن=الجو هـادي واقشـر الهـم كبـه
عطني اعلومك وابتهج يريش العين=ونب العلوم اللي من الـراس نبـه
في منزل (ن) مابه ازحام وقوانين=لابـه مـرور ولا بريـك ومطبـه
من فوق جيب (ن) ركبوله بواليـن=يقدح اجنوطه فوق ظلع (ن) يربـه
ورفارفه هيبه من ايسـار ويميـن=كنه سفيـه تنطـح امـواج غبـه
البر والله فـي عيونـي بساتيـن=بر(ن) نحبه لـو امحولـه تذبـه
اعشق جمال الباديـه والبداويـن=وانا بدوي مافي البدو من مسبـه
اكرام حنا من ارجال (ن)كريميـن=وارجالنا عنـد الطلـب مستهبـه
البر راحـه وارتيـاح ورياحيـن=لاذعذع النسناس مـع كـل هبـه
وحنا بجو البـر مثـل السلاطيـن=أمن وامـان وحالـة(ن) مستتبـه
والبدو عشاق البنـات المزاييـن=عشق (ن) يذكر كل عبد(ن) بربـه
محلا سهرنا يـوم كنـا مقيميـن=نقطف من اثمار الهوي والمحبـه
بحر العيون الناعسـات المفاتيـن=يرمي عشاشيق الهوي وسط غبـه
هذاك يالطامي ودادي من اسنيـن=مزيون يامنصور لحـد(ن) يسبـه
والحمد لله كمل الشـرع والديـن=مابين فرض وسنة (ن) مستحبـه

وكان ردي عليه كما هو ادناه :

يامحمد ال عمران من وين لاوين = وش جابني في قصتك والمحبه
قالت وقلت وكلكم حب غاوين = غاوين يعني حب مالقي طبه
قالت بحر والسيف معشوق للزين = والا انت شفك بر تبغي المهبه
ان كان شف اللي يحبون هو دين = فدينٍ عليك اتبعه كنك مسبه
تتبع رضاهم لو على السيف ماشين = وسنارتك باليد ترمي وتشبّه
كنك عليمٍ بالبحر والبحر وين = لاكن تماشي شف خلك وحُبه
والا بيدك تشيل احجار ثنتين = وترمي على ساقي البحر واتّنبه
وسوالف ذربه مع الزين ياعين = بطاش البحر كنك بمرباع جبُه
شف الحضاره ياولد والسلاطين = ماعاد به برٍ ولابه مشبّه
طاش وبحر واسواق ان كان توحين = وارقام ترمي بالمخابي بعُبِه
ياخوك يامحمد ترى الوقت وقتين = وقت لكم والوقت الاخر قضبِه
لازم نسايرهم على الزين والشين = نكسب مودتهم والاخر نكبٌه
حن وقتنا قفى مع العمر يالسِين = واقفى برفق ايامها المشلهبه
ان كان شفك شب ضوء بمقامين = مقام ليل وصبح مزين مشبه
ودلال رسلانٍ جنبها غوارين = وافراد من تمر الحساء من مغبه
مع جيب شاس سايقه ذو شماطين = قد مرمر الدنيا ووقته لعبه
يضوي الا من راح بالليل ثلثين = يقضي ويمشي مادرى كون ربه
ملاوعه حبٍ حقيقي من سنين = محجورة والا طموح مِشِبّه
وانا ترى مثلك وغيري كثيرين = دامت بخير وبمنها مستتبه
مايستوي شف الحضاره وبعارين = اختار بين اللي تريده وذبه

[داعي الشوق]

صح لساااااااااااااااااانك يا بو محمد

رد وافي و مساجلة طيبة و جزلة

شعراء كبار و مافيكم حيلة

و صح لسااااااانك و لسااااااااان محمد

ولاهنتوا

[عمر ال شيبي]

روعه وطيبه صحت الالسن

صدى وصوت طيب لا هنتم

[نجم الإبداع]

الله الله عليك يامنصور

صدى طيب لصوت رائع

صح لسانك والعمران

مودتي

[الطامي]

داعي
صح بدنك
وشكرا لمرورك
لاهنت

[الطامي]

الشيبي

صح بدنك
وشكرا لمرورك
لاهنت

[الطامي]

فلاح

صح بدنك
وشكرا لمرورك
لاهنت

[عبير الورد]

صحت السنتكم شعرائنا المبدعين



يعطيكم العافية

[نفحات حساسة]

صح السانكم ولاهنتواااااااااااااا

مبدعين..

[الطامي]

عبيرالورد
صخ بدنك
وشكرا لمرورك
لاهنتي