اشهد ان البعض يقرا الشعر مرتين(بالصوت)

[الطائر المهاجر]

اشهد إن البعض يقرا الشعر مرتين = مرةٍ بالفؤاد ومرةٍ بنظره
يدرك اللي تقوله دام ماهو رطين = حر تكفي الاشاره ماخلق حمّره
والبعض ما يفكر لو قرا كلمتين = ياخذ اللي يبيه وما رفض يطمره
ولا تبيّنت رده تحسب إنّه فطين = واثره بعيد لو هو شاعرٍ ما اشهره
والبعض من ردوده تفهمه عن يقين= له نوايا ولكن ينعرف من ثره
قد يكون يتميلح في عيون الحسين = النعومه بحرفه من ورا المبخره
وقد يكون يتسلّق كود يلقى يدين = تمعطه فوق دامه واهن المقدره
ومن جهل بالرجال ولو لقى معجبين= خاسر في طموحه عاثرٍٍ بشجره
ومن يظن الشعر حكر على الضاعنين= جاهلٍ بالتراث ولاعرف مصدره
او لمن وصل ضوءٍ من شمال ويمين= ما عرف للحقيقه نورها يجهره
الشعر له رجاله من قديم السنين = وله رساله عظيمه كلها مفخره
فيه نصحٍ لدنيا وفيه وعظٍ لدين = ماهو شعر التغزل لا لقيت جزره
شاب راسي وانا في الشعر بيتي حصين= اصدق القول عنّه ما اميل شعره
ما بنيته ابي شهره وربحٍ ثمين = وما نظمته اغازل وردة وزهره
انقد اللي اشوفه من خراب السفين = وانصح اللي يبيني بالفكر انصره
وكلمة الحق دربي ما بها من ملين = فالمجامل ما اعرفه والنفاق ادحره

ومن يظن الشعر حكر على الضاعنيـن
ـــــ زاد جهله وفكـره عنـه مـا اخبـره


مالك حل يا بوعبدالله

ماهذه الروووعة

وهذا التصنيف الوااقعي الصادق


جبت المفيد المختصر في قالب من الشعر ولا اجمل ولا اعذب

فلله درك

وجعلنا ما ننحرم من دررك


مدرسة يابوعبدالله

صح قلبك وفكرك الراقي


بارجع لهالقصيدة مرااااات ... لان مجرد قراءتها مره واحد لا يكفي و لا يروي الغليل


اجل تقول :

والبعض من ردوده تفهمه عـن يقيـن
ـــــ له نوايـا ولكـن ينعـرف مـن ثـره
قد يكون يتميلح في عيـون الحسيـن
ـــــ النعومـه بحرفـه مـن ورا المبخـره
وقد يكون يتسلّق كـود يلقـى يديـن
ـــــ تمعطه فـوق دامـه واهـن المقـدره

و بعد :

والبعض ما يفكـر لـو قـرا كلمتيـن
ـــــ ياخذ اللي يبيـه ومـا رفـض يطمـره
ولا تبيّنـت رده تحسـب إنّـه فطيـن
ـــــ واثره بعيد لو هو شاعرٍ مـا اشهـره


وارجع واردد معك

ومن يظن الشعر حكر على الضاعنيـن
ـــــ زاد جهله وفكـره عنـه مـا اخبـره



تقبل اعجابي

ومودتي وتقديري

ابو عبودي

صح قليبك ولسانك ..

قصيدة ولا أجمل ..

تحياتي القلبية

[أم ريما]

ما عـرف للحقيقـه نورهـا يجهـره
الشعر له رجالـه مـن قديـم السنيـن
ولـه رسالـه عظيمـه كلهـا مفخـره
فيه نصحٍ لدنيـا وفيـه وعـظٍ لديـن
ماهو شعـر التغـزل لا لقيـت جـزره


صح لسااااااااااااانك

قصيده جميله ولها معنى راااائع وعظيم

تحياتي لك

صح لسانك يبو عبد الله

نعم كلمات جياشة

نصائح وحكم

تقدير للشعر

صح لسانك مليون

[سـعـد الحويماني]

نص اعجبني


ويستحق الحضور

[الطائر المهاجر]

كل الشكر والتقدير لأخي / ثامر الشبيلي
على كريم الحضور والتفاعل الرائع
لاهنت يالغالي
تقبل أطيب تحياتي

[سناعيس]

الطائر المهاجر

صح لسانك
لله درك من شاعر
فشهادتي فيك مجروحه

تحياتي

[سعود بن سنيد]

المشاركة الأصلية كتبت بواسطة المشرف العام

اشهد إن البعض يقرا الشعر مرتين = مرةٍ بالفؤاد ومرةٍ بنظره
يدرك اللي تقوله دام ماهو رطين = حر تكفي الاشاره ماخلق حمّره
والبعض ما يفكر لو قرا كلمتين = ياخذ اللي يبيه وما رفض يطمره
ولا تبيّنت رده تحسب إنّه فطين = واثره بعيد لو هو شاعرٍ ما اشهره
والبعض من ردوده تفهمه عن يقين= له نوايا ولكن ينعرف من ثره
قد يكون يتميلح في عيون الحسين = النعومه بحرفه من ورا المبخره
وقد يكون يتسلّق كود يلقى يدين = تمعطه فوق دامه واهن المقدره
ومن جهل بالرجال ولو لقى معجبين= خاسر في طموحه عاثرٍٍ بشجره
ومن يظن الشعر حكر على الضاعنين= جاهلٍ بالتراث ولاعرف مصدره
او لمن وصل ضوءٍ من شمال ويمين= ما عرف للحقيقه نورها يجهره
الشعر له رجاله من قديم السنين = وله رساله عظيمه كلها مفخره
فيه نصحٍ لدنيا وفيه وعظٍ لدين = ماهو شعر التغزل لا لقيت جزره
شاب راسي وانا في الشعر بيتي حصين= اصدق القول عنّه ما اميل شعره
ما بنيته ابي شهره وربحٍ ثمين = وما نظمته اغازل وردة وزهره
انقد اللي اشوفه من خراب السفين = وانصح اللي يبيني بالفكر انصره
وكلمة الحق دربي ما بها من ملين = فالمجامل ما اعرفه والنفاق ادحره

ابو عبدالله

الله الله


ياســـــــــــــــــــــــــــ ـــلام

عليك

ياشعر لا...سلامي عليك يابوعبدالله


صح لساااااااااانك مدد لا عدد

جزله من راس جزل

ان حكمة المعنى هي الابداع يامبدع

الله درك على هاشامخه


سجل اعجابي وسجل مروري وسجل اقتباسي ولك تحياتي

[الخنساء]

الشعر له رجاله مـن قديـم السنيـن
وله رسالـه عظيمـه كلهـا مفخـره
فيه نصحٍ لدنيـا وفيـه وعـظٍ لديـن
ماهو شعـر التغـزل لا لقيـت جـزره
الله ....الله والله انك صادق وانا اشهد
صح لسانك كلمات من ذهب لاهان
راسك
سلمت وسلم فكرك وشعرك
تحياتي