البارحهـ

[الحــ فهد ــربي]

كل عام والجميع بخير ..

حبيت اضع بين أيديكم هذهـ الأبيات المتواضعهـ وكلي أمل إن تحوز على رضاكمـ ..

البارحه طول ليلي ماغفت عيني=ماذاقت النوم والهوجاس يكويها
ماهو سهر واحدٍ بلشان بالديني=سهران للي غلاها الروح محييها
لاجيت ابغفى طرت لي ماتخليني=أشوفها ضايقه والدمع غاشيها
ريميةٍ حبها متمكنٍ فيني=الله عطها غلا ماحد يساويها
قلبي وعقلي وروحي وأول سنيني=نصيبها ياعسى عيني تراعيها
كم عام أقفى وانا ربي معنيني=تقول لي صد عني وأرجع أشريها
وأقول وش هالعناد شلون تقويني=وترد لي ذي حياتي ذي مباديها
أبيك تثبت إذا بالصدق هاويني=وإلا إنت روحك هبوب الريح يغريها
ماتدري إن العشق نبعه شراييني=وإنا بروحي وعمري كلي أفديها
هذا دليلي لها إن كان تبغيني=بأول سنه وسنتين وخمس نطويها
وأنا على حالتي وأقول يمديني=الحق مدا غاية المزيون وأرضيها
خليتها بالقصايد هي عناويني=ومن باقة الحب والأشواق مهديها
وأمد كفي لها وأقول يازيني=عطني يمينك ترى يمناي تبغيها
شاري همومك وجرحك جرح يعنيني=وش عاد تبي أكثر من إثبات معطيها
الين جتني مساء البارح تناديني=تقول لي يافهد هالناس وش فيها
كل جفاني وجرحي صار يعييني=حتى أقرب الناس ولاكني أعنيها
وتقول لي يافهد تعال مابيني=خذني لدنياك ذوقني حلاويها
قلبي يبيها وعقلي رد رجليني=ويقول لي رد قلبك لايخاويها
بأذكرك وينها يوم إنت مشقيني=هالحين جاتك يوم إن الوقت مشقيها
أحترت مدري هل أنتي صدق تغليني=وإلا زمانك هو الي جاب خافيها
ابي انشدك ليه لا ضقتي نصيتيني=ودنياك وقت السعه وشلون تقضيها
هذاء سؤالي رجاءً فيه ارضيني=وإن كان فيها مجال انا أعديها

دمتم سالمين

[الأموره]

الحــربـي ..~

اخــي فــي الله ..~

قصيدة رآئعه تبآرك الرحمن ..~

و هطول جميل ..~

صح لسـآنك ملآيين ..~

سلمت و سلم فكرك ..~

ألف شكر لك ..~

دمت برعآية الخآلق ,,~

فهد الحربي

دمت و دام عطائك
ارى احرفي تقف عااجزه
امام راائع طرحك وجميل معانيك
تجتذبنا بابداعك دونما شعور

صح لسااانك

ولا هنت

اموااااج

[عدنان كريزم]

صح لسانك يالغلا

ولا هنت على الجزله

تحيتي

[عوض سحمان العتيبي]

فهد

جزله من راس جزل


صح لساااااااااااااااااااااااااااا اانك



عوض

[محمد عبدالله البدراني]

العزيز الغالي فهد الحربي سلمه الله


صح السانك وعلا شانك


لاهنت يافهد

وبيض الله وجهك

تحياتي

[الطامي]

الحربي
صح السانك ملايين
وبيض الله وجهك ،،، وافية من وافي
وشار عملاق لافض فزك اخي

[ابومياس]

فهد الحربي اهلا وسهلا بعودتك

وكل عام وانت بخير

نص راقي وجزل

من شاعر جزل

دمت بخير

[الحــ فهد ــربي]

الأموره

حضور رائع ,,

وإشاده أعتز فيها ,,

صح بدنكـ ,,

سلمتي ع التواجد العطر ,,

[الحــ فهد ــربي]

اموااااج

سلمتي على الحضور البهي والزكي ..

صح بدنكـ ..

وكلي فخر بتواجدكـ ..