ذبل ورد الغرام ..الزواج لاشباع الغريزه

[الطائر المهاجر]

ذبل ورد الغرام ابلا احترازي = وبان اللي تخبّى من دزيزه
شراه اللي يظنّه فيه فازي= ولا يدري بشوكه او نشيزه
فلا هو من تعلّم بالمغازي = ولو جرحه تكلّم عن غزيزه
ولا هو عارفٍ وين المجازي = مثل من تاه واخطى في لزيزه
مابين الشرق وجبال الحجازي= ابي يصحى ولو لحظه وجيزه
ولكن طال نومه بارتكازي = تشوفه تحسبه صاحي قزيزه
انا وياه مثل الخاز بازي = اقلب فيه مدري وش جزيزه
تباعدنا ودربه بانحيازي = يفكّر غير ما تدري كنيزه
تلاقي كل خطّين بتوازي= قوانين الطبيعه ما تجيزه
يجفّ العرق من بعد الركازي = اذا من ركز في بطحا نزيزه
ويغرق دون سقياه ابروازي = يخيس بتربته لو هي عزيزه
اذا الرجّال فكّر بالجوازي = فلا يحكمه قلبه والغريزه
يطيح من السما صقر البهازي= ولا يسوى بسوقه لو بريزه
الا يالله بالطافك تجازي = فؤادٍ صار يشكي من فزيزه
قلق مع خوف بانواع الطرازي= من همومٍ تصافق به عزيزه
تكسّر مثل تكسير القزازي= ابي يجبر وعاودني كزيزه
يئست من العذل هذا نجازي= وقطعتي كل قولٍ يا جهيزه

[الأموره]

صح لسانك مليون ،،

سلم بوحك و دام نبضك ،،

شكرا لك عالطرح ،،

دمت برعاية الخالق ،،

[الطامي]

يجفّ العـرق مـن بعـد الركـازي

اذا مـن ركـز فـي بطـحـا نـزيـزه

ويـغـرق دون سـقـيـاه ابـــروازي

يخيـس بتربتـه لـو هــي عـزيـزه

الله الله يادكتور
صح السانك ملايين
ابداع والقديم عديم
شكرا لك

[ساهر الليل]

صح لسانك يادكتور

وطاب حالك وفالك

رائعه من روائعك

تقبل تحياتي وودي

[نجم الإبداع]

صح لسانك وقلبك يابو عبدالله

كلام من ذهب يادكتور

لاهنت

[منيع]

مبدع ورائع
شكرا لكم
تحياتي

[مشعل التريباني]

الطائر المهاجر
انا اقول هكذا يكون الشعر والا فلا
صح لسانك ايها الرائع فقد ابدعت
تحياتي لشخصك الكريم

[هترل]

صح لسانك يابو عبدالله
وحي الصوت وراعيه
ابدعت وامتعت لاهنت
قافيه جميله ونص والقا اجمل


تحياتي وتقديري

[بنت النور]

صح لسانك واعتلى شأنك
رائعة من شاعر رائع وشهادتي فيه مجروحه
يستحق المتابعه
متجدد الإبداع في كل شي
دام ابداعك يبه
تحيتي ومودتي

[عبدالله الشويمان]

صح السانك يا بوعبدالله

صخرية طيبه من شاعر اطيب

لا هنت لا هنت