ألف ٍ أولف ياهلي من هوى الزين

[عبدالمحسن الرحمه]

ألف ٍ أوّلـف يـا هلـي مـن هـوى الزيـن=أللـي سحرنـي صاحبـي داعــج العـيـن
أول حروفـه السيـن يـا محـلـى السـيـن=غــرو ٍ حسـيـن الطـبـع مـحــلا ثـنـايـاه
والبـاء بـرى حالـي حسيـن الوصـايـف=يسحـر جميـع الخلـق مـا هـوب خايـف
عــن كـامـل الخـفـرات بالحـيـل نـايـف=و خـصـره يـهـد الـحـيـل لاوا حـــلاياه
والـتـاء تــرى عيـنـي حـزيـنـة علـيـلـة=علـى فــراق الـزيـن ضـافـي الجديـلـة
واعــــزّ حــالـــي آه واعـــــز تـيــلــة=علـى ولـيـف ٍ تــل قلـبـي مــن أقـصـاه
والثـاء ثــلاث سنـيـن عـايـش حزيـنـي=ثـــلاث مـــرّت كـلـهـا فــــي ونـيـنــي
عـســى ولـيـفـي مـــا يجـيـلـه قـريـنـي=أحـــب خـلــي حـــب قـيــس ٍ لـلـيـلاه
والجيم جسمي من هوى الزين منصاب=عزيـل لـمـن مثـلـي علـيـل ٍ ولا طــاب
ألـيـا ذكـرتـه كــن بالـجـوف مـشــذاب=ياجاهـلـيـن الــــود شــوفــوا ســوايــاه
والحـاء حرمنـي صاحـبـي لــذة الـنـوم=أسهر واحاكي فيـه نفسـي علـى الـدوم
يا الله عسـى مـن لامنـي بالهـوى اليـوم=يـلـقــى الـمـذلــة والـمـهـونـة تــوطــاه
والخـاء خــدوده مـثـل بــرق المخـايـل=ورمــوش عيـنـه فــوق خــده ضـلايـل
والخصـر غصـن البـان والشعـر هايـل=غـطـى كتـوفـه والنـحـر حـيـل غـطــاه
والـــدال دار الـحــظ الأقـشــر عـلـيـه=وهــمــوم قـلـبــي مـسـتـلـجـه قــويـــه
يـامـا سـهــرت الـلـيـل حـالــي رديـــه=حــال ٍ تـهـد الــروح وتـشـوف مـوتـاه
والــذال ذقــت الـمــرّ سـبــت فـراقــه=عـسـى الـعـدو ابكـبـت والـــذل ذاقـــه
والصبـر مـا اقــدر لــه ومــر ٍ مـذاقـه=يــاالله تــرده لــي عـسـى الـنـذل يـفــدا
والــراء رمـانــي صـاحـبـي بالمـحـبـة=يـالـيـتـنـي دايـــــم بـجـنـبــه وقــربـــه
عـسـى الـولـي يـحـمـاه دايـــم بـدربــه=ويحـمـاه مــن ســـود اللـيـالـي تـحــداه
والـزاء زمانـي شفت منه العجايب=ذقـت الشـقـاء والضـيـم ذق المصـايـب
يــا نــاس دلـونـي عـلـى رأي صـايـب=لأعـلّـي أسـلـى عــن هـمــوم ٍ مـشـقـاه
والسـيـن سـاعـة مـــع خلـيـلـي هـنـيّـه=تبـعـد عــن الـنـفـس الـهـمـوم الشـقـيـة
اجـلــس أحـاكــي فـيــه كـــل الـبـريـة=يــا جـعـل عيـنـي تهتـنـي فــي مـحـيـاه
والشـيـن شــدّ الــروح مـنــي خلـيـلـي=شـوفــه يسـلـيـنـي ويـشـفــي غـلـيـلـي
وحـالــي بــراهــا الــهــم واعـزتـيـلـي=وجـدي عـلـى شـوفـه حبيـبـي ولامــاه
والـصــاد صـالـيـنـي فــراقــه بــنــارا=أصبـحـت أفـكـر بـــه بلـلـيـل ونـهــارا
والـعـيـن تــــذرف دمـعـهــا بـنـهـمـارا=بسـبـاب خــل ٍ شـاقـنـي فـــي مـزايــاه
والضـاد ضاقـت بـي جميـع الـدروبـي=أصبحـت مــن فـرقـا حبيـبـي مغلـوبـي
مــن حسنـهـا مـاشـفـت مـثـلـه بـنـوبـي=يــا الله تــروف بـحــال عـيــن ٍ تـمـنـاه
والطـاء طـوانـي طــي مـثـل السجـلـي=خــــلا دمــوعــي يـاهـلــي تسـتـهـلـي
سـهـرت أنــا ليـلـي وفـكــري مـولــي=كـلــه أفـكــر فـــي حـبـيـبـي وحـلـيــاه
والظـاء ظـوى خــده مـثـل ظــو قــداح=وعيـونـه الـلـي صوبـتـنـي بـالأرمــاح
يلـعـب بقلـبـي يـاعـرب لعـبـت الـحـاح=مــــرة يـسـلـيـنـي ومـــــرة بـجــفــواه
والـعـيـن عـايـنـتـه بــســوق الـيـمـامـة=يشـبـه بمشـيـه مـشـي فــرخ الحمـامـة
الله عــلــى حـسـنــه ورقــــة كــلامــه=كـم مـن صويـب ٍ صابـه الـيـوم بشـفـاه
والغـيـن غــم ّ داخـــل الـقـلـب يـغـلـي=كـلـه سبـايـب يـاعـرب هـجــر خـلــي
يـــا ليـتـنـي طـايــر لـحـالــي مـعـلــي=أسـلــي عـــن هـمـومـي ولله شــكــواه
والـفـاء فــلا ذقـــت الـهـنـاء الـسـعـادة=دايـــــم حـيــاتــي كـلـبـوهــا نـــكـــاده
دايــــم أفــكــر كــــل يــــوم بــزيـــادة=فــي غـايـة المقـصـود جعـلـي فـدايــاه
والــقــاف قــاعــد أتــذكـــر حـبـيـبــي=ذكـــراه فـــي قـلـبـي يـزيــد الـهـيـبـي
أصبحـت مـن صـده صراحـة غريـبـي=مــالــي ســــوا دمــــع ٍوآهٍ ومـشــكــاه
والكاف كلي مـن هـوا الزيـن منصـاب=يا كيف بسلـى عـن هـوا سيـد الأحبـاب
ياكيـف يـجـرح قلـبـي ألـلـي بـهـم ذاب=يـــا عـــل آفــــات الـلـيـالـي تـخـطــاه
وألام لأعـتـنــي وصــوفـــه ولأعـــــه=ولهـن علـى شوفـه ولــو ربــع سـاعـة
الله عــلــى خــلــي مـلـيـحـة طـبـاعــه=يبهـر بوصفـه كـل مـن شــاف حسـنـاه
والـمـيــم مـنـزالــه بـقـلـبـي كـبــيــري=يـاريـحـة الـكــادي وريـــح الـعـبـيـري
لــو سـاومـونـي فـيــه مـبـلـغ كـثـيـري=يـبـقـي بقـلـبـي مـــا يــفــارق حـنـايــاه
والـنـون نــام الـلـي مــن الـهـم خـالـي=وأنـا ســرى ليـلـي وأهـوجـس لحـالـي
وراعـي الهـوى تقسـى علـيـه الليـالـي=يــــا الله صـبـرنــي يـــــا الله يـــــا الله
والـــواو وأكـنــي بـفـرقـى الـحـبـايـب=مـريـض مــن مــده ولا نـيـب طـايــب
من كثر هوجاسـي غـدا الـرأس شايـب=كـلـه سـبـايـب مـــن ذبـحـنـي بـفـرقـاه
والهـاء هنـي اللـي رضـى عـنـه ربــه=بـالـديــن والـدنـيــا جــــزاه الـمـحـبــة
والـلــي تـبــع درب المـسـبـة بــدربــه=يـوم الحشـر ينـدم علـى كـثـرة أخـطـاه
واليـاء يـا نــاس استغـفـروا لا تـولـون=صلـوا عـلـى خـيـر البـشـر لا تـزلـون
واللـي جحـد أمــره خبـيـث ٍ وملـعـون=تصـلـيـه يـــا ربــــي جـحـيــم ٍتـلـظــاه

[حوريه]

ألفيه زاخِره بـ الجمَال ....لك اسلُوب متفرّد
وحرف يسلب الإعجَاب
صح قلبك عبدالمحسن
ودام لنا ابداعك
0
0

[داعي الشوق]

صح لسانك مليون يالشاعر

قرأتها علي عجل

لي عوده

ولاهنت

[أم ريما]

والهـاء هنـي اللـي رضــى عـنـه ربــهبـالـديــن والـدنـيــا جـــــزاه الـمـحـبــة

والـلــي تـبــع درب المـسـبـة بــدربــهيـوم الحشـر ينـدم علـى كـثـرة أخـطـاه

واليـاء يـا نــاس استغـفـروا لا تـولـونصلـوا عـلـى خـيـر البـشـر لا تـزلـون

واللـي جحـد أمـره خبيـث ٍ وملـعـونتصـلـيـه يـــا ربـــي جـحـيـم ٍتـلـظـاه

صح لسانك
قصيده رائعه

يعطيك العافيه

[عبدالله الشويمان]

صح السانك يا عبدالمحسن

ولاهنت اخوي

[الطائر المهاجر]

جزلة وطيبة
من راس جزل وطيب
لاهنت
تحياتي

[منيع]

الفية رائعة
تسلم اخي الكريم
رعاك الله
تحياتي

[بنت النور]

صح لساانك

و يعطيك العافية

ولاهنت يالشاعر

[سناعيس]

صح لسانك ياعبدالمحسن
وبيض الله وجهك
على هذه الالفية الجزله
لاهنت
تحياتي

[الطامي]

العمر
صح السانك ملايين
رائعة جدا لافض فوك اخي
شكرا لك