قصيدة شعره طويل ورابط فيه بكله

[سعيد عوده الحويطي]

يسعدني ان اشارك بهذه القصيدة على امل ان تحوز على رضاكم

اشوف لي رجال بزوله وشكله = ويوم التفت ماهي تواصيف رجال
شعره طويل ورابط فيه بكله = متعجب في طول شعره ومختال
وله مشية فيها انعواجه وفتله = وان مالة الغره جلحها على جال
استبدل لبس الثوب بجنز وبدله = وقميصها يحمل تعابير واشكال
اخبث عبارات عليها اكتبت له = ولها معاني ماتسولف وتنقال
يفخر بها ولايدري انها اشتمت له = بالانجليزي احروفها اعراض واطوال
والموضه اللي ظنها ميزتله = في يديه سلسال وبالعنق سلسال
ولو جيت له بالنصح مايصتنت له = يركض ورى الموضات رجلي وخيال
دلوعة امه ماطلب وفرت له = لو من ذهبها تبيع وتوفر المال
ماهمها الا ضحكته الى انظرت له = لوان حياته كلها اهبال في اهبال
وابوه تايه في حياة زهت له = يركض وراها بين الاقفاي واقبال
والبيت واللي فيه مايلتفت له = لاحافظ بيته ولامربي اعيال
والى حصل له مشكله نبهت له = يندم ولاينفع ندم بعد الاهمال
شبابنا من الغرب قوم غزت له = ناس غزت بافكارها عقول الاجيال
باسم التطور فكرها صدرت له = عادات وافكار غريبات واخبال
ونهج الشريعه دربها وضحت له = منهج صريح واضح مابه اشكال
وعاداتناواخلاقنا ورثت له = ميراث اهلنا ثوب وشماغ وعقال
ياهيه يامغتر بدنيا صفت له = احذر ترى الدنيا غرابيل واهوال
واحذر يحيك الموت بغفله وختله = وتغادر الدنيا على سو الاعمال
وصلاة ربي عد ما سبحت له = رب الخلايق عالم كل الاحوال
على الذي كل الملا تبعت له = محمد الهادي عدد وادي سال

[سناعيس]

للاسف هذا الحال لأغلب المقلدين
ودائما هؤلا يبدأون بما انتهى به الغرب
سعيد الحويطي
صح لسانك وبيض الله وجهك
هنا جسدت الرسالة الشعرية كما يجب
وهنا ابدعت وأجزلت
لاهنت

تحياتي

[زهرة اللوتس]

جزلة وهادفه
لله درك ولا فض فوك
تحية طيبة

[عمر ال شيبي]

لله درك ما اجملك
لا هنت وصح لسانك

[مبروك بن ماضي]

أخي المبدع :
الشاعر / سعيد عوده الحويطي
صح لسانك مدد بلا عدد
قصيدة جزله ورسالة شعرية هادفه لواقع مؤسف
وغزو ثقافتي إبتلي به بعض شباب الأمه
سجل اعجابي وتقبل تحياتي وتقديري ،

[داعي الشوق]

الشاعر سعيد الحويطي

صح لسانك وبيض الله وجهك

رسالة شعرية جميلة و هادفه

أبدعت و ماقصرت

شاعر جزل يا سعيد

و لاهنت

***********

[شجون القصيد]

الله الله

صح لسانك شاعرنا

ابيات رائعه من رااائع

وموضوع هادف لافض فوووك

تميز وابداااع

دوما في انتظار جديدك

تحياااتي

[الـزلـزال]

سعيد الحويطي
بوح مميز وهادف
حمل بين طياته رساله واضحه ومفهومه
طرزتها بكل تميز وروعه غالينا
مبدع ومتجدد ومميز رعاك الله
صح لسانك ملايين ملايين
ولك فائق تحياتي وتقديري

[عبدالله مذكر العقيلي]

صح لسانك

ودام نبضك الرائع


تحياتي وتقديري

[الراقي]

نص جميل و اكثر من راائع

وحضور جميل

صح لسانك بلا عدد

^^^^^^^^^^^