كل شيٍّ زاد سعره الا العربي (بالصوت)

[الطائر المهاجر]

كل شيٍّ زاد سعره من فواكه او خضر = وقيمة الرجال تنزل دام اصوله يعربيه
ما يساوي سعر قطوٍ عند من يرعى البقر = ولا يساوي كلب ميت عند شرطه امريكيه
يتهمونه ويمسكونه مثل ضبٍ انحجر = مجرم ارهابي خطير ولو ماعنده بندقيه
وعند يعرب يغيبونه محد يدري به خبر=او يطارد او يشرد او يعرض للأذيه
ولو بحثنا ف السبايب في حيادٍ معتبر = نحصله اصل المصيبه من ورى كل القضية
من طلع من بطن امه ينتحرك كالحجر = مبرمجٍ في سم حاضر فاقدٍ ذات وهويه
راضع مر المذله بالطفوله والصغر= ومن تربى بالمذله يصبح لذله ضحيه
يصبح خويدم مطيعٍ كان يافع او كبر=وكل من حوله بنفس الوضع خدام ورعيه
ولانّا في وقت تغير البعض حس القهر=وصار كالأعمى بدربه في صراعات خفيه
فرط ببعض المبادي لو خدع والاّ غدر = وانحرف من دون يشعر للمتاهات الغبيه
او لبس ثوب التدين يخدع اللي له نظر= وداخله اكبر منافق مخفيٍ كل الرديه
بايعٍ دينه مدامه كل همه في الدلر = ولو يتاجر بالمخدر محد صدق به وشيه
او على درب التطرف حادرٍ مع من حدر= مادرى باللي يديره من عصابه اجنبيه
كل هذا يشرح اللي صار في وضع البشر= وكيف تنزل قيمة العربان من بين البريه

[عبدالله الشويمان]

صح لسانك يا ابو عبدالله

قصيده جزله من جزل

لا هنت لا هنت

[منيع]

جزل ورائد
شكرا لك
تحياتي

[عبدالله السويلم]

الله الله

صح لسانك يابوعبدالله


جزله من راس جزل مبنى ومعنى كالعاده


الله يصلح الحال


تحياتي لك

[داعي الشوق]

اي ولله صدقت

وصح لسااااااااااااااااااااانك و فكرك

قصيدة عانقت الابداع

لاهنت لاهنت

و دمت بخير

[مشعل التريباني]

الطائر المهاجر
صدقت والله فلله درك حيث ابدعت
صح لسانك ولافظ فوك ايه المبدع

[ساهر الليل]

انا اشهد يالطائر

ماتجي الا بالسمان

صح لسانك وفكرك وطاب حالك

رائعه من روائعك المعهوده ولاغرابه

تقبل تحياتي وتقديري

[بنت النور]

صح لسانك وعتلى شانك
لافضافوك امتعتنا
لاهنت
تقديري

[الطائر المهاجر]

شكرا ابو بدر
على كريم المتابعه
لاهنت
تحياتي

[الطامي]

دكتور
صح السانك ملايين
رائعة وهادفه
لاهنت