النفس والقلب خضراء

[محمد بن عمار]

السلام عليكم ...
الله يمسيكم ويصبحكم بالخير
لاتلومون الشاعر !! إذا صار ظلالها
توقّف وهي تمشي .. من شدّة ما
هو مفتون فيها ... هههههه


القلب والنفس خضراء

ياويل من هو صابه السهم غدرا = لا صار من نظرة غرير ٍ ومزيون
وأصبح بوسط القلب يسهج ويفرى = شي ٍ ، به العشاق ، دايم يموتون
باح الكنين اللي له الصدر وكرا = وضاع الكلام اللي من العقل موزون
عيّت طعوني ، داخل الجوف تبرى = وعيّت عيوني ، من عذابي يبيتون
أسهر ورب البيت عن حالي أدرى = مع الهجوس اللي لها الفكر مشطون
كيفي دلال وحمسة البنّ شقراء = تجلى العماس اللي به الراس مشحون
أنادم الفنجال ، في ضيّ قمراء = مع الجهام ، إلى تخطّت ، على الهون
وأسجّ إلى مرّت ، بفكري تخطرا = مشاعري لا جت على البال يبكون
إلى أقبلت مثل الوضيحي تمدرا = بشعل العيون اللي بها الموت مدفون
تنسف جديل ٍ ذوّب القلب وأغرى = ظلالها اللي بجنبها ! وقف مفتون
وقامت تثنىّ لي بردف ٍ وخصرا = وبيض الثنايا اللي كما الدرّ مكنون
ماقد رأت عيني مع الناس عذراء = في قدهّا والحسن والشكل واللون
وان طاب لك وقتك بإنس ٍ وسمراء = ترى مقا بيل الليالي ، يدورون
اغنم مدام القلب والنفس خضراء = واللي بعلم الغيب ماهو بمضمون

مودتي لمشاعركم

اخوكم / محمد بن عمار

[عمر ال شيبي]

الله عليك ما اجمل روحك

والنفس خضرا

الله عليك
روعه من اولها لتاليها

لا هنت وصح لسانك مليون المليون

[عبدالعزيز البليهد]

اي والله صدقت اغنم زمانك

صح لسانك ولاهنت

[علي سعود العازمي]

صح السانك أخي محمد ولي العوده

حجز موكد

[حي الضمير]

صح لسانك
واعتلا شانك
قصيده رائعه بروعة حضورك
لا خلا ولا عدم

[الطائر المهاجر]

مبدع دائما يا ابو عبدالعزيز
صح لسانك وقلبك
ولا هان راسك
تحياتي

[حوريه]

قصيده رائعه ومن شاعر رائع
صح قلبك مليوووون
يا محمدولا يكفووون
دمت ودام الشعر
..

[النهج المختلف]

اغنـم مـدام القلـب والنـفـس خـضـراء
واللـي بعلـم الغيـب مـاهـو بمضـمـون

الله الله

الشاعر المبدع محمد بن عمار صح السانك ، ،

قصيدة رائعة وعذبه من شاعر جزل ومتمكن ، ،
وصف عالي الجوده من شاعر مبدع

لاهنت يابن عمار ولاهان راسك وفكرك ، ،

تحياتي وتقديري ، ،

[داعي الشوق]

يالشاعر محمد بن عمار

قصيدة جميلة جدا و رائعة

ابـــــــــداع رائــــــــــع

كمــا هو أنت دائمــــــــا ،،

[وليدالبسطي]

تسلم يامحمد


على هذا الشموخ


نص مختلف


لاهنت

اخوك

وليدالبسطي