قصيدة المشاركة في حفل الشيخ ابو ليله

[الطامي]

قصيدة المشاركه الأحتفال بتكريم الشيخ /ملهي بن قبلان شيخ المنشي ال عاطف القحطاني بعد زيارته للشيخ ابو ليله بن حمد في هجرة فضيله التي نشر منها صور بالأحساء نيوز تجدونها بقسم الصحافه والعلاقات العامه بالمنتدى

الرساله جات يابو حمد وابشر يالسعد = وهاتف جاني وانا حاضرٍ واِرقى سنود
ليلة يطرب لها الشايب ويطرب لها الولد = تفرح الصدقان وتغيض سودان الكبود
فزت فيها يابو ليله وذي ليلة سعد = بو حمد لاكلَح الشارب كما نجم السعود
ومرحبا واهلين باللي لفونا بلا عدد = عد همال الغيوم وعد ذرات الحيود
مرحبا في حفل ربعي وفيين الوعد = مرحبا عند ال مره ملايين وتزود
مرحبا بك يابن قبلان مليار وبعد = مرحبا بك ياملهي عمى عين الحسود
لابة لهم الراوي بتاريخه شهد = من قحطان المسى يامعربة الجدود
مرحبا بك يابن مشني مارعاده رعد = من العاطف لاعتلا الحزم شيطان هبود
عند ابو ليله على العز وابو ليله حمد = وكل قرم من المره وقولي له شهود
صلب يام الى اعتنزا كل يامي بالثمد = واعتزو عيال الشبيبي تزعزع كل عود
لاعتلا عج الرمك وبان من رميه ركد = تثني الرده على الضد لين انها تسود
ذا لعينا كل ملحا ومركوزة نهد = ترفع المليثم وتنعت هل العاده بزود
وتكرم الضيفان وتجير في حق وعمد = وترفع العاني على الراس ومن حقه تذود
والمدح لاصار قولٍ وفعل بمستند = جاز تشهيره على الناس والصدق محمود
قلتها وكل القبايل لها حقوق ضمد = ماقصرنا حق وافي ولا فينا جحود

[الطائر المهاجر]

صح لسانك
طيبه من طيب
لاهنت
تحياتي

[الطامي]

صح بدنك دكتور
وشكرا لمرورك
لاهنت

[عبدالله السويلم]

صح لسانك يابومحمد

جزاله يالجزل

ابدعت وامتعت

تحياتي لك

[منيع]

جزل ومبدع وفي من يستحق
تسلم ياالطامي
تحياتي لكم

[حي الضمير]

ياسلام ابومحمد
قصيده رائعه وجزله حيل
وعوايدك يامميز
صح لسااانك مدد

[عناد الرواد]

يستحق له من حصله

لا هنت يالطامي على العذب من القصيد

والف شكرا على اتحافنا

[نجم الإبداع]

صح لسانك يابو محمد

زافي

وونعم بالمادح والممدوح

لاهنت

[الراقي]

صح السانك مداد
كتبت فأبدعت
دمت بسعاده ياجزل

[الواحدي]

للجزالة رونق خاص وانت مبدعها
صح لسانك وقلبك
ولاهنت
تحياتي