لا بار بك خلك وغيّر طباعه(بالصوت)

[الطائر المهاجر]

القاء

لا بار بك خلك وغيّر طباعه = ولا قدّر اللي تبذله من جمايل
همش عليه بكل عقل وشجاعه= ودور على غيره تلاق البدايل
مقعدك مرتاحٍ ولو نصف ساعه = ولا عمر يمضي بالنكد والنكايل
وعمرٍ مضى محسوب ماله رجاعه= فاغنم بقايا العمر فالظل زايل
الوقت علّمني الصبر والقناعه = وعلمني ما سنّد على جدار مايل
وعلمني ما اقبل خبيث اللكاعه= وعلمني كشف اللي مشى بالختايل
ماني من اللي ينمسك من ذراعه= ولا من يغضّ الطرف خوف الفشايل
والمقفي ما اودّع ولا بي وداعه = ولا ني من اللي في رجوعه يخايل
هذا أنا ياماشيٍ في ضياعه = من قبلما يلهبك صال القوايل
مبداي واضح ما يبي له رماعه = الدين يحكمني وسلم القبايل

ماني من اللي ينمسك من ذراعه= ولا من يغضّ الطرف خوف الفشايل

مبداي واضح ما يبي له رماعه = الدين يحكمني وسلم القبايل
الله يعطيك العافية
القصيدة كلها رائعة
ويكفي لو ماب هالقصيدة الا هالبيتين
لأني اعتبرهما قصيدة منفردة
صح لسانك

وعمرٍ مضى محسوب ماله رجاعـه
فاغنم بقايـا العمـر فالظـل زايـل
الوقت علّمني الصبر والقناعه
وعلمني ما سنّد على جدار مايل

صح لسانك يالمهاجر

ابيات جزله الله يعافيك اتحفتنا بها لاهنت

تحياتي

[خالد العمري]

مقعدك مرتاحٍ ولو نصف ساعه = ولا عمر يمضي بالنكد والنكايل
وعمرٍ مضى محسوب ماله رجاعـه=فاغنم بقايـا العمـر فالظـل زايـل

الطائر المهاجر

طالما تتحفنا بأروع مما قبله

رعاك المولى عز وجل

وصح لسانك وعلا شانك

[سناعيس]

الطائر المهاجر
صح لسانك واعتلى شانك
قصيدة رائعه وجزله
وصدق المثل اللي يقول
ماتعرف قديري لين تجرب غيري
لاهنت يالغالي

تحياتي

[عبدالله راشد الثويني]

مقعدك مرتاحٍ ولو نصف ساعه
ولا عمر يمضي بالنكد والنكايل


دررره من بحر طائرنا المهاجر

كتبت فأبدعت

سلمت لنا أناملك التي لا تحضر الا الجزال

تحيتي لشخصك الكريم

[ابراهيم عبدالحميد]

شكرا أستاذنا الحبيب

لما جاء بين سطورك الزاهيــــــــه
من كلمات ومعانى رائعه و راقيـه
تتألق بين سطورك لتضئ صفحات
تزهوا و تشدوا بأجمل الإبداعــات

[مبروك بن ماضي]

عندما نحضر هنا :
فاننا نأخذ حصه شعرية تعليمية
من لدن استاذنا النبيل شاعر العثمانيات
سلمت يداك يادكتور عثمان العبدالله
ودمت رمزاً من رموز الإبداع
سجل قوافل اعجابي
وتقبل عاطرتحياتي وفايق احترامي ،،

[ســُلاف]

الوقت علّمني الصبر والقناعه = وعلمني ما سنّد على جدار مايل
وعلمني ما اقبل خبيث اللكاعه= وعلمني كشف اللي مشى بالختايل
ماني من اللي ينمسك من ذراعه= ولا من يغضّ الطرف خوف الفشايل
والمقفي ما اودّع ولا بي وداعه = ولا ني من اللي في رجوعه يخايل
هذا أنا ياماشيٍ في ضياعه = من قبلما يلهبك صال القوايل
مبداي واضح ما يبي له رماعه = الدين يحكمني وسلم القبايل

مااجمل الوضوح
حكم من يفهمها ويطبقها
رغم ان هناك من يطبق وانا اولهم ان شاء الله فاحس انك كتبت عني دون ان تعلم ذلك
الحياة تعلمنا والمواقف تعلمنا سواء التي تمر بنا او بمن هم حولنا
طائرنا المهاجر صح لسانك

صح لسانك
ماراح اقتبس شيء كل الأبيات رائعه
ومكمله بعضها
فيها حكم ودرر

كل الشكر لك على هذا الجمال
دمت بخير