أسج أقـدمـي فـالـبـر"

[احمد حامد الزايدي]

أسج اقدمي فـالبر واطـرب لصوت الـريح=وترتـاح نـفسي مـن عـنا البيت لن جـيته
أنـا الـبـر أحـبـه وانـسجـم فـيـه واستريـح=ينـسـيني أزعــاج المـكـيف لـيـا اوحـيته
أدور عـلـى مــكــان في خــــا يـــعٍِ فـسـيـح=وانـزل مـعـامـيلي لـيـا الـجــــيـب رسيته
وأبى أشب نـاري عـقب كــل الـفـيايـا اتـطـيح=وأقـدع عـلــيـهـا دلـه أبـهـارهـاأزكـيته
اغـني واهـوجس ساع اشوف الدلال اتفيح=دلال(ن) مـن الـرسـلان لــلـضـيــــف دنـيـتـه
وأرحـب بـضـيفـي في قــدومـه بـهـبـت ريـح=وأقـهــويـه فـنـجـال مـن الـكـيـف سويته
يـكيـف عمس رأسـه وعـنـه الصداع يزيـح=ترى البيت سـبـب لـه صداع وخرب بـيـته
الأنـسان يطفــش والسبب كــــثرة الـمطـيح=مطيحه فـي بـيـتـه بسببه قـلـت شهـيـته
ترى دايم التـمـرن منه الشحــوم اتسيح=وصحـتــــك تـتـحــسـن مـدام أنـك اديـتـه
أكـيــد المــقـــــدر لازم ايـجــيـك يـافــصـيح=يـبا يـجـيك غصب عـنك لوأنك أبيته
الإنـسـان طـبـعـه يـعــجـــــبـه دايـم المـديـح=يـبـا الناس دايـم تـسمع أبذكره أوصيته
وراع المـكــارم يـفــتــخــر والـكــرم مـلـيـح=كـرم حـاتم الـطـائـي ذخــــر لــه وذريته
ولـن مـت تـدفـــن فـي قـبـر فـوقه الصفيح=تحاسب عن الـلي قـــدعـمـلــتـه وبديته

[صنداح الزلامى]

الشاعر // احمد حامد الزايدي


صح لسانك واعتلا شانك لاهنت

يالقرم لك سجل اعجابي ودمت بخير

[مبروك بن ماضي]

الاخ الفاضل الشاعر / احمد حامد الزايدي
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[احمد حامد الزايدي]

المستشار/ صنداح الزلامي

هـلا وغـلا بابن الـعـم

وصح بدنك والله يسلمك

زادني حضورك تشريف

لك شكري وتقديري

[احمد حامد الزايدي]

المشرف القدير الشاعر/مبروك بن ماضي

ما أجمل حضورك المشرق اللذي أنار متصفحي

وصح بدنك والله يسلمك وممايسعدني أنك أستمتعت بقصيدتي

لك جزيل شكري وتقديري

[الـزلـزال]

احمد الزايدي
قصيدة رائعه ومميزه
من شاعر تعودنا منه تقديم كل مميز
أبدعت شاعرنا ولنا أمتعت رعاك الله
صح لسانك ملايين ملايين
ولك فائق تحياتي وتقديري

[حوريه]

بوح راائع ومميز من شاعر مميز

صح قلبك يااا أحمد

وطااااب شعرك

[سعيد الصاعدي]

الاخ الفاضل / احمد حامد الزايدي
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[سعد الشقحاء]

صح لسانك
واعتلا شانك
قصيده جزله

[الخنساء]

صح لسانك واعتلا شانك

قصيدة جزلة من شاعر متمكن

سلمت ودام حرفك