ياوجودي وجد من هو!

[عذب القوافي]

	--(( ياوجودي وجد من هو ! )-- ياوجودي وجد من هو غايب ٍ عن والديه=وسط غربه ومتبهذل ما تهنـى بالكـرى أو وجودي وجد طفل ٍ قام يبكي بالوجيه=ضاقت الدنيا الفسيحه في عيونه ما درى أو وجودي وجد عاشق خان حظّه مايبيه=ينتظر طيف الحبيبه لو رسالـة تنقـرى من زمان ٍ صار يحسب الغبي وسطه نبيـه=والرذيلة بالفضيلة والحميّـه للـوراء والمراجل فيه تحسب بالريـال وبالجنيـه=والخديعة يذكرونه فـن وأمسـى مزهـرا والأودام وش بلاها للتواضـع ماتبيـه=والكذب ياناس زايد وش سببها ياتـرى! والمجامـل كالمطيّه والأوادم تمتطيـه=ومن تبّسم لايهمك بعض منهم أقشـرى والشجاعة لو تعزوى مالقت من تنتخيـه=وكم خبل ٍ في زمنا يحسب إنـه عنتـرا والفضيله مل حيله بين مجـرم أو سفيـه=والبعض فعلا ً تمـادى وللعفانه قد ضرى والبخيل ولو تصّنع الكرم ماهو بيديه=والردي لاشك غارق بالوحل مايذكرى تقديري للجميع ,,,,,

[عبدالعزيز العقيدي]

\\اخوي الشاعر /عذب القوافي
بوح مميز وعذب
من شاعر رائع ومتميز بكل مايقدمه
ابدعت شاعرنا وأمتعتنا
صح لسانك ملايين ملايين
تقبل مروري مع أجمل تحياتي وتقديري لك

[الخنساء]

صح لسانك مليون ولايكفون

قصيدة جزلة من شاعر جزل

سلمت ودام حرفك

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[حي الضمير]

صح لسانك وعلا شانك
قصيده جزله من راس جزل
ولا عدمنااااك
أجزل التحايا والاحترام يامميز

[منيع]

ابيات رائعه ومميزه
بارك الله فيكم
تحياتي وتقديري

[داعي الشوق]

صح لسانك يا بو ابراهيم

لك أسلوب خاص في الموضوعية دائما

يا عذب القوافي

صح لسانك مع التقدير لك

،،،،،،،،،،،

[احمد الجريفاني]

جزلة من راس جزل

[الـزلـزال]

والمجامـل كالمطيّـه والأوادم تمتطيـه=ومن تبّسم لايهمك بعض منهم أقشـرى
والشجاعة لو تعزوى مالقت من تنتخيـه=وكم خبل ٍ في زمنا يحسب إنـه عنتـرا

عذب القوافي
قصيدة في قمة العذوبه والأتقان
من شاعر عذب ومتقن وجزل
مبدع شاعرنا وممتع بكل حالاتك
رعاك الله
صح لسانك ملايين ملايين
ولك فائق تحياتي وتقديري

[ابو أنس]

الفاضل عذب القوافي....................
اسلوبك الجميل وطرحك المتفرد
وانتقارك للموضوعات المفيده
سمة تميزت بها حتى صرنا نركض لنصوصك لما نجده فيها
من جزالة وتنوع وحسن طرح
تحية وشكر ممتدان بامتداد نقاء بيوتك