..,,.. النار شبّت ..,,..

[بنت القصيد]

لا ناشت النار يالعربان راس الفتيل=ماعاد يمدي بعد شبت تطفونها
والوادي اللي غرق قدام جاه المسيل=فيه الاوادم جثث نطلبكم اكفونها
من ضيع الدرب لازم نعتمد له دليل=والروس ما تنحني لو ضعفت امتونها
يازارع التيه قلي كان تبغى حصيل=اعطيك من زرعت الامجاد وغصونها
واعلمك كيف تحشم لا لفاك الدخيل=واتثمن الجوهره لاجتك واتصونها
انته حفيد الكرم لاكن مدك بخيل= يامن تدك العرب في داخل احصونها
العام معك السبيل اليوم ضاع السبيل=يومك تبيها ياكيف احتلت من دونها
كثّرت لك يوم غيرك راجين بي قليل= وانته تغرك دموع القوم بعيونها
قدّرتك ولا طروك اقول ماله مثيل= وانته جهلت السيوف اللي يحدونها
بعد العطا والوفا انكرت هاك الجميل=ساويتني في صغار القوم وارعونها
حديتني للرحيل ان كان عفت الرحيل=والمشكله روحت لا لا تحلونها
ماجيت اقابل نحيبك والبكا والعويل=لان العقول النبيهه تصدق اظنونها
والوقت وان شان ماله غير نفض الشليل=والتمره الطيبه من طيب عرجونها
مانهد حيلي لو ان الوقت هداد حيل=والغايه اللي بغوها ما يلاقونها
والنار شبت وطاح اللي نصاها قتيل=ياليت بعض المبادي ما يخلونها

[زهرة اللوتس]

الشاعرة // بنت القصيد
اتشرف لكوني اول المتصفحين
لهذه الباسقة
سلمتي وسلم منطوقك
جزلة من شاعرة جزلة
تحياتي
وتقديري

زهرة

[حي الضمير]

الشاعره الرائعه بنت القصيد
مدد بلا عدد صح لسانك
قصيده ذات معنى نجهله
لكن ابدعتي حيل بارك الله فيك
قصيده تجبر القارئ ان يعاود قرائتها مرااات
والاكيد سأعاود المرور للأستمتاع بحروفها

[الطائر المهاجر]

رائعة من شاعرة رائعة ومبدعة
صح لسانك وفكرك
ودام ابداعك
تحيتي ومودتي

[الأموره]

بنت القصيد ..~

صح لسانك ملايين ..~

سلمتي و سلم فكرك ..~

ألف شكر لك ..~

دمتي برعاية الخالق ..~

[عبدالرحمن حميد الغانمي]

الله .. الله .. الله عليك يا بنت القصيد

و الله روعة روعة

و مثل ما قال اخوي خالد الحمد تجبرك على معاودة قرائتها

لله درك يالجزلة


و ما شاء الله تبارك الرحمن

صح لسانك يا اختي

[منيع]

ابداع وتميز
بارك الله فيك
تحياتي

[ناصر عبيد الهواوي]

يا سلام يالقاسمية على هالكلام اللي مثل نقد الذهب صراحةً ما دري ابدأ بالمعاني السامية او المباني
الراقية او الشموخ في المقاصد لكن في النهاهية روعة متناهية من جميع النواحي صح لسانك اختنا
بنت القصيد ولله درك ولا فض فوك ودمتي مبدعة والسلام

[داعي الشوق]

صح لسانك يا بنت القصيد

قصيدة رائعة ،

رغم الرمزية التي حوتها

مما يجعل القاري يتمعن أكثر بمعانيها

وهذا بلا شك إبداع لا يجيدة إلا

بنت القصيد

صح لسانك مدد بلا عدد

مع التحية و التقدير

[محمد عبدالله البدراني]

الفاضلة بنت القصيد سلمها الله



مليون صح السانك وعلا شانك


ابيات جميله ورائعه


لله درررررك



تحيتي وتقديري