لاتوهق النفس

[مهدي الحبابي]

أخواني وخواتي اسرة وزوار منـتـدانا الشامخ اقـدم لكم هـذه القـصيده التي ارجو ان تنال ولو على القليل من رضاكم واستحسانكم

= = =
يا هاجسي وش طراك جعل فالأمر خير = السالفـة عأيـديـه روووح وتعـدهـا
تدري من العلم هذا قد وصلنـي نذيـر = وكنت أتجنب من أعلومـه ولا عدهـا
وذلحين ما ني مصلي ركعتين استخيـر = قال المثل كلمـةِِ فـي خاطـرك بدهـا
يا شخص رأيك ترى وزنه بحبة شعير = ما همني رأي ناسِِ ما أنعـرف جدهـا
فلا تحط راسك براسي خاف تتعب كثير = ولا توهق النفس في حاجه ما هي قدها
يا بن الأوادم تريح وأسترح من قصيـر = هذي النصيحة هديه ما أحتـري ردهـا
ادروبنا كأيدها وأعرفك منـت بشطيـر = وخطوتك ثبت قدمهـا وأحـذر أتمدهـا
نصيحتي يا ولد تأتي بروحـك بصيـر = وخلك مع الشلة اللي صعـرت خدهـا
الشلة اللي مما شيها مع النـاس غيـر = وزيـر يـرأس وزارة جـيـبهـا ودهـا
هذي نصيحة وخذها وأخذ رأي الشوير = هذي النصيحة هديه ما أحتـري ردهـا

[ابو زياد]

الاخ والشاعر مهدي الحبابي
صح لسانك على هالقاف المميز
ودمت بخير

[أم ريما]

صح لسااااااااانك

الشاعر مهدي

الله يعطيك العافيه على القصيده الجميله

تحياتي لك

[مقبل مساعد الحربي]

الغالي/ مهدي الحبابي

سلم الفكر والبوح,,,

صح لسانك مليون

تحيــــــــــــــــــــــاتي ,,,العيصــــــــــوم

[الطائر المهاجر]

صح لسانك وبيض الله وجهك يابو مسفر
جزلة من راس جزل ، خير الكلام ماقل ودل
كيه على العلبى ، يمكن توقظ.
لاهان راسك يالغالي
مع أطيب تحياتي

[سناعيس]

الشاعر مهدي الحبابي

صح لسانك
وبيض الله وجهك
قصيدة جزله ومن شاعر جزل

تحياتي

[ابراهيم السنيدي]

اخوي الشاعر مهدي الحبابي

لاهنت وصح الله السانك
شاعر جزل وقصيده رائده

يعطيك الف عافيه

اخوك ابراهيم السنيدي

[نجم الإبداع]

صح لسانك يابو مسفر

نصيحه قيّمه

بيض الله وجهك

تحياتي وودي

[الآكيد]

بيض الله وجهك على هذه النصيحه والابيات الجميله


جزله من جزل

[الخنساء]

صح لسانك اخي الشاعر مهدي
لاهنت رااائعه تحمل النصيحه
بيض الله وجهك
سلمت وسلم شعرك
تحياتي