(( استراحــــة الشعــــــــار ))

ياليت قلتي ما احبك كان مافكرت فيك = كلمت (احبك )كل ماقلتيها نرجع للبدايه
سولفت لي كل نظراتك عن اللي يحتويك =بين سمعي وبين شوفي اختلف معنى الحكايه

ماجد العديلي

[الـزلـزال]

هات القلم بكتب عن الهم تقرير = وبكتب نهاية قصتي يم بيته
بقول له ياهم روح على خير = دربك وهو دربك تراني جفيته

الـزلـزال

[رفيعة الشان]

هذا الخطا منك ولو معك تبرير=ياللي تدور لك عذر ما قبلناه
اللي يقدرني اكن اله تقدير=واللي يلفلف حولنا ماهضمناه

[عبدالله راشد الثويني]

هزٌنِـي وأشقى خفوقي ياسعد=دمعته ياخوك ماهانت عليٌ
أدري إنه راح عنٌي وأبتعد = من يفهٌم خافق(ن) يغلي غليٌ

يطول شرح الجرح لو ينحكى به=تقصر سنيني وماتوفي بالأحزان
واقصر سؤال تحس إنه إجابة=لا قال ماكني أنا وانت أخوان ؟؟؟

ماجد العديلي

[عبدالله راشد الثويني]

نادني يا صوتها .. وابشر بعزٌك=لك نجيب الصوت من قبل الندا
فدوتك قلب الذي با القلب رزٌك=تستحق القلب لو جالك فدا

السـمـح

[محمد المغيلث]

الله اكبر لي خليلن ماجمله=وياحلاته زين خلي واعذبه
كنه البدر بجماله واكمله=اكلن قلبي ودمي يشربه

[عبدالله راشد الثويني]

هلت الدمعه على الخد الحزين=وإبتدى قلبي متاهات الدورب
زاد وجدي والعنا .. زاد الإنين =وإنحنت شمس المحبه للغروب

السمح

[محمد المغيلث]

بنات فكري وان لفني تغنيت=على الذي عذب محمد بحبه
الي على شانه غدى الزاد حلتيت=مابه رحم ماخاف ربي وربه

[رفيعة الشان]

هونت ولا لين ذلحين صامل=ولا غشا عينيك دونه تردد
ما به على ذا الارض ياخوي كامل=روح ولا تترك احكاهم يلدد