((( تكفون يأهل المنتدى ساعدوني )))

[فهد الغنام]

(( أنا حبيبي ))

يالربع من عنده اعلاج المواليـف=تكفون يا هل المنتدى عالجونـي
لي صاحبٍ في جرح الاحباب كييِف=يفرح إلى شاف الحزن في عيوني
يقول هذا الحب ما هو سواليـف=والله لجنن عاشقي فـي جنونـي
حبٍ يجي ويروح مثل العواصيـف=خلّـه لنـاس بالهـوى يلعبونـي
أنا حبيبي لا زم ايصيـر حريِـف=يفهم ويعرف وش خفايا شجونـي
لا مرته فكره مـرور الخواطيـف=يحلهـا لوهـي صعيبـه بدونـي
ابيه صلف ولا يجي خبل وضعيِف=وابيه حسّاس المشاعـر حنونـي
وابيه يبرك للحمـول المراديـف=ومن ضرب كفه لشرف ياردونـي
وابيه لا عدا بـروس المشاريـف=يقنب قنيب مشرهفـات الاذونـي
ما بيه ملقوفٍ سـوات الملاقيـف=اللي محبتهـم علـى كـل لونـي
لا جا لزومه باللقا فر مـا شيِـف=ما هو من اللي لنضـا ينطحونـي
ولا بيه متّحضر ولا قد سكن ريف=ولا بيه من قوم الطرب والفنونـي
ابي بدوي ما فيه غشٍ وتزييِـف=وبّال مـع ذوده يجـر اللحونـي
هذا مرادي والعـذارى تواصيـف=وكلٍ على كمـه يفصـل اردونـي
وإن كان عودنا على نيف ومنيف=يا ليتهم مـن حبهـم يرحمونـي
حبٍ يجي ويروح مثل العواصيـف=ماله اثر فـي خافقـي ياعيونـي

فهد الغنام الشمري

[سناعيس]

هذا غرام صدق ماهو سواليف ** خلك على ماقال وصف ولوني

فهد الشمري
صح لسانك
على هذه الرائعه
وبيض الله وجهك يالغالي

تحياتي

[يوسف الشقران]

طب الهوي ياصاح ماهو على الكيف = ياكثر من لاوجاعهم يشتكوني
من قال عنده طب قله تخاريف = مالك سوى النسيان مهما يكوني
مثل النخل خلك بوجه العواصيف= ميّل معاها وكل شده تهوني

قبل ماقرا القصيده وانا اقول الكبير كبير


وتبقى كبير يابو غنام


رائع كعادتك

حبٍ يجي ويروح مثل العواصيـف
خلّـه لنـاس بالهـوى يلعبونـي

صح لسانك
قصيده جميله
كل الشكر لك
دمت بخير

[ابومياس]

حبٍ يجي ويروح مثل العواصيـف
000000000000ماله اثر فـي خافقـي ياعيونـي

فهد الشمري
اراك بهذا النص متيم

قصيدة جميلة الاسلوب

جزلة المعاني

صح لسانك

صح الله لسانك ابداع

يامرحبا حياك يامكرم الضيف=احكمت قافك وانتقيت الوزوني
انا اشهد انّه كايف القاف ويكيف=اقبل وكانّه من هميل المزوني
درب الهوى همٍ بلاشك ويخيف=الله يعين اهل الهوى يتعبوني

فهد الغنام

ياهلافيك

وصح لسانك واعتلى شانك

ابيات جزله من راس جزل لاهنت

لك التحيه

[الصريح العتيبي]

ابناخينا/فهد الغنام--------------سلمه الله
صح لسانك واعتلى شانك
جزله من شاعر جزل
لاتنسى خوالك دورلهم معك يالبناخي
دمت بخير حال

[عبدالله البهلولي]

الشاعر العزيز فهد تسلم اخي تسلم
وابياتك كلها زينه ومزيونه بطلتك الطيبه
تسلم على هذا الاستدراج الطيب لكل شاعر
دمت بالف خير

[مبارك أبوظهير]

الغنام



صح لسانك .. وقلبك وفكرك .. أبدعت لاهنت




تحياتي لك .. وإعجابي




مبارك