الميدان ياحميدان

[الطائر المهاجر]

وينكم يا الشعار الي وده بالمحاور يقلط ويبدأ ، واللي يبي شاعر معين من الحضور يطلبه

مسااااااكم الله بالخير.
.
.
.

ياسلام الله سلامن ياصل لكل الحضور=من هجوسن قادها لهل الوفا سلك الحرير
يارفيع القدر ياعثمان ياواف الشبور=جيتلك حسب الطلب وانته قبيلي يالخبير

.

.
.

[الطائر المهاجر]

مرحبا بالحر نسل الحر من حر الصقور = من عرفته اعرفه شيهان في طبع الأمير
ان بغيت الشعر تلقى بغيتك عنده بحور = وان بغيت النقد والتاريخ فمحمد كبير

البقابك من ضميرآ مايلف ولايدور=شاعرآ ماشبه الحصن الأصيله بالبعير
ياعميلي لي عميلن بالشدايد مايبور= والحيايا اللي تلوى طبها السيف الشطير

[الطائر المهاجر]

الفطاحل في وجودك زادت الأنوار نور = والحيايا مالها بارض الفطاحل من نصير
كلهم ابناء اسره واحده عرق وجذور = بالمحبه والتآلف بحرهم دايم غزير

الفطاحل مدهل الوافين مافيها قصور=مدرسه فيها النشاما حاضره وانت المدير
ياوسيع العرف شفنا بالسما قطعة طيور=كلها قامت تداحم ودها براس العسير

[الطائر المهاجر]

خلها تولي وفتش عن مقامك في القصور = فالصقر يعرف مقامه والرخم ماله مجير
من تسلق يوم ياقع والنهايه في الجحور = والشمس مايوم تحجب لو بدا جوٍ مطير

المشاركة الأصلية كتبت بواسطة المشرف العام

خلها تولي وفتش عن مقامك في القصور = فالصقر يعرف مقامه والرخم ماله مجير
من تسلق يوم ياقع والنهايه في الجحور = والشمس مايوم تحجب لو بدا جوٍ مطير

.
.
.

يارفيقي من قديمات الليااااالي والعصور=والذهب ماله بوسط السوق يالغالي نظير
مير لاقام الرحى يفتر ياذيب ويدور=مايلام الا شجاعآ حط سيفه بالجفير..

.

.
.
.
.
.
.
.

المعذره اخوي عثمان الأتصاااال بطيء جدا...

[الطائر المهاجر]

معذور فالإتصال بالفعل سئ

الرحى لادار فاصبر مايفوز الا الصبور = تنفرج من بعد ضيقه حكمة الله القدير
هالزمن ماهو لسيف ولاشجاعٍ او غيور= الزمن للي يفكر عارفٍ وين المسير

اخوي عثمااااااان والله اني اتشرف باللعب معك والاستفاااااده منك.وهذا مكسب لي بالمقااام
الاول ..

استلم طال عمرك وامسكوالصفوف ياجمااااااهير وينكم????????؟؟؟؟؟؟؟؟؟؟؟؟؟؟؟؟؟ ؟
.
.
.
.

كل رجلآ بالشدايد له مقامه ومخبور=والنعامه لو ترف الريش ماقالوا تطير
يالسنافي ليت تنشد من سكن ذيك القبور=ثم تجيني بالجواب اللي ينومس لو يصير