اشهد ان الرمش لاسلهم خطير(بالصوت)

[الطائر المهاجر]

اشهد ان الرمش لا سلهم خطير = من يصيبه اشعل بقلبه لضاه
لو بغى المهرب فلا له من مطير= ولا له علاجٍ سوى شهد الشفاه
صابني الصياد في وسط الضمير= صيدة الشيهان ما منها نجاه
احسب اني سالمٍ واقوى اطير= واثر جنحاني تهاوت في الفلاه
صرت كالحيران في عز الهجير= لاقدر يمشي ولا يرجع وراه
كلما حاول وعزم للمسير = شدته ارضه مثل عود الغضاه
يتبع اللي صوبه مثل الغرير = وان وقف وقف وطالع في العباه
صحت باعلا الصوت انا بك مستجير= فك سحرالرمش جاوز منتهاه
التفت يمي وقال امرك يسير = كان صابك بالحشا عندي دواه
غير انا منصاب في القلب الكسير= عالجه يالطير من نزفٍ بداه
جاذبية كوكبك عبر الأثير = ادخلتني في متاهات الحياه
عندها أدركت اني بالف خير = رمشها الماكر تبيّن وش وراه
تاجره بالحب تصطاد الضرير = تحسب اني مثل غيري في عماه

[عبدالله راشد الثويني]

صح لسانك ولا هنت

دكتورنا وشاعرنا المبدع أبو عبدالله

وصف رائع يدل على إيداع لا محدود سلمت لنا ولا عدمناك يا الغالي

تحيتي لك

[ماجد الزيد]

تاجـره بالحـب تصطـاد الضريـر
تحسب اني مثل غيري فـي عمـاه




صح الله لسانك استاذي وجاد بنانك
تسجيل اعجاب وليست شهادة
فالشهادة مجروحة يابو عبدالله
تقبل ودي وتقديري
اخوك الصغير
ماجد الزيد

جاذبيـة كوكبـك عـبـر الأثـيـر
ادخلتنـي فـي متاهـات الحـيـاه
ابدعت بهذه الباسقه
صح لسانك
ودام ابداعك
تقبل اطيب تحياتي

[مبروك بن ماضي]

الاخ العزيز الشاعرالكبير الدكتور / عثمان العبدالله
لاجديد استاذي سوى الابداع الغير مستغرب من اهله.
ولا نملك امامه الا التصفيق بحراره..
والتأمل في كلماتك وحروفك المشرقه
تفضل بقبول تحياتي واحترامي الكبيرين
أخوك / بن ماضي

[ابومياس]

تصفيق يليق بما تقدم

من جمال الحرف

صح لسانك وعاش راسك

دمت بخير

المشاركة الأصلية كتبت بواسطة الطائر المهاجر

جاذبية كوكبك عبر الأثير = ادخلتني في متاهات الحياه
عندها أدركت اني بالف خير = رمشها الماكر تبيّن وش وراه
تاجره بالحب تصطاد الضرير = تحسب اني مثل غيري في عماه

الله الله يادكتور

صح لسانك ولاهنت على القصيده الطيبه

لك خالص الود

اخوك

محمد المطيري

[منيع]

احسـب انـي سـالـمٍ واقــوى اطـيـر=واثـر جنحانـي تهـاوت فــي الـفـلاه

[line]

هذا للشيبان ترى اكبر نذير=لاتهوربالهوى خذها وصاه

هههههههههه
تسلم يابوعبدالله
كلك خضر
تحياتي

[الطائر المهاجر]

المشاركة الأصلية كتبت بواسطة الـسـمـح

صح لسانك ولا هنت

دكتورنا وشاعرنا المبدع أبو عبدالله

وصف رائع يدل على إيداع لا محدود سلمت لنا ولا عدمناك يا الغالي

تحيتي لك

شكرا لكريم مرورك وتفاعلك الراقي
لاهنت يالغالي
تحياتي الطيبة

[الطامي]

صابني الصياد في وسـط الضميـر
صيدة الشيهـان مـا منهـا نجـاه
:::::::::::::::::::::::::::::: ::::::::::::::
يالله تخارجنا
رحنا و طي
ترى حجينا وتبنا يادكتور
لاتهيضنا على ياطير ياللي