لا شاب راس الرجل تبدا عذاريبه

[الطائر المهاجر]

لا شاب راس الرجل تبدا عذاريبه = وتبدا تفتح عليه امراض مجهوله
مثل القرنبع ولو احسنت توضيبه = لا تامنه لو وقف في درب مأهوله
مهما يقولون عن طبه وتطبيبه = العود عودٍ خلص قازه ومفعوله
ياسرع طيحته لو ما انت تحري به= ادناة شي يجيبه ينفض خشوله
فاغنم شبابك ولا تحياه بالسيبه= فمن لازرع ما حصد لادار به حوله
اليوم علمه معك والغد في غيبه= فلا تئجل لْوقت ماتدري عن قفوله
العمر يركض فلا تجهل بتحسيبه = كم شايبٍ عاش في حسرات مدبوله
لانه تساهل ولا احسن بترتيبه = يومه شبابٍ فكان الغم محصوله
تلقاه ضايع وحيد وعيبته عيبه= في وقت للقرش كلٍ تزمر طبوله
ورجل بلا قرش ماله عز او هيبه = فاحفظه كلٍ يبيك ويطمع بنوله
على الأقل لو يهلي في تراحيبه = وينشد عن الحال لو هو كاذب بقوله
ولو صرت حتى فقير وخيبتك خيبه= فاظهر بأنك غنيٍ زين مدخوله
صيت الغنى ينفعك لو هو باكاذيبه= ولا صيت منهو فقير الحال بسبوله

[داعي الشوق]

صح لسانك يالطائر

صدقت و الله

الزمن هذا مودة الناس تزيد للشخص الغني و تاجر ،

قصيدة لها مثال حي و واقعي

صح لسانك

مدد بلا عدد يا بو عبدالله

مع التحية لك

[عبدالعزيز العمار]

الطائر المهاجر :

صح لسانك واعتلى شانك ...

قصيدة جزله كما هي عادتك من شاعر جزل..

لاهان راسك وتقبل مروري وتحياتي ...

[حي الضمير]

صح لساااانك وفكرك يابوعبدالله
بحر من الجزاله وابدعت يامتميز

[منيع]

ابيات رائعه ومعبره
بارك الله فيكم
تحياتي وتقديري

[بنت العز]

صح لسانك شاعرنا
تسلم لاهنت
يعطيك العافيه
تحياتي

[عبدالله مذكر العقيلي]

ههههههههههه

اعجبتني الابيات الاولى

صح لسانك يامبدع

ولاتقول الا الصحيح

بيض الله وجهك

[وليد أحمد]

ههههههههههههه
جميله ياطائر
تسلم

[الأموره]

مهاجرنا

مبدعنا

و شااعرنا

هطول جميل

بجمال روحك الطيبه

صح لسانك ملايين

سلمت و سلم فكرك

الف شكر لك

دمت برعاية الخالق

[الطامي]

الطائر
صح السانك ملايين
ابيات هدفة جدا وواقعيه
لافض فوك اساذي
شكرا لك