ياذيب

[عبدالله بن عسكر]

ياذيب ياللي في ذري القبر حلًَيـت=من غيبتك ياذيب حالـي عدامـه
عشرين عام طافت اليوم عدَيـت=واثر الزمن يرمي بحظي سهامـه
انت الصديق اللي علي القول وفَيت=ترسي بدرب الضيق قبل السلامه
وانت الرفيق اللي الصدق عنَيـت=في ديرة الصـدق فيهـا ملامـه
يادمعتين بيـن لهـداب ضمَيـت=ماتت وفيها الياس بانت حطامـه
كم ليلة بيـن المراقيـب حنَيـت=لي نوًخ التذكـار فينـي خيامـه
ياما وياما قلـت يابـوي ياليـت=وياما عزيز القوم فارق سلامـه
يابوي يالحلحيل ياذايـع الصيـت=تفـداك ذود ماعليهـا مـلامـه
من ذب رجم قبله النـار شبَيـت=القاه في عـوج الليالـي كرامـه
ومن داخ راسه بالخطا ماتعنًيـت=وانا عبيَد مـن يمينـي خطامـه
يالله ياللي تخرج الحـي مالميـت=يافارض شهـر علينـا صيامـه
ياواحد بامـرك خذيتـه ورديت =يوسف علي يعقوب يشرق ظلامه
رجواك قلب فـي حنايـاه كنَيـت=ونًه من الصندوق رجَت عظامـه

[الطامي]

عبد الله اليامي
صح السانك وبنانك
رائعة جدا لافض فوك اخي
ورحم الله موتاك وأموات المسلمين
شكرا لك ولاهنت عيني

[ام العمده]

الشاعر/عبدالله

صح لسانك واعتلى شانك
لاهان راسك
مبدع
دمت بخير

[الـزلـزال]

عبداللـه اليـامي

عشرين عام طافت اليـوم عدَيـت=واثر الزمن يرمي بحظي سهامـه
انت الصديق اللي علي القول وفَيت=ترسي بدرب الضيق قبل السلامـه

رحم الله غاليك وأسكنه فسيح جناته


مرثيه مميزه من مميز


صح لسانك ملايين ملايين


تقبل تحياتي

[الأموره]

اليآمـي

صح لسـآنك ملآيين يخوي

سلمت و سلم فكرك

الف شكر لك

دمت برعآية الخآلق ،

[الطائر المهاجر]

الله يغفر له ويرحمه
ويجمعكم به في مقر رحمته
ومثلك كثير فقدوا والديهم وابنائهم
ولكن للحزن نهايته ... فالإيمان بالقضاء
والقدر وما كتب الله شرط اساسي في الإيمان
فهي امانات ترد إلى صاحبها ، وهم السابقون
ونحن اللاحقون ...
كتبت فأبدعت كالعادة
صح لسانك ولا هنت

تحياتي الطيبة

[صنداح الزلامى]

الله الله




مرثية تحزن ولاكن لاستطيع ان اعبر لك لتاثري بقصيدتك

الا ان اقول صح لسانك

[ابو زياد]

الاخ اليامي
صح لسانك وسلم راسك
الله يرحمه واموات المسلمين

[مبروك بن ماضي]

الاخ الفاضل / عبد الله اليامي
صح السانك وسلم بنانك
مرثيه رائعه ولانملك إلا الدعاء لغاليك
الله يغفر له ويرحمه ويسكنه فسيح جناته
تقبل تحياتي وعزائي ،

[حوريه]

صح السانك وبنانك
رائعة من شاعر رااائع
رحم الله موتاك وأموات المسلمين
شكرا لك ولاهنتــــــ.........