نشوة فرح

[محمد بن عمار]

السلام عليكم

ساعة ضاق الصدر والتفت حولي
ما لقيت الا حبيب القلب ( فهد )
وجلست أشتكي له عذابي .
مشاركتي الجديدة هناااا،،،
عسى ان تنول رضاكم .

نشوة فرح

لا و آعذاب الذي خلّه على باله = يطري بليا مواعيد ٍ ، ولا أسبابي
تعبت شكوى الغرام وزود غرباله = راسي من أسباب خلي يا فهد شابي
مسكين قلب ٍ شديد الشوق يبراله = يسوقه لشوفة الخلّة و الأ صحابي
ما طاع ينسى حبيب الروح بلحاله = وإن قلت أنا قد نسيته صرت كذابي
خل ٍ حسين ٍ إلى من هل ّ بإ قباله = فلقة قمر ، في جبينه زين الأسلابي
ومهلهل ٍ فوق رمش العين شلآله = الى وقف ! واصل ٍ له روس الأكعابي
أنا اشهد إن الهوى يا زين مدخاله = نشوة فرح شوفة المحبوب تنسابي
ما الوم نفس ٍ لشو ف الزين ميّاله = من لامني قلت ذا حاسد ومغتابي
يا ما بكيت ، ونظيري هل ّ هماله = و تغرّ قت وجنتي ، و ابتلت ثيابي
ويا ما الى من فقدته ، زرت منزاله = و يا ما تعنّى ، وزار البيت بغيابي
ماعاد شفته ولا احد ٍ جاب مرساله = ولا لقيت الذي يوصل له كتابي
حتى الثرى يشتكي من كثر ترحاله = وصم الحجر والشجر وجذور الأعشابي
لا هب نسناس في ليل ٍ و مقياله = شا يل معه من بقايا ريح الأحبابي
قلت الحبيّب ، ذكرني وبرّ بوصاله = شدّه حنين الوفاء وعن هجرنا تابي

مودتي لشموخكم الباسق .
محمد بن عمار

[الطائر المهاجر]

الله يعين فهد عليك وكثر شكاويك
شايب مخرف ، الله لايلومه لو يطفش
صح لسانك
دائما مبدع
لاهنت
تحياتي

[منيع]

من الروائع
عاداتك ياابن عمار
تحياتي لكم

[عبير الورد]

صح لسااااااااااااانك ولاهان راسك
ابداعك متجدد دائما لاهنت
ربي يعطيك العافية

[شجون القصيد]

ااااااااااااااااالله ااااااااااااااااالله

قمة الابداااع والتميز

اقف احترامآ وتقديرآ لهذه المقطوعه الراقيه

صح لسانك عدد هذه الأحرف الفائقة العذوبة

بحق ارتوينا شعرا حتى الثماله

لافض فوووك

اعجابي وتقديري

[منصور العبدالله]

مـا طـاع ينسـى حبيـب الـروح بلحـالـه
وإن قلـت أنـا قـد نسيتـه صـرت كذابـي
خـل ٍ حسيـن ٍ إلـى مـن هــل ّ بــإ قبـالـه
فلقـة قمـر ، فـي جبينـه زيـن الأسلابـي
ومهلهـل ٍ فــوق رمــش العـيـن شـلآلـه
الى وقف ! واصـل ٍ لـه روس الأكعابـي
أنـا اشهـد إن الهـوى يـا زيــن مدخـالـه
نشـوة فـرح شوفـة المحبـوب تنسـابـي



وابرى حالى يابن عمار


الله يلوم اللى يلومك


صح لسانك ملايين

وحبى لى فهد اللى طلع منك هالعذبه

تحياتى ورد

[مجدي صالح المبارك]

الله الله الله عليك

شاعرنا القدير

( محمد بن عمار )

على هذه القصيدة الرائعة والتي

تفيض رقة وعذوبة وجمالا والتي كان لي

شرف المرور بظلالها الوارفة

صح لسانك مع أجمل التحايا القلبية

ودمت بكل خير وسلام

[عبدالعزيز العمار]

ابن العم محمد بن عمار

صح لسانك وجاد بيانك

معزوفة رائعة وعذبة كما هي عادتك لاهنت

تقبل مروري وخالص تحياتي وتقديري

[الطامي]

بن عمار
صح السانك ملايين
سبقتني عليها وانا قدني اقرقفها هههههههههههههه
شكرا لك يالغالي

[عبدالرحمن الصباح]

المبدع الشاعر محمد بن عمار صح السانك على القصيده الرائعه