يقولوا بالمجامل والمرونه يكسب الجمّال

[الطائر المهاجر]

القاء

يقولوا بالمجامل والمرونه يكسب الجمّال= واقول الشئ لامن زاد عن حده قلب ضده
ماشوفه هالزمن مؤسف ولا يقبل بأية حال= نفاقٍ في نفاق وغض طرفٍ قارب الرده
وانا مقدر عليها الله خلقني واضح الأفعال= فما في القلب يعكسه اللسان ويظهر لْبده
وما خالف لشرع الله فانا ضده بليّا جدال= فلا عندي مرونه فيه لو عانيت من لده
وحتى لو قضيت سنين من عمري وانا رحال= فلاني من تغيّر عن طباع ابوه او جده
احب الرجل واضح كالذهب ماداخله صلصال= يقول اللي بقلبه مايخاف افعال مرتده
واحب الرجل يسعى بالفضيله فعل لا اقوال= نقيٍ طاهرٍ يحسب حساب اليوم مع غده
بعمق إيمان في قلبه ولا هو خادع ومحتال = ولا متزمتٍ ياخذ بقشر الأمر له عده
يساعد من يشوفه يستحق ابجهد ولاّ مال= ويحتقر الحرامي لو مدحه البعض من مده
برزقه قانعٍ ماهوب من يركض ورا الإنذال= من اللي شبهة ماله وعند الناس من قده
رفيع الراس ما يخشى ولا لنفسه قبل إذلال= ولو عانى من الويلات مهما كانت الشده
واحب اللي يزن هرجه ولا هو للهرج نقال= ليفتن بين خلق الله ابو وجهين في وده
واحب الرجل مايمشي بظلما بالفعل ختّال = جبانٍ ما يواجه خصم والنيران مشتده
واحب اللي مْتواضع يحترم غيره بكل إجلال= واذا مسؤول بابه دائما مفتوح مايرده
ولا عنده بطانه فاسده تصفده بالأغلال = وتعمي ناظره مايدري اللي معه أو ضده
تدور مصلحتها لو تبي بيعه بنصف ريال = تقرب من تبي حتى تصير اشجار ممتده
واحب اللي يخاف الله فلو يمهل فلا إهمال= عقابه واردٍ للي تجاوز في الردى حده

الطااائر

حظيت بالمقدمه

وعسااي ان احضى بهاا دومااااا

يقال لكل زمن رجااله
واقول لشعر رجااله
ولعلك تعتلي قاائمه رجاالات الشعر

للابيات معك لذه لا يمتعنا بمذاقها سوالك
ننتضر جديدك بشغف

اشهد بانك من القله
الذين امتلكوا زمام الحرف والقافيه

هذاا هو الشعر

وهذه هي رسالته

صح الساانك مليووووووون

موج القصيد

[حوريه]

طائرنا المهااااجر


للروعه ابداع


وللجمال حروفه

وللتميز اسلوبه

سطرت لوحه رائعه

من روائع الكلام

ومن اعذب العبارات

فكان التميز هو عنوانها

والجمال هو جمال سطورك فيها

دمت ودااام عزك

.

[الطامي]

الطائر
سلم نبضك
وصح السانك
هادفة واضحه
لاهنت

[زهرة اللوتس]

احب الرجل واضح كالذهب ماداخله صلصال
يقول اللي بقلبـه مايخـاف افعـال مرتـده

واحب الرجل يسعى بالفضيله فعل لا اقـوال
نقيٍ طاهرٍ يحسب حساب اليوم مـع غـده

بعمق إيمان في قلبه ولا هو خادع ومحتـال
ولا متزمتٍ ياخذ بقشـر الأمـر لـه عـده

لله درك لله درك
عز الله انك صادق
الشاعر والمبدع // الطائر المهاجر
ابيآت من ذهب .. رائع كما عهدناك دوماً
بوح فاخر وشفاف وصادق
وحضور نتوق اليه
وابداع لا يستغرب على شاعر بحجمك
مما يجعلنا بشوق دائم لجديدك

تحياتي
وتقديري

[منيع]

نهج واضح وابيات وافيه وشافية
بارك الله فيك
تحياتي

[سناعيس]

الطائر المهاجر
صح لسانك وبيض الله وجهك
قصيده جامعه لله درك
حكم ونصائح مفيده جدا لذوي العقول
لاهنت يالغالي

تحياتي

[عدنان كريزم]

فعلا شاعر الحكمه اليوم انت يا طائرنا

صح لسانك


نص غالي جدا جدا



لا هنت

[عذب القوافي]

ليست قصيدة




























فحسب




























بل تتجلا الحكمه من هذه الأبيات


نص شاعر مجّرب

لله درك أبوعبدالله

تقديري ,,,,,,,,,,,

[مبروك بن ماضي]

الاخ الفاضل الشاعر العلم / عثمان العبدالله
أسعد الله مساك وحيّا الشعر ويّاك
كعادتك شاعرنا الكبيرتستوطن متصفحاتك الروعة والبهى
مررت من هنا وأنا على يقين بمصافحة إبداعك المعهود
وتشرفت بالوقوف أمام هذة الباسقه وأستمتعت بقراءتها
وماحوت ابياتها من الحكمة والرؤى الثاقبة
دمت للإبداع رمزاً ودام مدادك العذب وأحرفك المشرقه
سجل إعجابي القدييييم بشعرك وشخصك الكريم
وتفضل بقبول تحياتي وفييييض ودي واحترامي
أخوك / بن ماضي