انا تميمي واعرف اللي تميمي

[الطائر المهاجر]

انا تميمي واعرف اللي تميمي = صليب راس ولا يطاوع لإنسان
وهذا السبب مابه امير وزعيمي=لهذي القبيله حاضر وماضيٍ كان
واللي تميمي ينعرف من قديمي= صاحب مبادي ما تغيره الازمان
يحفظ عهوده بالمراجل فهيمي= ماهوب من يغدر بربعٍ وجيران
عريب اصلٍ محارب للخصيمي=من كل طامع ف العرب ارض واوطان
ولا هوب نذلٍ او بطبعه لئيمي= مع العدو ضد العرب دوم خوان
وحتى تعرف الرجل خلك فهيمي= ناظر لفعله قبل مدح وبهتان
واسمع لهرجه لا ضواه العتيمي=هل يضبط الكلمه بعقل وميزان
بعض الرجال ولو يعود لتميمي= العرق دساس يجي منه نقصان
فالناس في وقت مضى من قديمي=الرجل يتسرا بجواريه احيان
وينتج عيال البعض منهم فديمي= ماهوب وارث شي من طبع عمان
فالخال جذابٍ اذا هو خميمي= تلقى الولد مثله بطبعه والاعفان

[داعي الشوق]

والنعم بتميم وكل القبايل وصح لسانك وحالك

قصيدة حكيمه من حكيم

ابدعت ولاهنت

[بنت النور]

صح لسانك وقلبك شعرالفطاحله
لاهنت
تقديري لسموك

[منيع]

العرق دساس
جزل ومبدع
كل الشكر والتقدير لكم
تحياتي

[عبدالله الشويمان]

صح لسانك واعتلا شانك يابوعبدالله.

قصيدة رائعة مبنى ومعنى.

والنعم فيك وفي قبيلتك.

لا هنت لا هنت

[عبدالمحسن الرحمه]

صح الله السانك دكتورنا المحبوب وصح الله السانك وارحب ياعزوتي تميم

[الطامي]

صح السانك
رائعة وطيبه
ولاهنت

[نفحات حساسة]

هههههه ع قولته العرق دساس

صح السااانك ولاهنت ،،ونعم بكم

[نجم الإبداع]

ونعم بك وبربعك يبو عبدالله

وصح لسانك مليوووون

ولاهنت

[صنداح الزلامى]

صح لسانك واعتلا شأنك
انت تميمي ونعم وكل تميم لا أحد يلحقه فيكم شك قبيلة
صنعتم في التاريخ مجد مخلد ونعم الاسم