الرجل لا ادى واجبه غير مسؤول

[الطائر المهاجر]

الرجل لا ادى واجبه غير مسؤول= عن النتايج صالحه او سقيمه
يمكن بعد بذره يلاقي لمحصول= ويمكن رياح الوقت تذري هشيمه
خطو الولد يعجبك بالفعل والقول= وخطو الولد مهما كبر كالبهيمه
لو له عيال تحصّله دوم مشغول= بين التبطح واللعب مع خميمه
عبر الجهاز بحرب مادقت طبول= واذا تعب نوخ نهاره عتيمه
تنصحه ما يسمع فلاهو بمهبول= ولاهوب صاحي يعطي الوقت قيمه
وخطو الولد مهوب يمك على طول= مايسمع إلا ما تقول له حليمه
يضيق صدرك فانت ماعندك حلول= وتخشى عليهم من امورٍ عظيمه
ودامك بذلت الجهد ضافي ومدبول= من يومهم رضّع بجد وعزيمه
فلا انته عن اللي قدر الله مسؤول=احد طفح واحد غطس كالرميمه
اثقل وطنش واقنع بطيب محصول= وخل البقيه فالله اللي يقيمه

[عبدالله الشويمان]

كلامك صحيح ميه ميه..

صح السانك يابوعبدالله..

قصيده حكيمه.

لاهنت لاهنت..

[منيع]

كلام سليم
ربي يكتب مافية الخير والصلاح للجميع
شكرا لكم
تحياتي

[محمد بن عمار]

هههههههه يالعود تبيهم يتبرون من ذريتهم
إلاّ الرجل مسئول غصبن من ورى خشمه
سواء ًولده صاحي والا مهبول يحصد ما
زرع ...! و إلا وقت الزرع زين
ووقت القلع شين ؟؟؟؟؟؟
ماله إلا خشمه لو كان أعوج
الحيل لله والحمد له على ما عطى ...
تحيتي وتقديري ياشاعر

[بنت النور]

كلآمسئول عن رعيته
صح لسانك وكلك
ولاهان راسك
مع اطيب تحياتي

[داعي الشوق]

صح لسانك و طاب حالك و بالك

و الله يصلح الحال و العيال

ولاهنت يا بو عبدالله

[سعود بن سنيد]

	وخطو الولد مهوب يمك على طول مايسـمـع إلا مــا تـقـول لــه حليـمـه ارحب ارحب يابو عبدالله صح الله لسااااااااانك لاهنت ذكرتني في ابيات لي في هذا المجال اقول . ياسنافي جعل يفداك الزلابه=عقب اللي مايسدون النوايب اصبي اللي ردي في شبابه=عاده اردله الى من صارشايب

[ساهر الليل]

صح لسانك يابو عبد الله

قصيده جميله ورائعه

انت راعيها ,,,,,,,,,,

دام فكرك وصح كلك

مع وافر التقدير

[الراقي]

كلمآت عآنقت الآبداع والآلبآب

صح السآنك وسلمت ايدك

تقبل تحياتي

[هترل]

ههههههه
صح لسانك يابو عبدالله برشه برشه
والله يخلي لك عيالك وتسعد ببرهم لك
والرجل يقدم ماعليه والباقي عند الله
لاهنت يادكتور مبدع كعادتك

تحياتي وتقديري