اثر الهوى لاهل الهوى مابه انصاف

[نجم الإبداع]

ياحب في قلبي سكن عدة سنين=منهم بتالي الليل حلمي به الطاف
ياما لذكراهم تجيني طواعين=واثر الهوى لاهل الهوى مابه انصاف
حب القدود الراويه واريش العين =اللي رماني سهم عينه ولا خاف
وقت الشباب وشمهم من رياحين=كنت اعشق البسمه وترسيم الارداف
واليوم انا به منصدم من نهارين =ماني مصدق والقمر ليل الانصاف
غصيت بالعبره ومن حظي الشين=اللي يوريني الغرام اللذي طاف
يشكي همومه قلت حنا من الطين=واللي لنا مكتوب ماعنه حد صاف
انتي تعاليتي وعندي براهين =عشتي بذخ عشتي تحبين الأسراف
عشتي حياة اهل القصور السلاطين=ماتمنعين الود ياكنك اسعاف
ياما قلوب ادمت بحبك مساكين =في طرف عينك هام لو راه صياف
ماحلى دلالك يوم كنتي تراعين =وماحلى وصالك في زمان التعفاف
اليين ركبتي لشوقك جناحين=والبحر لك فوقه شراعن ومجداف
ياما بكو فرقاك كل البلادين =حتى المطوع جاه من حبك ارجاف
اما خفوقي طاب جعلك تطيبين=صلّي الفروض الخمس واقري بها قاف
واليوم لو سقتي جميع البراهين=للحب واللي منزل اقراء والاعراف
ماتعرفين الحب واهله على الدين=الحب في شرعك مخالف للاشراف
كم عام وانتي للهوى تاتناسين =واليا ذكرتك صار للقلب خفخاف
كنت احسبك في قصر عالي تعيشين=واثرك من الفقرات تنعاج الاكتاف
ماودي اشوفك بحال المساكين =ياللي تكبرتي بشيكن وصراف
جابك زمانك في طريق الشياطين=واخترتي العصيان والشوق عراف
وانا احمد الله بالمقادير راضين =مامت من جوعن وفي عقلي احصاف
ماقد خفضت الراس لاهل الملايين=واللي بحب المال مشغوف ينعاف
اعيش في فقري مع اللي مجافين=واليا عطاني الله حواليني الاف
اعطي ولو ماعندي الا ريالين =واصبر على العسره ولا احب الاجلاف
في ظل رب العرش ثم احمر العين=عبدالله ابو متعب على روس الاحلاف
عايش وماعندي لقلبي خيارين =في حب ربي عشت فالناس شفاف
سافرت لامريكا وسافرت للصين=ماغيرو قلبي ونشجه مع القاف
اعشق حروف القاف عشق المجانين=لانه هو المتنفس وجرح ينشاف
ياحب لولا سهم لحظ اريش العين=ماكنت حب ومنك ماشاج محراف

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[داعي الشوق]

الله الله

صح لسانك يا نجم الابداع

سيناريو غزلي و النجم فيه فلاح ،

رائعة جدا

لاهنت والله

وصح لسانك مدد

[الصمت الحزين]

قصيده من الطراز الاول
صح لسانك
ولاهنت
ودي واحترامي

[العبداللطيف]

قصيدة كتبت بمداد فكري نير
فجاءت نبعا فياضا من الإبداع
صح لساتك ولاهنت
مع أطيب تحياتي

[داعي الشوق]

جزله من راس جزل تستحق العوده لجمالها ،،
صح لسانك واعتلا شأنك
ولاهنت
تحيتي واحترامي

[نجم الإبداع]

المشاركة الأصلية كتبت بواسطة الطائر المهاجر

صح لسانك واعتلى شأنك
نص رائع من شاعر رائع
لاهنت
دمت بود

الطائر المهاجر

صح بدنك

والروعه تكتمل بمرورك الكريم

لاعدمتك

[الـزلـزال]

نجم الإبداع

نص مميز ورائع وجميل
من شاعر متميز ورائع في كل مايقدمه لنا
أبدعت وأمتعت شاعرنا
دمت بخير ودام لنا حرفك الراقي
صح لسانك ملايين ملايين
ولك فائق تحياتي وتقديري

[عبدالرحمن الصباح]

ياسلام ياسلام على البداع ماشاءالله قصيده في قمة الروعه من شاعر مبدع شاعر فحل صح السانك اخوي العزير تقبل ودي وتقديري واعجابي

[منيع]

مبدع ومميز
كل الشكر لكم
تحياتي