بس يكفي

[مجدي صالح المبارك]

تطعن شعوري الف مره ومره=بحدَ الحروف اللي نبشت كل مخفي
واطلق سراح البوح للجرح واشره=عليك يامن يطربك زود نزفي
وين انت يومٍ للأحاسيس جمره=بعوج الضلوع اللي لها الحب منفي
لا فزَ طرفك قلت لله دره=يقرا ضميري قبل يرتد طرفي
وان صد بثياب الجفا متَ حسره=واقول يالله زاير الليل يلفي
تزعل وانا اللي مهجتي منك حره=وارفع شراع الوصل لك رغم انفي
حبك غزى في خافقي كل ذره=نصفٍ أسير وبين الاجداث نصفِ
نصبت من ورد الغلا لك مجره=وقدمت لك روحي على اطراف كفي
واهديتيني يا جاحد الود زهره=مابين بيض ردونها الموت يغفي
اشمَها وتصهل من الصدر زفره=تكتب على وجه السما بس يكفي
الطعنة لامن جتَ على حين غره=ينهدَ ركن العمر لو كان صلفي
مات الهوى فيكم ولا طلت شعره=منكم و منكم يالغظي شاب حرفي
كلمة احبك بالشفا حيل مره=لا صار سم الغدر بالعرق يطفي
لا تزعج احساسك ترى راح وطره=وراسك من اضغاث المعاذير معفي
ياصاحبي مايوجع القلب كره=مادام من غدرك تلقيت حتفي

[داعي الشوق]

مجدي صالح المبارك

شاعر مميز و رائع

صاحب لون جميل على كل معنى

صح لسآآآآآآنك

مع التقدير لك

[عذب القوافي]

الجزل / مجدي المبارك

صح لسانك

نص وافي من وافي

تقديري ,,,,,,

[سناعيس]

لا تزعج احساسك ترى راح وطره
وراسك من اضغاث المعاذير معفي

الله الله
الشاعر مجدي المبارك
صح لسانك وبيض الله وجهك
رائعه وجزله
لله درك




تحياتي

[ابومياس]

اهلا وسهلا بهذا الحرف وصاحب الحرف

نص جزل ومعنى رائع

واسلوب جميل

صح لسانك يامجدي

دمت بخير

[محمد عبدالله البدراني]

مجدي صالح المبارك

سلمه الله


قصيده جميله كقراءه اولى لي


ومليون صح السانك

وعلا شانك


لي عوووووووووده



تحيتي وتقديري

[حوريه]

الشاعر مجدي المبارك

كلمات حملت صدق المشاعر


الله عليك يالمبدع


صح قلبك ولااااااهنت....


ولاحُرمنا جديد بوحك ,,,

[عمربن عجرف الشمري]

صح الله السانك ولاهنت بيض الله وجهك


تقبل مروري



اخوك



عمربن عجرف الشمري

[زهرة اللوتس]

كلمة احبـك بالشفـا حيـل مـره

لا صار سم الغدر بالعـرق يطفـي

لا تزعج احساسك ترى راح وطره

وراسك من اضغاث المعاذير معفي

ياصاحبـي مايوجـع القلـب كـره

مادام مـن غـدرك تلقيـت حتفـي

الله عليك يالمبدع


صح قلبك ولااااااهنت....


ولاحُرمنا جديد بوحك ,,,

[الخنساء]

الطعنة لامن جتَ على حين غـره

ينهدَ ركن العمر لو كـان صلفـي

مات الهوى فيكم ولا طلت شعـره

منكم و منكم يالغظي شاب حرفـي

كلمـة احبـك بالشفـا حيـل مـره

لا صار سم الغدر بالعـرق يطفـي

لا تزعج احساسك ترى راح وطره

وراسك من اضغاث المعاذير معفي

ياصاحبـي مايوجـع القلـب كـره

مادام مـن غـدرك تلقيـت حتفـي

صح لسانك ولاهنت
ابيات رائعة ترجمت روعة
دمت بخير