الرجل لامن وصل ستين عام (بالصوت)

[الطائر المهاجر]

بصوت خازباز

الرجل لا من وصل ستين عام = ابتدا يطلب مثل موتر قديم
لا يغرك با"لبدي" لو هو تمام = البلاوي داخله شيٍّ عظيم
لو كشح بالنور في وسط الظلام= كهربه متلامسٍ ماهو سليم
ولو مشى بك خطوتينٍ للأمام = لاتوهق .. ما يوصّل للنسيم
المكينه كل مافيها عدام= وحنّة الدفرنس تسمع بالنظيم
لو تصلح ما تصلح بانتظام= دربه التشليح مع باق الرميم
والدخاتر لو بهم بعض افتهام= البعض عينه على قرش السقيم
بين متسعود ووافد ما ينام= يلتغف ينهب مدامه في نعيم
وبين الاصلي من رقى فوق السنام= دون علم ولو زعم إنّه عليم
من قشور الغرب جمّع بالختام= والشهاده بالهدايا والبريم
شيوله شغال بياع الكلام = والجشع طبعه ولا له من غريم
وان خطا مسموح مايلقى ملام= فالوزاره كلهم ربع ونديم
عنصرية طب في قل اهتمام= والقدر شماعة اهمال الغشيم
فالضماير غارقه وسط الحرام= ما تفكر في حساب ولا جحيم
فالرجل لامن وصل ستين عام= كثر هرجه والفعل عنده عديم
انتهى دوره دخل سن الصرام= فلايحرك ساكنٍ يبدا الصريم
يجتنب ما لذ من شرب وطعام= فالمضره وارده باكل الدسيم
والمطامر يتركه وسط الزحام= يحتفظ بالجهد حتى في الحريم
ينشغل بالفكر يكتب للأنام= عن فوايد من تجارب في الصميم
والمواعظ في عدال الإلتزام= فالتزمت بالضرر نار الهشيم
يقتنع بالرزق يحيا في سلام= مع جميع الناس مايكسب خصيم

[الأموره]

:d :d :d

صح لسانك ملايين يالمهاجر ،،

هطول رائع ،،

شاكره لك طرحك ،،

دمت برعاية الخالق ،،

صح لسانك ياعود

ههههههههههههههههههههههه

قصيده محمة البنيان والمعنى

لايجيدها الا انت ,,,,,,,,,,,,

تسلم ويسلم منطوقك

بس ليزعلو عليك الشيبان

تقبل مروري وتقديري

[هترل]

هالله الله

هههههههههههه
صح لسانك ياعوووووود ههههههه
وتوك شباب .. الشيب شيب القلب
ابدعت يادكتور لاهنت


تحياتي

[الطامي]

ياسلام
الطائر
كلها ابداع من واقع يعيشه الكثير
صح السانك ملايين ولافض فوك
شكرا لك

[نجم الإبداع]

صح لسانك

ودعك من الاحباط والتبريرات اللي مالها داعي
تعال ادور لك صوماليه والا تكرونيه تقضي معها باقي سنينك
وتعيش في حياه سعيده

[مشعل التريباني]

اخوي الطائر المهاجر
والله مدري وش اقول امام هذه الموسوعه
وانا لي قصيده ماتباعد عن هذه لكن ناخرها
فيما بعد انشالله المهم ياخوي والله كل ماقلته
صحيح ولكن حنا يالشيبان مانبي هذي تضرنا يارجل
حطمتنا جزاك الله خير هههههههههههههههههههه
ماقول الا صح لسانك وجاد بيانك ولافظ فوك وخابو شانيؤك
ابداع ابدا ابداع ابداع منقطع النظير لله درك يالطائر

[ابراهيم غضيان الشراري]

الاخ الطائر المهاجر

ماأجملها من لوحة.

صح الله لسانك على هذه الرائعة.

تحياتي وتقديري.

[عبدالله الشويمان]

صح السانك يابو عبدالله
قصيده جمال في جمال
لا هنت لا هنت

[منيع]

اجدت وابدعت
شكرا لك
تحياتي